KA NGAIH LOH CHE RING SUH - II

Zirtei Mangpa
KA NGAIH LOH CHE RING SUH - II

Nipui khawlum mawitu sarawn par te,
Run mawi chinpar tin leh ram pangpar nen;
April-par pawh May-a an vul tikah,
Ih maw, Mate, ka ngaih loh che ring suh!

Furpui khawhnawng karah khawpui ri te,
Van rial rum leh Nikir khawcheng te nen;
Ruah sur zawha chhimbal a zam tikah,
Ih maw, Mate, ka ngaih loh che ring suh!

Vangpui khawthiang awitu sirva leng te,
Lentupui leh romei, si-ar zawng nen;
Chhawrthlapui paw'n vanzawl a kai tikah,
Ih maw, Mate, ka ngaih loh che ring suh!

Sikpui khawvawt chawihtu tlaizawng par te,
Zamzo, chuailo, ainawn, kumtluang par nen;
Chawngmawi, Hrangchhuan indi i tawn tikah,
Ih maw, Mate, ka ngaih loh che ring suh!

Hunpui inher vel leh kumsul vei te,
Damlai kawng chhuk chho-a vaih chang te nen;
Thawm tin kara reh ri a rin tikah,
Ih maw, Mate, ka ngaih loh che ring suh!

(30.4.2013)

KA NGAIH LOH CHE RING SUH - I

Zirtei Mangpa
KA NGAIH LOH CHE RING SUH - I

Turni thangvan zawlah a her luai a,
Sangpar mawi leng tinte'n tual an chai e,
Lamtluang chhuiin mah te'n ka her vel a,
Ih maw, Ma-te, ka ngaih loh che ring suh!

Tlang bawm romei lungkuai a zam chuai a,
Len thiam murva leng rual an her siau e,
Dawngral mawitu run tin an tlep tuar a,
Ih maw, Ma-te, ka ngaih loh che ring suh!

April parin lamsir an lo mawi a,
Mawi chuang sarawn parin run tin mawi e,
Leng awi zai ri mawi te'n an fawn dim a,
Ih maw, Mate, ka ngaih loh che ring suh!

(27.4.2013)

(Mi lunglen loh lai lai hian ka'n dah ve leh lawk..ka lung pawh a leng bik miah lo a nia :D :)

Chan loh tur a vul mah nila e,

Imanuel Cvl

Chan loh tur a vul mah nila e,
Thliah loh tur par zawng i ni bik silo a.
Kan runah zal puan nem min zawn dawn lo si hian e,
khiangawiin i la liam dawn si a.
vul zawng laia vul mawi ber hi,
Uai in i la chul dawn si a!

NUN LEH HUN

Zira Chhakchhuak Hualngo
NUN LEH HUN

Chhun tichhuntu chu eng leh enna NI,
Zan tizantu pawh khi'ng siarte khi;
La tilatu bahsamsei leh nunmawi,
Huaisen leh rinawmin val hming a chawi.

Dam chhung nun hman dan reltu chu hunbi,
Zirlai zirtirin tuk sak e rahbi;
Par mawi fuk kung cheitu chu par vul mawi,
Nun cheitu pawh tanpui ngaite lam hawi.

Saruak mualphona khuh botu chu silhfen,
Chhungril ata thatna tuihna zawng ten;
An tuk mam e he khawvel hringmi tan-
Hmun nuam, thlangsap hril UTOPIA ang khan.

Thatna tinrenga khat Lal hnung kan zui,
Nun thuam hlui tet dikna hriauin kan thui.

CHUN HMANGAIHNA HI...... (Mothers' Day Pualin)

Khiangte LR Lra
CHUN HMANGAIHNA HI...... (Mothers' Day Pualin)

Saisen teta min chawi liantu, 
Awm ve ang maw khuavelah hian;
Lakhran rualloh i hmangaihna,
I Sakhmel leh annem dam diai;
Hmangaihtu kei ka chun nunnem.

An awm lo, kei ka chun iang,
Hmangaihtu dang reng ka tawng si lo,
Min hmangaih luat em vangin;
Thlantui, mittui hreawm tinreng alo tuar,
A va thuk em chun hmangaihna hi !!.

Min hmangaihna ka dawn chiang a, 
Thlei bik reng nei lo I ro hlu te; 
Angkhat hmangaih kan dawng,
Kan at felloh min thuam mawi thin;
I fate hi min chhuang ber fo.

Thlangkhuandimin inthen lo tul e,
Lenna tlang chu lo dang mahse;
Mual za tam tak karah pawh,
Min hmangaihna a chuai ngai lo.

Thih leh hreawm harsat huamin,
Kan run chhung i lo kai a;
Kan run riang par ang lo vul leh e,
I seih kan tan lawmna alo ni;
Kan tan a far i chhingmittui.

Dam reng la, chun nem, dam reng rawh,
A ruak thlawn e kan run riang leh;
Khawvel pawh hi lo ngui ruai e,
Hmangaihtu reng an awm hlawl lo;
Nun hian a nei nem maw awmzia.

Min ngaidam la ka chun nunnem,
Suihlung mawl vang alo ni e;
I lairil ti nain i thu kan zawm ngai lo,
Kan haider thin I hmangaihna;
Tunah lungchhir mittui a lo tla ta.

Chunnu hmangaih tawng lo nau fa,
An tuar-an vanpui lo chim e;
A na ngei e, van reng an duai,
Kei erawh chun tang vuanin;
'Ka hmangaih che' ka chun nem.

KA NU, DAMRENG ANG CHE -

Lalrammawia Chhakchhuak
KA NU, DAMRENG ANG CHE -
(Mother's Day Pual)

K-Khuanu duan in mim ang kei ka lo piang,
A-A iang kei vang 'Thalfang pai ang' ka CHÛN;
N-Naunawn min chawi, kan bel ninglo a kiang,
U-Uai lo, chul lo, ka chûn nem vang, kan Rûn;

D-Delhloh nafam sial ang lo thang lianin,
A-A thiam, a fin, a theih ka tan a sêng;
M-Min dilsak fo Khuanu, ban rellovin,
R-Rilrawng min hrai, kan ngai billo zalêng;
E-Eitur min hlui, silhfen hmaih chuang silo,
NG-NGûr nun iang nan min zilh in, min fuih a;
A-A hraileng tan túrni sensa a do,
NG-NGhilhni her lo'ng, ka tana a tuarna;

CH-CHhingzo awm lo'ng, ka CHÛN khuavel zauva'n,
E-Entu, engmawi a ni, ka thinlunga'n.

(Acrostic leh sonnet nihkawp niin ka hria a).

Ka hmangaih, Ka nu tan. . . . .
Ka nu, Ka Hmangaih Che. . .
120520131740

KA CHÛN NUNNÊMI

TC Lalremsiama
KA CHÛN NUNNÊMI

Lenrual chhîng loin mi tâwna’n tlâwm mah se,
Hril ka nuam ve e kei ka chûn nunnêmi,
Min hmangaih leh lainatin a khatliam a,
Sîn nau kha dawi ang dawma min chawi lianin;
Tlei hnu pawh duat leh zilh min bâng lo a,
Kei ka tân a ‘zawng zawng’ an hmang ral raih si.

Ka leibat ka rûl sêng lo,
Mahse a hmangaihnain a tlâk zo!

KAN PHAL LO IN SAKRUANG RIAL ANG A RAL TUR HI

R Lalchanchin Mawia
KAN PHAL LO IN SAKRUANG RIAL ANG A RAL TUR HI

Kan hriat theuh angin Laipuitlang leimin vanga chhiatna chuan a rampum thinlung nghawrin a sawi nghing dual dual a. Vanduaina tawk chhungkuate tawrhna, thinlung taka hriatthiampuitute chu, khawngaihna leh lainatnain kan lungno sa a rawn luhkhung a. Bilhpuan khima luaithlinulin lungngaihnain kan lu a kàikun a. Kan tap kun tlawk tlawk mai a nih ber hi maw...!?

Ka'n ngaihtuah thin a. Khua rawn thimin chunglamah khawpui a rawn ri rum rum a. Thlipui leh ruahpui vanawn nen a siruk lain a rawn thawk ta mup mup mai si. Kawmchhak lawka chhiatrupna thlen tir mai thei PWD In, vanduai Mangkhawng to luah mai avang chuan thinthia mu lovin hlauthawng reng rengin an awm ang a. Chutihrual erawh chuan, heti teh thut thil hi chu a thlen tak tak loh beisei rûkna chaurau tak nen chunglam kuta inkawl tir chunga vengtute thlirna tarmit vuahin, nghakhlel takin khawvar hun an thlir ngei âwm si a. An va lainatawm tak em!

Engle khaw le, thiam turah min ngai tehreng emaw ni? He vanduaina lamhawia chhamhla phuah ve turin kan thiannu'n min phùt tlat mai si a. Ka tilthenna lam ni em em mah suh se, a zahawm fu roh si a. Heti hian ka'n chhai chhin ve ta poh a nih hi.

"Chungvan rum hum hum mah tihkhai changin.
A sawm vel e ruahpui leh thlipui lungrual puiah.
Thihna hlimthla leh riruang inlãr nan renga'n
Thla zar duai e thim lal rorel hun zan rapthlakin. 

Khua ruat hringmi hahchawlh nana duan.
Khêl loten lo thleng leh na e zan thlamuang.
Mutmu tuah theiin an mawi ne'maw thinthiin.
Muangten laikhum zal loh nan thauah man e titnain.

Vanduai tuara vanpui lo chimna tur rènga'n.
Sur buan buan e thimpui tothang khuangruah.
Chhiattu zualko thu keng vanduaina samsàr nei.
Chhungpui bawrh thintu minpuiin lo chhàwn. 

A hrâng lua e sárpui kut thihna nunrawng.
Chimloh tuaiduh lawmlai lêng pawh zuah lovin.
Khuarêl vanduainain an chungah thla zârin.
A kai lui ta e fam khawpui sianga lawi turin.

Rilruin Ar bo a zawng ruai e puhmawh tur zawngin. 
Hringmi fimkhur loh rahchhuah kan tel nge.
Dan rualloh khuarêl kan chunga lo thleng zawk?
Remti lo mah ila kan thu si lo thihna chungthuah.

Muangleiah chhungkaw hmakhawthlir siam a.
Duhtin sama chhungkim dar ang lenlaiin maw.
Dan rualloh khuarel thihna a lo hrang si. 
Kan phal lo in sakruang leidaia rial ang a ral tur hi.

THIANTE NENA IN LEHKHA DEN THU

Angu Angu Piper
THIANTE NENA IN LEHKHA DEN THU

Tangka cheng ro thangpui ka pingpei pei e tlai khawvarin.
Sum man tam hluan thalengi tuak val Lalduailopa'n,
Rente ngaih leh ren puiah, ren pui kai leh Thalengi tan.
Legdawn sum man tam hlian hluani tan.
Laitha leh hringnun chheu hmabak dawn a tam hlian hluan e,
Khel hmim ip lum se cheng ro thangpui ka aih lengte tan.
Kawltu chawi lo hian tiahtangah naunawn tuai nen,
Ka run hlam sawmah fang her lum cha in laikhum zal i la!
Chu lo a liama hringnnun lei Eden awm thei ngai maw e?
A mi leng sawi chhurpui seki buh chhuak pawh va nei rawh i,
Lem hian ka ring lo hringnun chheu tin hian.

Vul tura duan mah ni ila

Masi Chhakchhuak ProblemChild

Vul tura duan mah ni ila 
Chul tura siam kan ni si

Tah chang a tam dawn e
Vul lai ni hian
Hrinlai hmang mek kan ni miau a

HMEICHHIA" ...! AW....NANG "HMEICHHIA".....!!!

Khiangte LR Lra
HMEICHHIA" ...! AW....NANG "HMEICHHIA".....!!!

Hmeichhia...! aw...nang Hmeichhia....!
Mawina leh duhawmna zawng zawnga,
Duan leh thuam mawi bik chu i lo ni e,
Thil dang engmah hi nang aia mawi,
He Khawvelah pakhat mah a awm lo.

Hmeichhia...! aw...nang Hmeichhia....!
Lunghlu leh rangkachak-te hian maw,
Hlutna leh mawina an nei ve i zarah,
Par mawi tinreng ten i nalhna thuruk hi,
An puang chhuak thin nitin mai hian.

Hmeichhia...! aw...nang Hmeichhia....!
Khawnge i mawina leh i duhawmna chu.?
Thang vansang leh lei chung zawng zawng ah,
Tuifinriat mawng thuk tak hnuaiah pawh zawng ila,
Ka hmu chhuak zo law'ng nang aia mawi leh duhawm.

Hmeichhia...! aw...nang Hmeichhia....!
I mawi zia mawlh hi aw...i mawi zia reng hi,
Hringmi zaleng tawng tin te hian a sawi fiah thiam lo,
Van tawng hial pawh hawh mahila hrilh thiam a har awm e.

CHUNNEMI TAN

Mam Aineh Fanai
ka nu pualin kan post ve hrim hrim teh ang ziahna rei deuh tawh mah se...

CHUNNEMI TAN
Chunnu’n saisentetin min chawm
Hnuntui leh hmangaihnain
Chun dang tih loh ni bik suh e
Mahse ka chunnu hmangaihna par
Thlum bik hian ka ring thin.
Dammawh vanga laikhum zalin
A theih a thiamna zawng min hlan
A hlu mang e ka chunnunnem.

Hai ang thangin khuanu zarah
Zirna run ka lawi ve a
Dawn kir chang hian mak ka ti
A hmangaih leh dawhtheihna
A thlawn ngailo a sakhming lam
A theih a thiam bak pawh ni se
A hnar ngai lo a hrailengte
A va hlu em, ka chunnunnem.

Khuavel eng ka hmuh hma pawha
Ka nunna hrui ka chunnemi
Tunah khuandimin ka leng ve a
Hrai pawh ka chawi khuanu zarah
Ka chunnemi sakhming lam
Ban zai rel hian ka mawi lo
Kumsul veiin khua rei mah se
Ka nunna hrui tur ka chunnunnem.

Mangan leh harsat ni te a
Ka lam hmasak a sakhming mawi
Chhemdamthli iang a anka nem
A va hlu em a thlamuanna
Mahni hreawm pawisa lova
Ka tan tlaikhua a var thin te
Bang lova min tawngtai sak tu
A va hlu em, ka chunnunnem.

Chhin zawh rual ani nem le
Phaisen vai lian hmaah leh
Zomi val rual hrang karah
A mawhphurhna hlen chhuak turin
A zam ve lo, kei ka chunnu
Thlangkawrvai lal chawimawina
Hmu tlak reng a lo ni e
Ka chhuang mang e, ka chunnunnem.

RUAK...

Zorin Sangpa
Veleh thuai ang....

RUAK...

Zankhat mitchhin tawkin,
Fam vangkhua lawi turin;
Piallei thlan thim belin,
Rihsang mual pana hnutiang hawi lovin,
Rolung mual ka mawi a nih chuan.

Zingzin lamtluang chhuiin,
Thlafam tum kawng zawhin,
Zingphul tual mawiin,
Fam vangkhua pel a piallui kanin,
Pialral ka thleng thei hlauh a nih chuan.

Faisa ring a nuamtin tawlin,
Hnuchhawn ram ngai lo rengin,
Rauthla lenga hawi velin,
Duhaisam kim se rauthlain,
Keimahah ruak a awm tlat si chuan.

CYCLONE PUAL

Htluanga Hruaia
CYCLONE PUAL
HLA CHHAM!

Inti-vei thin seifa lung mâwl,
Min nuai dâwn maw Cyclone-in?
Himna zawngin kil tin kan hâwl,
Min thruai dâwn maw thlipui-in?

Ram tiam beisei Pathian fâ inti,
Thih hlauin kan phu mur mur khua lianah!
Chatuan nunna beisei thin hringmi,
Nunna kailâwn rahka rah hlau kan hah!

Hei ang hringnun dahlau kan chang ta hi,
Makna mak tak silhpuan pâr kan sin vàng em ni?
Hei ang khuarel thlipui kan ur dàn hi,
Kan rinna dahlauzia tilang fiahtu em ni?

Nawmna ramah changkânna rah kan ei lai hian,
Tuar tura khua duan kan nihzia hi kan dâwn ngai em ni?
Nunna hlutzia kan hriat nan thih a tul ang hian,
Nuihna hlutzia kan hriat nan tah pawh a tul lo em ni?

Khua ruat thlipui chu a lo la thleng ngei ang,
Thlamuan ngai hringfa’n eng kan tih chuan ang?
Khua ruat hun her thin hi a mak dàn a dang,
Eng tin paw’n dâwn mah i, a tleh tho vang!

Kan mamawh ber chu tuar tura hrin kan nih hi a ni!
Mahse, kan mamawh ber erawh kan hlauh ber a ni si!

( 15.05.2013-Ht)

MAHASEN -

Lalrammawia Chhakchhuak
MAHASEN -

M-Mu ang thinlai th(r)âwngtu biahthu thangva,
A-A thang hluan maw Zofa lunglai th(r)awnga'n;
H-Hrâng vùng Virthli herluai tawn ngailoh kha,
A-A hrâng dawn maw Chhawrpial iang ram nuama'n;
S-Suihlung pháng Zofa lêng phi ruai si,
E-Em ni kan tan Khuanu lêng ruat reng hi?
N-Nun tam neih na'n han hmang hlawm teh reng î!
(ababccc)
160520131025

RAMHUAI TUIBUR

Vala Mizo
RAMHUAI TUIBUR

Nang hi maw lo ni, ka lu kuai kun a,
Ka theih ka thiam, min daltu chu.
Nang hi maw lo ni, ka sum min ruk sak a,
Ka chinlai leh laina min thentir tu.
Nang hi maw lo ni, ka mittui ko chhuak a,
Ka vanglaini min pawt tawi tu.
Nang hi maw lo ni, ka thai ka hrai nen a,
Ka zua, ka chun, min hlattir tu.
Nang hi maw lo ni, ka parmawina,
Ka sakruang min eichhe tu.
Nang hi maw lo ni, ka ram tan a,
Ka fin, ka thiam, min daltu chu.
Nang hi maw lo ni, chapo tak a,
Ka duh bak bak min sawitir tu.
Nang hi maw lo ni, nun ning tak a,
Ka thinlung min siamtu chu.
Nang hi maw lo ni, tuanrel lova,
Ka sakruang min tudawl tu.
Nang hi maw lo ni, nuihzatbur leh,
Anchhe dawng min chantir tu.
Thatna reng i nei mawlh lo,
Liam mai rawh, liam mai teh le;
Mangtha, mangtha RAMHUAI TUIBUR.

VANGKHAW SUMTUAL SENMEI CHANG E

R Lalchanchin Mawia
VANGKHAW SUMTUAL SENMEI CHANG E

Ka dawn ngam lo rairah riang an chan.
Vangkhawlaiah hlimte'n dârang lenlaiin.
A lo hrâng e dan rualloh tualral lian.
An neih rosum riral zo e tualrawk tuarin.

A mak em e ànpai ral lian mah ni si lo.
A na em e ralram thlangkawr mah ni si lo.
Unau hmelhai hun thim a thleng ta em ni?
Hun hlui inrun hunah an kir leh ta em ni?

An phal lo maw sumtuala laitual lên ve.
An nuam e kangraltu sen mei rawih.
Thin a thawng zawr zawr rikrapna rapthlakin.
Hlauvin tik dial dial e ar mu thamthelh iangin.

Senpa aw meipui ral lian lo hrangin.
A hliau zuai zuai e run in zarhliap.
Tap chiau vawr vawr e nunau mangang.
Dan rualloh luaithli luang e pachang biangah.

Thlir ngam bik u maw run in senmei chang lai.
Thinlai a hnim lunglai a na vawng vawng.
Tapin an rum an sabiak a nuar em ni?
Heti kauva hun rapthlakin a chim bik le?

An fel kan tibil lo mahse khuanu'n a hual.
Sumtual nghak chimloh nunau sial ang ngir e.
Kha chen ngaihngamtea tual an lenna sumtual.
Rin loh karin chang zo ta si e vutdurah.

Ram hmangaihna thuam inbela hnam hma-ngâitu hmakhawthlirna tarmit vuaha thlirtu tan pawh, zêp nâk emaw, thlirna kil dang vak a awm thei tlat lo. Ni e, nunrawnna kuthnua an puhthlu phal ngang lo a nih pawhin, hmangaihna sulhnu themte liak pawh a lang lo tih hi phathul theih a ni hauh lovang le. Hmelma chu neih ngai a ni a. Huatna thinlung vanga tualthu chhiat chang chu awm bawk mahse, a hleihluak taka chet hi chu a Mizo kristian zia lo deuh chu a ni. Heti kauva hleilêna nunrawnna laltiang vilik tur hian eng ang fakauva fel famkim nge kan nih bik le?

Fianrialah pawh khawhar hnemtu,

Bma Hlawndo
F=Fianrialah pawh khawhar hnemtu,
A=Ami zaleng suihlung rualna;
C=Chhuihthangval tan di kawhhmuhtu,
E=Englovi tan chhas thar tawnna.
B=Biak azirin thu chheh a dang a,
O=Ok Ok ti kur dupin;
O=Oops tih chang lah vawi duai lo,
K=Kil tin hrut chhuak chu nang ngei hi.

Lalngheta a tluk fona khawvelah,

Bma Hlawndo

Lalngheta a tluk fona khawvelah,
Lalrinawmi'n a phatsan thinna hmun ngeiah hian,
Lalpiangthara ruih fonaah,
Laldawngkima'n a chan loh fonaah hian,
Zoramhmangaihi'n hnam dang pasal a neihna khawvelah,
Laldampuia a nat fonaah hian,
Engah kumtluang biahthu min lo hlan le!!!!!!!!!

Zo-voh anka

Laltluangliana Khiangte
Zo-voh anka : RABINDRANATH TAGORE PIANCHAM LAWMNA HLADO / CHHAMHLA

Kei chu e, thangzau khualbuk runpui mawia ngirin,
Do hla mawi hril thiam Zo-val chhuanvawr iangin e,
Thakur zai chawi hla chhamin kiu veng veng ta’ng e, 
Kiu veng veng e Tagore chawi hla mawi ngei chhamin.
***
Thangzau khualbuk runpui tih hi Hotel Grand Oberoi, Kolkata khawpui lun leh laili ber maia Five Star Hotel lar em em sawina a ni.
Do hla mawi hril tia kan sawi hi kan pi pute Hlado chham thin kha a ni.
Thakur zai chawi hla tih chu Nobel Prize For Literature dawngtu India thu leh hla thiam hmingthang Rabindranath Tagore chawimawina hla sawina a ni e. Thakur a ni a, sapin Tagore tiin an lo ziaksak hi a lo ni a…
***
Posing myself in the Grand Oberoi’s elevated-dais citing priceless verses,
Just as a hero chanting traditional victory slogan over the vanquished foe,
Chanting the sweetness of Rabindra Thakur’s captivating rhyme by me,
By me I chant on and on with joy melodious oldie on Rabindranath Tagore.

….tih hi sap tawng tlukpui chu a ni awm e. Ka’n chham zo chu kut an beng dur dur mai a, an lo lawm em em a. Mi tih ngai loh a ni bawk a, danglam tha riauvin an hria a ni awm e, mahni hnam chawina a lo ni tel bawk si a, rilru a nuam ve tlat sin! Mahse hetiang hi tih ngam har tak a ni………….May 9, 2013 :

KHUANGRUAHPUI SUR

Khiangte LR Lra
KHUANGRUAHPUI SUR

Khuangruahpui surin banzai arel si lo,
Chhim thlipui lunglian lo hrang chuan maw,
Zoram dung leh vang chu nawr sawk sawkin,
Piallei rem-that sa chu lo chim rum rum e,

Hraileng nau-fa hlauin an tap e,
"Awi ka nu, ka hlau, ka hlau" !!tiin tah zai lo sa,
Aw... Khuangruahpui zahngai mai tawh la,
Kei ka di tawnna tur reng min dal zo si,

A khi tlangah khian ruahpui lo sur buan buan a,
Ruam leh lui kawr-a hawktui lian chu ahrang zual e,
Luang hum hum leh phul bulh bulhin ri hum hum chu,
Hmanhmawh taka luang zung zungin luipui lam an pan.

Theihna reng an nei bik lo, Khuangruahpui hrang,
Han tuar meuh chuan achuai zota an chakna thahrui nen,
An sawi biakhlatna leh khawl thluaknei tha ber pawh,
Nunna nei lo iangin an reh vawng vawng e.

Khuangruahpui sur banzai rel thei si lo,
Tawn ka nuam che aw....kei ka tawnthar di hmeltha,
Khuangruahpui sur ban leh ka di nang tawn hun tur,
Engtikah tak her chhuak ang i maw...??

RUAH.........

Khiangte LR Lra
RUAH.........

Ruah hmi a tla ser ser… tla ser ser…
Naupang ten lawmin an do, an huh zo ta,
An nu leh pa thinlai hrang chuan vin tuar tuarin,
'Mami', 'Mama', "In huh zo vek tawh a lawm !!”, 
“Lo haw vat rawh u” tiin an au chel chul. 

Ruah a tla tuam tuam… tla tuam tuam…
Hmanhmawh theih tawpin mahni in lam pan chungin,
Losul feh an hawng, huh zawr hnep hnup-in,
Leilung rah thlan thiam ahar ngei an ti,
“Awi, ka nu !! Ka tawlh thlu dawn” tiin an te..!!

Ruah a sur hum hum… sur hum hum…
Tui-um leh tinpui, tui thawl neih zawng zawng te,
A khat loh hlauvin an thal zung zung,
A dir chur chur, a baw hawk hawk tui dawn atang chuan, 
Kawr-te ruam lam pana ri hum hum humin aluang huau huau.

Ruah a sur cherh cherh… sur cherh cherh…..
Zantlai baw’-ar te’n siang lawiin an run an bel,
An iangin kei paw’n kan run nuam chu ka bel ve, 
Laikhum zawlah silhpuan thleh nem sinin,
Zan mut chin har kha aw…a awl ngei mai.

Ruah thimpui alo thlen meuh tawh hi zawngin,
A hrang lua e, ri dur dur leh phe zawr zawr-in,
Virthli leng chu ahrang a,Van rial ngenmu iangin lo sur e,
Dimna reng nei hauh lovin maw, 
Kan run innghahna ber pawh i nuai chim tak le !!

AN LIAM ZO TA.......!!!

Khiangte LR Lra
AN LIAM ZO TA.......!!!

Ka han thlira an awm tawh si lo,
Runin nuam leh thenrual lungduhte, 
Kar pawh awm hman lo lekin,
Thenna biahthu reng min hlan lovin,
An liam zo ta, an awm tawh si lo!!

Hlim leh lawma kan lenna,
Kan Zawlkhawpui nuam tak chu, 
Tunah a ngui ruai ruai e,
Thinlai a thawng ngei e, kan tiam si lo,
Ka ring thei lo aw… a pawi ber mai.

Ka tawnmang mai ni se ka va ti em, 
Lalpa hetiang tur hi ka ring ngai si lo !
Eng kan ti ta bik nge ?!!a pawi ber mai,
Kan Pa duhtak i khawngaihna leh tanpuina, 
Ngenngawl tak leh thinlung takin kan lo dil che,

Kan au thawm hi lo hre ngei la,
Thlipui leh tuifawn te’n i thu an awih thin, 
Hau reh ang che thlipui leh ruahpui te hi,
Kan chunga thil thleng zawng zawngte hi, 
I thu lovin engmah kan thatna turin a thleng ngai si lo.

A PAWI VAWNG VAWNG!

Htluanga Hruaia
A PAWI VAWNG VAWNG!
(zanin chu a lang tlat, nizana vanduaina tawkte pualin. Eng tehkhawng mah ka hmang lo.)

Bawihte,
Muangte'n zanmu i chhing a,
Tawnmang rama i chen laiin,
Hriat loh falin a delh che maw!
Chiangte'n ka dawn, thinlung a tap!

Bawihte,
I sin pangti lum nei lo khan,
Dimtea ka khawih i sakruang,
Piallei daiah a nghaisa vel maw!
Chiangte'n ka dawn, thinlung a dam lo!

Bawihte,
Heti maia i kal hi kan la tiam lo.
Mangtha' tih thu pawh chhiah lo va,
Mi dawntawite tuh rah seng a,
I liam ta mai hi kan ngai thiam lo!

Bawihte,
He hringnun hi zawng a tawp em a,
Mawi taka i seihna tlak pawh a ni lo,
Mahse, kan la tiam lo asin i liam!
Nunrawng fin thil i tuar kan ngai thiam lo!

Bawihte,
I zalna rawih run thim hnuai a,
I mangang au thawm te chuan,
Chhawntu a tawng si lo maw!!
Dawntawi lungmawl tuh rah i seng a pawi vawng vawng!

MUANGIN CHAWL ANG CHE U

TC Lalremsiama
MUANGIN CHAWL ANG CHE U

Kan sà a nuar emaw ni si lo,
Lir pui a nghíng ni bawk si lo;
Muang leia laikhum belh lai takin,
Zawlkhawpui riahna rûn maw lo chim,
Tuara'n vân pui a lo chim!

Fam sâr nunráwng lunglian lo hrâng chuan, 
Hruaiin, an kal ta e vanduai rûn lúmtute;
Zalêng zawng thinlai a thâwng ngei,
Zofa zawngte lunglai a ngui ruai e.

Thlafam tumkung zawha liamin, 
Koh kîr rual mah ni bawk si lo,
Au mah ila min chhâng lo, min chhâng si lo;
'Ti hian kan hlàn mangtha hnunghnung chu,
"Muangin châwl ang che u," tiin.

(Hlahril mawlmang mai mah ni se, date 11.5.2013-a Aizawl Laipuitlang in chima boralte pualin ka hlan ve e.)

LALRELFELA SAILO (accrostic verse)

Dawithiam Lalruanga
LALRELFELA SAILO (accrostic verse)

Lawmna leh hlimna ka duhsak che a,
A lo thlawn maw a nih dawn tak le.
Lawmna aiah lungnghaihna maw ni a,
Ruam leh khur thuk thihna ruam chu,
Enna reng hmu ngai lo tahnaa khat,
Let let ngai lo tura zawh atan chuan,
Fur khaw hnim ianga nelawm lo chu
Eng vang kher nge i zawh tak le.
Laimi zingah i sakhming,
A than hmain i liamsan ta.

Sailo ngurpui lenlai ni se,
A leng lovang ni leh thla bak,
I chungah siar te lo chu,
Lam lo let leh la kan va ti em!
Oh..Lalrelfela Sailo (Relfela Sailo) 11.5.2013

KA CHUNNUNNEM

Jonathan Puia Siakeng
KA CHUNNUNNEM

Ka hril dawn e,ka dawn lungruk,
A mi leng te'n min sel lo se;
Nunmawi,zemawi, min zirtir thin,
Uaia chul an ka phal si lo;
Duhthu aiang sam nawn fo in,
Uai lo te in a thar reng thin,
Hril ve na'ng e ,a hrai leng hian,
Tlangtin mualtin chuan mahila,
A chhing zo reng an lo awm lo,
Ka lei rohlu chu nang ngei hi!

Leimi zaleng hei zawng zingah,
A hlu chuang ngei kei ka tan hian,
Lungngaih ni leh lawm lai ni paw'n,
Nem te'na angchhungah min lo pawm thin;
Uanpui lo in a thiam, a theihna zawng,
Nunmawi ka neih ve nan a hmang ral thin;
Mi zawng laiah a hlu chuang ngei,
Aw! khuanu hian zah lo ngai se,
I thlazar hnuai belh reng ka nuam,
I hlu chuang ngei ,i hraileng tan;

Maltin sawmtu khuanu zarah,
I dam chhungni hrui ang sei se;
Nui hiau hlimni a sei theih nan,
Dawn ve teh u,leng zawng te hian,
Amah ang hlu,hring chan chhung hian,
Min dawm zo reng an awm ne'm maw?
Parmawi chungchuang chu nang ngei hi,
Uailo te in vul reng ang che,
I biah zainem kan tan damna,

Reng lal naufa iang i ang chhungah,
Eng dawn lo te'n hlim zai kan vawr,
Ngur nun reng hi kan ngai bik lo;
Run in mawitu ka chunnunnem,
Awihlai nau nih ka bang phallo,
Hun leh ni ten liampui mahse.

KA NU

Jonathan Puia Siakeng
Mother's day pualin .....

KA NU
(ACROSTIC)

K-awng thim,sultin tawna mi hruai thintu,
A-nnem,zilhhau thiamtin fahin,
N-un mawi lamkawng hrilha min hruai fotu,
U-angpui chang suh i,ka nu nang ngei!

M-uanghlei chenna'n ka tan i hreh phal lo,
I-hlu a sin ka tan i tih fo hi,
N-ang vang ka nu rual ka chhing ve a,

D-amten chawi ve che ka nuam ngei e,
A-hlu ka tan,i tan hlut ve thiam ila,
M-awitin thuam ve che ka nuam a sin,
P-arlai ka tan vul reng teh la,
U-p bo lo la sakruang,mi dampui reng rawh,
I-tan tih ve ka duh,dam reng rawh aw,

R-am nuam chan ve na'n piallui chu dai lo la,
E-ng mawi ni la,ka kawng hruaia'n,
NG-ur nun chan ve nan e,riangin mi dah suh,
R-un mawi zel la,kumtluang par iang,
AW-mtu ni la,run lum tura'n,
H-ual rawh khuanu ka tan,ka nu,

A-wmlai chu nghat lo la chunnu tawnah,
K-a nu,mim dampui reng rawh.

Free verses
08052013

LAIPUITLANG VANGA PHANGTE

Zira Chhakchhuak Hualngo
LAIPUITLANG VANGA PHANGTE
(Leimin chhin hnante au rawl)

Chinlai leng chim loh chun, zua, hrailengte,
Thinthi-a thlehnem laikhum belh laiin;
Chhuan thin runin, piallei doral changin,
Khuarel hrangin Awk iang mi lem ta e.

Lawi mual zir loh vang nge, van- duai vang le,
Tiam hmaa liam rel a tul tak mai hi!
Hmakhaw sam lawk tawnmang an chang ta si,
Lalpa, lungduh mangtha hun tal mawle!

Hmangaihte rum ri chu ngaiteh, Lalpa,
"Piallui kanin pialral kai lul s'u;
Kan la tiam lo hring lam lo hawi leh r'u."
Tiin min au, Chhang hram ta che, Lalpa.

Anih Lalpa, kan chunga thlengt hi,
Nung damte tan zirlai-ah lo chang se;
Inpeih fo reng turin puahchah ang che,
Keini zawng i kutah kan awm tawh si.

Zo kalsiamtu sizangkhua a her sual em ni?

Elti Muana

Zo kalsiamtu sizangkhua a her sual em ni?
Hei ang kan chan hian lung a dam mawlh lo e.
Khual kan him lo a, tual kan dam lo a,
Zua kan then a, chun kan sun a,
Hraileng kan chan a, hellai diin dairial min chansan a...

Lalpa, eng kan ti ta nge,
Chun zawngte ni a Zoram chunnu tapa a rum tak mai le?

RUAH A SÛR -

Lalrammawia Chhakchhuak
RUAH A SÛR -

Khuangruah pui a sûr,
Ka suihlung a hnûr;
Ka lu a na bûr,
Khuma'n ka mu thûr;
I zun ngai ka kûr,
Min lo ti e, Chhûr;
Iang ve silo Ngûr. .
!!

POST KHAT LUTUK DALAH...

Elti Muana
POST KHAT LUTUK DALAH...

Khuangruah surin rairah tuan mi kham leh ta
I zun ngaih lai tal hi kham ve ni se la
Awm leh awm lo dawn loin ka kiu lo tur a
Mahse awm lo i awm miau a
Awm lo awm lo ni zawk la ti
Awm a nawm zawk na'n.

BEISEINA

Zualbawihi Renthlei
BEISEINA

Beiseinain ka thlir a, 
Beiseina nen ka nghak a;
Beiseinain ka zui a,
Beiseina nen ka dawh a;
Mahse......
Beiseina chu ka vahvaihpui ta, 
Rina beisei reng laiin a thâral ta si !!

BEIDAWNNA

Zira Chhakchhuak Hualngo
BEIDAWNNA

Puini si lova fam vangkhua,
Hringmi leng namsehtu;
Tuaidawn hrinhniangte chun leh zua,
Tahlai chhiar bi puntu,
Hringmi leng tan hmelma chhung khung,
A lo ni beidawnna nget zung.

Duham chinlem i nei lo'm ni?
Hei zat i lem 'hnu hman;
Hring sakruang iang tawng thei che i,
Hnam ruai ing e i tan.
Hringfa tawnah uan i cheh maw?
I tlawm loh tur, KEIMAH val aw!

Beidawnna hliap seifa leng te'u,
Engah khatia in kun?
Inthing harhin beilet ta che'u,
Huaisen hun a ni 'TUN'
Hliaptu chhum thim chhah lua mahse,
A ngam loh 'NI ZUNG' thlir ang che.

RAWLLAI RUALHLUI ZAWNGTE KHA

R Lalchanchin Mawia
RAWLLAI RUALHLUI ZAWNGTE KHA

Lêntu zing hnuaiah ka chuan leh kan vangkhua.
Ka thlir vela thingtin hnah nêm leh maurua.
An kûr nghiu nghiau e ramhmul chhawllêng.
Chhem thle nghil nghial e virthli lêngin.

An iang renga hlimlai chen lungtin rualza.
Vangkhaw laitual mawitu rawllai tualchaiza.
Sulhlui chhiah cham e chhingmit thlaah.
Lunghlui a tho leh e dawn lungrùkah.

Hmanah rawllai ka di thlunglu thle nghel nghel.
Tuaitir duahthar bahsam mawi leng siau siau.
Thlir nin loh kei ka lunglawm kimna ber.
Nghilh hnu aiang thar leh e thinlaiah.

Hriat loh hun tam liam kum tam veiin.
Hun thar her chhuaka kar min danin.
Kha chen min chuan tir e tuanna mualdang.
A dang zo ta e maw kan nun zawngte.

Aiang thar ve maw e rualhlui sulhnu zawngte.
Sumtuala tualchaipui thin chhuihthangvala.
Dawn ve maw e tuanna mual chuan leh changin.
Hlimlai sulhlui chhiahpui rairah riang vala. 

Hmanni lawk, Zoram ka rawn chuanchhuaha, kan khua, Khawlailung khuaa ka han chho chu ka mikhual ang reng hle mai a. Thangthar, tu an nih ka hriat lem loh leh min hre lotu an lo ngà tlúrh tawh mai a. Hrilhhaia hawi lawl lawl mai pawh a awl hle a ni. 

Tunhma kan tleirawl chhuah, high school kan kai laia hmeichhe tleirawl duhawm tak tak, chawlhni tlaia fenchhing nena tleh dél dêl thinte khan nuthai an lo chang zo tawh a. Hlim taka kan inlêm kual lai hunte suangtuahnaah a rawn inlar a, lungte pawh a leng ve thelh thelh nia. Chung hun lai chuan, chung tleirawl duhawm tak tak zingah chuan duhawm fal bik a awm a. Tleirawl ngaihzawn chuan enge maw chen chu kan inzui ve a nih kha. Khang hunlaia kan hlimna thianghlim leh pawisawi lo takte kha hmanlai chang zo tawhin tuna kan nun nen chuan a kar a hla ta hlein ka hria a. Khatih hunlaia ka thinlunga Lalduhawmi dinhmun hauh tlattu khan, khang hunte kha a hrechhuak ve thin angem tia ngaihtuahin ka thinlunga thu lo lut ka puang chhuak vel ta mai mai a nih hi.

I NGAIH HI

TC Lalremsiama
I NGAIH HI

Furpui a her ni si lo chu hei ang zantlai nemah,
Thirpuirem bang lai chhung bela zalam tluang zawh laiin,
Her hnu Siali ngaih do zo lo Chaltuai chhingmittui iang,
Khuangruah lo sur kiang kiang e;
Thirpuire,m rum vung vung zel ta la,
Khuangruah sur chu do dai na'ng che.

Mahse a mi zawng laia ngaih lungleng hian,
Do zo hian ka inring bik ne'm maw,
I ngaih hi!!

ENGTIKAH NGE?

Saikhumphaia pawisawi lo nunaute pualin
ENGTIKAH NGE?
Lalzuahliana
Engtikah nge kan kawrte sûkfai a nih ang a,
Engtikah nge kan ṭê-râwlte tihzawih a nih ang le?
Engtikah nge kan bânte chu inpawmna a nih ang a,
Engtikah nge kan naupangte nui hmêl kan hmuh ang le?

Khawdurte chuan min rawn hnaih a,
Khawpuite chu a ri dur dur a;
Pawisawi lo tualchai kan nautê kha
Thliar nei lo huatna-in a zalh tâk chu!

Engtikah nge mihringte hmu mihring a,
Engtikah nge kan leilung hi inṭawm thei a,
Engtikah nge huatna aia hmangaihnain
Puitling tlâng tura min châwm ang le?

Thangvan sangah ral an relem ni?

Vala Mizo

Thangvan sangah ral an relem ni?
Ri dur dur,nghawr dur dur e,
Chu ngai ve mah teh, laipui an ralsai em ni?
A thawm thangva dawn ve teh u,
Mualtin a dap he leilung hi.

Khuang ruahpui leh chhimthlipui paw'n,
An rel bil ne'm kut kuangkuah zawng;
Hmar thlipui lah ngawih tum bil lo:
Remthu leng se van khawpui ah.

Chungkhawpui an rem leng rawh se.
An hrang lua e, rairah tan hian,
A rawn nam leh kan bang thlang pawh:
Zahngai mawlh teh, aw to thlipui,
I rauh mai dawn em ni kan run riang hi;
Zahngai lul rawh, zahngai zahngai!!

BAWLHHLAWH

Khiangte LR Lra
BAWLHHLAWH

Bawlhhlawh iang kei ka nun bawlhhlawh,
A ti bawlhhlawhtu chu kei ngei,

Bawlhhlawh chu bawlhhlawh a ni a,
Thenfai leh tih thianghlim rual ani tawh lo,
Bawlhhlawh bawma paih mai chi chauh a ni.

Kan nun chu lo bawlhhlawh tawh mahse,
Then faia kan tih thianghlim leh chuan,
Nun thianghlim leh duhawm ber ala ni thei reng e.

Hlimna, lawmna, beiseina, duhsam

Lalthuamkima Khawlhring

Hlimna, lawmna, beiseina, duhsam
Leh thu chhuah am tak nen;
He laiah hian vairuaiin:
Eng kawng hi nge dik a, dik lo nge?
Hriatna nei chuan ka hre ta lova,
Hmunna neiin ka hmu zo lova,
Thu zik no tak, fumfe lo deuhvin-
Ka than darh a, thu deng kawng ah an chan ta si maw!
Lei pilril ah em ni ang? Enge tlang dang kan chuan zawk mai dawn?
A ni love tlang lah ngai, thlawh hlo leh thlawh hma ngai karan,
Sawmfang thlifim chhem buk suau suau te nen, 
A rim tui leh mawi chuan ping a fan e.
Engah nge tam ni a kan inhriat le?
Eng vang a hnual ta mai kan nih chiah le?
Tribal nun lah a hniam a zeng a ni si loh chuan;
I sawn ang u. Pen khat, pen hnih, pen thum thleng pawh in,
Ram fa, leilung mawina hre reng chungin,
Hma i sawn ang u.

PAKHAT TAL AN AWM LAWM NI?

R Lalchanchin Mawia
PAKHAT TAL AN AWM LAWM NI?

Dik leh fel taka rorelna laltiang lek thin.
Dimdawi bik nei lo dan khairual chelektu.
A mamawh em e kan ram leh hnamin.
Tu nge inpea ram tana penchhuak ngam chu?

Hmasang ata leilung kal dan phung rênga'n.
Kung hlui til na ngai hnah thar an duah.
Kan ram erawh ramhlui ziain a lailum a luah.
Engchen tak chelh zai rel zel i maw tar tawmkailo?

Mahni sahmim puar nan ram hmangaihtu haiin.
Mitdel kalsiam ianga ar khawthim daiin.
Inchhuihbah raptleu kan insawh sil awng awng.
Humsual dai chu ram tan a pawi vawng vawng.

Rawngbawlna hna a ni ram hruai hna hi.
Hlawkna ni lovin hlohna a lo ni zawk si.
Tunah erawh sum siamna hmanruaah chantirin.
Pamham takin ham buan buan e chan loh hlauvin.

Hmuihmer hmu hmui a mawm hmiar hmuar.
Eiin hmu tha pa dul a kiar hiar huar.
Ram thau sawktute chanvo tur renga voh.
Vanneihna aitha ram rawngbawlna maw?

Ram hmangaihtu pung velh ang pung leh hluai e.
Ze chhungril thupa ram fate vehthlemin.
A lo thleng leh ta maw ram hruaitu thlan hun.
Thlan thiam a har thlunglu a hai ngei e.

Ram hruaitute hi, tling lo riauva hriain selin sâwt sâwt thin mah ila, eng kan hria ni maw? châng dang kan tum lovin a ngai bawk kan thlang tling leh mai thin a. An zuna kan uai laklawh tawhna hian inthlan meuhah chuan kan mit a tidel leh tlat mai thin. Thing hnah hlui pawh tla kawlhin hnah thar a lo chhuak leh thin angin kum upa leh an rorel dana kan duhkhawp tawh lohte hi chu thlingthlawnin mithar tan hmun kian ve tawh sela a tha khawp mai. Annin ken an tum lem loh pawhin a thlangtu mipui tal hian kan vote hmangin chelh lui hram lo ila a tha khawp ang.

Inthlan a hnai leh ta a, ram hmangaihtu vek an rawn inhnar leh huang huang ang a. Therhlo eng eng emaw min tiam zut zut phei chuan, vote loh kan hreh leh rûm bawk si ang a. Mithar duhin iak iak thin mah ila, mahni sahmim tihlen theihna tur kan ãwn ru leh tui ang a. Kan chhia leh hriatna, duhamna tuiin a pawlh nut chinah chuan, mi tha, ram hmangaihtu tak tak haiin kan chhia leh tha hriatna firin min pawmpui theih miah loh pawh kan vote leh mai lovang tih tunge sawi thei?

ZAHZEL KA ZAWNG -

Lalrammawia Chhakchhuak
ZAHZEL KA ZAWNG -

SEL
leh REL
phurin KEL
bé angin NEL
zawng te thuhla BEL
-in an duhdan chin PEL
a sawisa chungin han HEL
ila, an ngam phawt chuan min VEL
pawh ni mah se hlawkna ka lo TEL
phawt chuan ka zawng zel ang, ani zahZEL. . . !!

Nunkhua a har a

Vala Mizo

Nunkhua a har a,
Awmkhua a har a,
Thinlai a hnim a,
Romei a zam a,
Hnemtu ka ngai a,
Arang ka vai a,
Nang ber i awm silo.
Kawtthlerah leh vankhua ah chuan;
Tha-mam i tello chuan,
Nunkhua a van kimlo tak em!

LEMCHAN NUN

R Lalchanchin Mawia
LEMCHAN NUN

Lemchan tualah làm thaiin hringmi'n.
Kan chhuah thin e chantual ennawm.
A changin changtupaah chang thinin.
Misuapaa chan chang pawh kan nei hlawm.

A hrang thliah thluah thin e kan lemchan tual.
Kan mizia a zir zela lam thai thinin.
Mihring mihrinna zia zawk langsar fovin.
Sumtualah ti dekin kan chang thin tualkhual.

Lam thai thiam lansarhna lemchan tual.
A lailum luah tura hum hauh thintute.
Zia thup aw hringmi lo kal e tiin.
Hawh awi, a tak leh a lem thliar a har ngei e.

Tisa leh rilru lama thankin mah ni tawh i.
Bàng bik e ti hek suh tar kiring chenin.
An rel e maw tuaia duah thar leh zai.
Hringnun inkhualtelem tlei pui si e naupang iangin.

Farisai vervek ianga pawn lam hnawih varin.
Hmuh loh chhungril nun erawh tenawm si.
A pawi ne'maw pawn lam lang lam târin.
Thup bo na'ng e lang lo ruam pawihai.

Lawm a hlawh ne'maw nun tak takin.
Sual rûk tia puan hnuaiah che thum thumin.
Hmathehah hmang e a suak nun der.
Vehthlem zel nang e tawktarh itawm chahin.

CHHUN-PACHANG LUNGLEN

Zira Chhakchhuak Hualngo
CHHUN-PACHANG LUNGLEN

Zunzam a hrang ka ngai hlimlai,
Nangnen kan nun changhnu hmanlai;
I ngai reng hian ka sa zun zai.

Nang ngaia vai ka rau a chau,
Kir rel lo nun ngaiin ka pau;
Mawi hluan i hming lamin ka au.

Ka chung turni ka iang em ni?
Engah mala ka len reng hi,
Hlimna ber nang i liam tawh si!

Ka thlir a lang romei chi chiai,
Khuarel zaikung an zai riai riai;
Kei chu lengin ka van liai liai.

Tihian duhthu ka sam D-te,
Lamhla laichin ni ila e;
Zingzinin in run lawi ing e.

UNAU HMEL HAI

Epis Temology
UNAU HMEL HAI
(hman deuha ka ziak ania, a tawngkam/punctuation a dik em ka hre lo..rawtna ka pawm reng e)

A rei lua em mai, unau hmel hai
A dang chuang ne'maw;
Zo, Zomi, Mizo, Chin leh Kuki.
Chhulkhat chhuak theuh theuh;
Chibing tih bo se, inngaidam tawnin,
Lungrual te’n i luang za zawk ang.

EHEMS...

Zira Chhakchhuak Hualngo
EHEMS...

Malsawm siktui topui a cheng,
Di zun ngaiin suihlung a leng;
Biahzai ze tin chhamin ka zam,
Tuantin tulin dawnlai lo kham,
Ngaih nin loh Leng ngaiin ka tham
Zawlkhaw di-in lunglai mi kam.

FURKHAW HNAWM

R Lalchanchin Mawia
FURKHAW HNAWM

Chungkhua ri e Tothang khuang ruahpui nên.
Hringmi tihkhai ze hruanghrau rum dur dur.
Tekpui de zuai zuai rial rûm nghawr der der.
Duai khua tlang leh mualtin hnim ri riai
Hnâwm khaw chirhdiak kawi tuallei nâl pir per.
Chhum zin hnan nun ipik boruak rit cherh churh.
Furkhaw hril lunghlui thotu ni si e lunglengmi tan.

Lunghnual fehpa kalkham kungruah paw chi chiai .
Duh loh hnim hlo har chantirtu tur mah niin.
Châwmtu tuh thlai tiak than len nân rêng.
A lo ni e maltin sawmtu hnahnêm thlai tân.
A rêl thiam ngei khuanu'n hringfa lêng tân.
Hnawmhnawk kara lunghlu thami iangin.
Chanvàwng aitha ni tho si e hmuthiamtu thinlungah.

Fur khaw pik chênchûn hnuaiah hi chuan thinlung pawh a pik chûn mai thin a. Khawpui ri kal ruah ruah leh tek tla de zuai zuai kara rial rum vung vung maite hi a tihbaiawm zawnga dawngsawngtu thinlunga a rapawm viau laiin, mi lunglengmi tan chuan, a kum thu hlaa lunglen kaithotu a ni ve thei tlat lawi a. Nunhlui rawn thual thar lehin lunghlui a inchawktho leh mai thin.
Engle khaw le, ruahsur vanga pawnchhuah hleih theih loh te, khawlai diak kawi zuk mai leh boruak hnawm churh maiin nunphung a tihkhaihlak fo lai hi chuan a chhia zawng zawng bela hnualsuat mai hi a awl thin khawp nia. Amaherawhchu, a lehlamah chuan kan tana tha tura khuanu duan, kan thlai chi tuhte tiak tira a thanlen zelna tura chawmtu pawimawh tak a ni ve leh lawi a. Chuvangin a hlutna hmua hrethiamtu tan chuan malsawmna hnar duhawm tak a ni ve leh hlauh thung si a nih hi maw...!?

KA HMANGAIH CHE

Jonathan Puia Siakeng
KA HMANGAIH CHE

Hringnun mawina min hmuh tir a,
Lungngaihna chhum i pawm tel si,

Hlimna in sang min dinpui a,
Beiseina beidawng min chhiah si,

Duhsam hla mawi min rempui a,
Uaia chul mai thamral chang si,

Anka mawi tin min dawn tir a,
Natna vawrtawp chhiah ka ni si,

Lairil hla mawi ka hlan fo a,
A phen mittui chan a ngai si,

Natna dawngtu ni fo mah i,
Ka hmangaih che ka ti fan si

I TAN CHAUH

Zira Chhakchhuak Hualngo
I TAN CHAUH

Nang nen ti a hma hun ka lo thlir thin,
Chim loh tea duhthu leng ka sam zawg;
Vangpui ni iang hmatea liam zovin,
A buar a chuar zo ta nang vang ka kawng.

Thuva leng mah kawpte'n an indi rial,
Hlim zai relin lamkawng hawihte'n an mawi;
Tlaitla lenkawl pawh mawite'n a sen chial,
Nang ngaih zuala'n, i liam mai hi a pawi.

I tel lova hringnun ka chhiar tur hi,
Chhawn ka huam ne'm lungngaih ni nang lovin;
I tan ka tling lo hi, aw pawi ka ti,
Engtin hlim bik che maw, kei lovin.

Lengdang tiahtang chu mawi la, kumtluangin,
Kei zawng i tan ka nung ang chatuanin.

A NA A SIN

Sangtea Blacksmith Chhangte
A NA A SIN

Di zun lengah par ka chhuang a,
A zu thlum fir rinawmna nen.
Nghilh loh nunkhua min chhawl-chhin a,
Theih phak bak i tan ka hlan.
Mahse zalam peng thuam ah,
Lawm lawh nau iang mi chhiah leh si.
A na a sin.

A hnu leh tur dawn lovin mahni leh mahni ka inhliam a,

Zualbawihi Renthlei

A hnu leh tur dawn lovin mahni leh mahni ka inhliam a, 
Ka nun a hlim zawk beiseiin hnutiang ka chhawn a, 
Duh reng siin duh lo ang maiin ka kal tir a;
Mahse a na chu tawrh zawh rual a ni lo,
I liam ni khan hei hi min hriattir- ka nun chu nang i lo ni!
Mahni indah san avang maiin ka kal tir ta si che a,
Lan mawi loh ka hlau a,
Mahse....ka mawina nang erawh ka hmuh hmaih si,
Hringnun mawina chu i kiangah chauh a lo ni, 
Lo kir rawh....ka NUNNA....lo kir leh lul rawh!!!!

NANG TEL LOVIN

TC Lalremsiama
NANG TEL LOVIN

Nang tel lovin chhunni sei sen sa hi,
Mahtea laitual leng chung chuan,
Engtin do dai thei ang i maw?
Eng dawn lova i ngaih awih nilen mai hi,
Ka nuam mange mual rihnim ram daia'n maw!

Zawhna fing tak tan chhanna fing tak a ngai kher lo,

Lalthuamkima Khawlhring

Zawhna fing tak tan chhanna fing tak a ngai kher lo,
Chhanna fing takin zawhna a siam belh si a.

Chhanna zawng zawng hi a dik na a keng tel vek lova;
A dik lo tak pawh hian chhanna fing tak a siam thei!

Duhthlanna ten kawng a tibuai a,
Thlan tur a awm lohvin thaw a ipik thung,

Beiseina neih hi thil tha ah min hlang kai tu a ni a.
Lutuk telna reng reng a tha a awm ngai lo;

Kawng zawng zawng a ngil vek kher lova,
A kawi tam pauh leh a; a tawp thlen hlan min nghah hleh tirin:
Chawlhna nuam min thlen thei si a.

Lengi runah siang ang an lawi e!

Lalthuamkima Khawlhring

Lengi runah siang ang an lawi e!
Biah zia nem dar ang ka ba, Thadangi...
I ngai hian suihlung a leng e!
A mi leng val hneh loh val riang a'n;
Ruah mal far a chhiar e!
Huiva leng ten thaikawi bawng te
An hlui tlai ni nem a'n,
Chhingmittui a far - hlim rawl em ni?
Hliam pui tuar em ni zawk?
I dawn ve maw,
I ngai a suihlunglen hlimpui ka tawrh hi!
Hmangaih D' lenmawi, tangah a dang zel i belh chuan;
Val hian Riakmaw valeng a iang mai lo'ng e.
Min chhawn leh la, duhlai ka fawhna chu 'Ka hmangaihna' a ni si....

I NGAIH A ZUAL NGEI

TC Lalremsiama
I NGAIH A ZUAL NGEI

Hmana kan tuanna mual fan changin,
Suihlung mu zawng a tho e; 
I ngaih a zual ngei a sin,
Hei ang zantlaiah pawh.

A na chuan khuang ruahpui a sur tir em ni?

Lalthuamkima Khawlhring

A na chuan khuang ruahpui a sur tir em ni?
Tohaw ang mai a ni ta maw!
Par mawi a chul zo si,
Len ten an chawi, duat lai i hming
Hmel la duai lo;
Chawnban ah kaiin laitual mawi i la,
Siktui thiang bang lovin luang zel ta la'ng:
Chhawl hla hmangaih dang fah na'ng che.
Beiseina hlim thlah ah chang mai lo la,
Hlim zai relin, i nui dun leh ang.

Aitenawn par iang suihlung min dumtu,

Zothanpuia Hauheng
Aitenawn par iang suihlung min dumtu,
I ngai reng hian zankhua ka var mai awm e ka ti..
Lam ang i lo let dawn ih ka hriatin,
Zan khat mai pawh hi zan sangkhat ang a ni ta...!
Dam te'n zawh tluang lo chui la,
Hlim te'n kan nui dun leh dawn nia aw...
Nang ngaih puan ang ka bang thei mawlh lo asin.. huhuuuuu

Hringnun kip te'n ka dawn changin,

Zothanpuia Hauheng

Hringnun kip te'n ka dawn changin,
Engmah lo mai a nihzia ka hmu a,
Puan ang chul mai tur hringnun hi,
Thlakhlelh tur reng a awm lo ve,
Khawsak lungkham vanga humsual dai chu,
Hringnun rahbi pelhsawlhna mai niin,
Chantawka khuarela lungawi hi,
Hringnun duangtu lawmna a ni si....
Duh luat vanga hringnun vuite'n,
Chatuan nunna an chang dawn si lo,
Hezekia pheichheh mawi chu,
Zirin hringnun ka dai ve nang e... 

(Phuah fiam)

Khua zawng laia sakhmel tha biang no thlawn,

TC Lalremsiama
Khua zawng laia sakhmel tha biang no thlawn,
Luah loh tur nang ka tawn a ai che chuan lungrun,
In run sang kaia rawn her liaiin;
I sakruang bualna siktui thiang dawtna tluangpui zawhin,
Far khat chauh tal pawh changin i tang han bel zawk mai ila,
Ka tan khuavel a mawi hi ni ve mai tur a! 

LALDUAILOPA'N K HRINGNUN LENLAI CHHEU DUH LENG SAM

Angu Angu Piper
LALDUAILOPA'N K HRINGNUN LENLAI CHHEU DUH LENG SAM

A bang lo sul her zirin khhuang ruah sur,
Thinlaiah Lalduailopa'n ka ngai bang bil o;
Nunhlui kawl a liam hnu leh tang leng;
Hmana zai mi lem tu ngurzo lal zun leng klha.
kha chen sul sawm zet Zokhawpuiah dar lawi ka tum phit a,
Mahse, ka awih nau fa leng dawn suar nghaler leh;
Lengte ka khai lo chul rih leh ringthar tuan za paw'n.
Tunah ka lenna Chalkhaw tualah ka chhai e dawhtling sangparah.
Chalkhaw-ler lur zaleng chhuihthang chhingmit thiahna.
Theih ni se lallai leh chawngpa chan ka nuam e.
Lalduailopa'n khel pui beng leh neih lung khawng meuh paw'n,
Satin thlunglu kimin kan tual charah har khuk i la;
Chin leh lai kawm rual kimin lawi chang fa rum leh hmui sa cha in;
Lalduailopa'n ka hringnun lenlai chheu duh leng sam kalh a kim tur a.

PANLAI NUN KA NGAI

Zira Chhakchhuak Hualngo
PANLAI NUN KA NGAI
(Acrostic)

Pipu chena ngaihban loh panlai nun,
Awm tak maw, tawng leh i maw kha ang hun;
Nun a nung, hlim a kim, duhaisam in.
Lawi ang than ka dawn lo, tawn chin lawmin,
Ainawn vullai chula'n kan dawn ngai lo;
Inhlimchhuahin hringnun hun kan chhiar zo.

Nakin hun thlirin duhthu kan sam a,
Ual au takin thuruk kan thuk ru a;
Neih loh nei ngai lo chu kan nu leh pa.

Kumsul vei Lal pianni her chhuah te khan,
Artui pumkhat, chenghnih a tawk kan tan.

NGai lo awm ang maw kha ang lei eden,
Auh ruai a awl mange awrawl zawng nen;
I ngaih an bang bik lo'ng lenrual zawngten

Puini kan lawm,

Khawpuia Thianhlun

Puini kan lawm, Lalmual awiin tlang lunglen zai ka sa.
kum tam liam se, nunhlui chang thei ngai ang maw e.
Thaleng sensiar, aw ngaihlai ka bang lawng che.

Kawla liam hnu, ngaihlai ka bang thei nem le.
Lengi zun zam kian ni awmlo tuk tin chhiarin.
Zam chi chiai e, val min phuar e tangril nem an.

Bang thei reng hian a mawi lo

Dawithiam Lalruanga

Bang thei reng hian a mawi lo nang ngaih lai,
Hmartlang lelte iang ka kiu dawn e,
Zun lengin min phuar ka tangah duhlai,
Khua fur zing chhum iang kian a rel love.

Hmana ka then hnu sakhmel mawi kha e,
A cham riai e, ral lo chhingmit thlaan,
Theih se tawn ni lo her leh la e,
Par ang vul leh la a riang lung lawmnan.

Sih tui iang ka dawn ang i par zu,
Hlim ten a chai ngei ang thinlai ruk. (28.4.2013)

DI ZÙN

Zothanpuia Hauheng
Sawisel theih....

DI ZÙN
(Sonnet)

Kip te’n ka dawn ṭhadang rauthla ka zawl, 
Sakhmel a mawi, val lai thinlai a hlïm, 
Ṭiahṭang belin zanmu chhinpui a awl, 
A ngur lal lai ka iang thinlai a hlim. 

Ṭhaleng zun zam ka phur, a na ka tuar, 
Mi dawn ve hian ka ring "Ka di," tiïn, 
“Biah der, a na thinlai," tiïn a nuar, 
Anka chhawnin ka hril, ‘I tan’ tiin. 

Fenthang awm har, a iang ka zai zel dawn! 
Dawn lai zunleng zialin thlehnem ka chul, 
Vanzawl turni lenkawl a her liam dawn!, 
Baw-ar a pau zun ngai thlehnem ka chul. 

Doral an hrang ṭhen nan ṭhaleng min phiar, 
Chhai lai seih val sakhming kip te’n ka chhiar.

Chhai thar kan hual

Sangzuala Pachuau
Chhai thar kan hual
Thinlai insual,
Biahthu kan hlân
Then thu min hlân

Manga hlei sul kan lenna Zokhawpui

Angu Angu Piper

Manga hlei sul kan lenna Zokhawpui
Di kan chhaina chhingkhual piallei dawh cham duai
Zahlei Zopui in thiang mual a ngui ruai e.
Zonem chawngtlai par tlanah Sievate an ngam thin,
Kei ka chan chu e sawngka'n par chiii chiar e Chalkhaw zolurah.

Chhingkhuala neihchawng mual laiah vawnpui lenchawm kan beng lai e,
Zeng kar in nge tlang zapui lawiang kan lo than le?
Lamlian a thuam laiah buanang kan kherh val rual nen,
Haw rawh Laisen neihchawngpui mualah zaleng awiin,
Chhuihthang ka zalna sawitam tlang za rel a zing zo
Lung ka vai pheiphung a naawmkhua a har vawng vawng
Chungtura ni sensiar ka do zo lo zing zin nakel Zopui bel in
Zuapan rawl cha e, a hauh damlai ka thla khua sei na'n.
Baw artui leh zai a chawllo e zai tuahrem thiampa Tochhawng runah.
Hringnun Fiara tui thiang iang a dam diai duai e

Zokhawpui lungdawh thiangah Leltepa'n
Chhunrawl cha lo a chhung laisen awiin,
Kawrnu tah hla Chalbuang zalem na lo ni in,
Kei ka anka tuahtirha ka di auh nan mai maw?
Ka chan suihlunglen hleiten a dang chuanglo kan nun khiang awi hnu

Pualhrang mahin a duh phunbung a chuan e,
Lalduailopa'n khua ka chuan zolurah.
Vahchapa chai laia khaukhimsen siir siar
Khuatuah na maw? ka khim na maw? O ! he nakel maw?
Ka lungdi nawhthuh e zo a chailai hawlna run a thiang lo.

A rukten kan chhai dawhtling sangparah 
Duatten dawian ka nawhthuh e bawartui
Thiangten rawl kan cha e ka run hlam sawmah
Hringchan cha e O ! hmimsaip ban e chawnbanah
Lengin a sel ka zailem neihchawng pualva cha chawm a lo ni.

Tuktin erawh ngir hmun dawhlung mualah
I vang ha hia? tawnlai lenthla ka zah ang?
Katheileinai Thuam chapa chulhlui rit val 
Pau na lo O ! Thuam chapa bukinu ma'n tui birh
Samthang leh Chalkhaw chultum Aitenawn vahkhuaian lawr ing e.

Damlai chunglum turni ka tuar zo lo
Bualdim ki tha leh Khaukhim chan tawh hnu
Chalkhaw thek leh Samtlang par a vul chiai e
Sang chapa he! tul leng ka tual lenna nge Sam par?
A laibu leh limkhiang han belh meuh chuan i angmah ka dei o.

Hringhniang kan chan lai hi khawnbur ni se!
Kai lo hian leng leh Tamkawr nen rawl cha in
K run hlam sawmah Sampar leh Chalkhaw thek nen
An vul laia a vul vul tiahtangah naunawn thar nen
Fam chan hnu Chalkhawdaia an tar tur chu a thianga chul rit

LUNG KA PHANG BIK NE'MAW

R Lalchanchin Mawia
LUNG KA PHANG BIK NE'MAW

Lungtin hnurin laitual ka lêng bik ang maw.
Khawnge dawnthar leng min lêmtu tur.
Chham ang a zal nge lengdang tawnah a her.
Ar ang vaiin sumtual ka nghak bik ang maw.

Ami lengte lenlai chena her siau siauin.
An tawnah kur duam duam e lenghermawii.
Khawpkham lo nun iang renga kawp ten tunin.
La sawm lawm siam e chuk lawr dun dunin.

Runpui nghak thaleng ngir khup e sumtualah.
Ka tawnah vul zai rel lova hnutiang min chhawnin.
Min ngai lote'n her zel e tha val dang tawnah.
Kan dawn kan lungkham a dang mang e..

Ka lawilen nan insawn ve maw e lengi khartung.
Kaina run ka vai lunglai hnemtu tur ka ván
Tinkim dawn changin ka ngai ngam ne'maw.
Lengi zunlêng bân lova famkhua ka lawi tur hi.

Thlahthlam ka ni e maw hmangaihtu nei lo rengin.
Thlauhthlak ka ni emaw ngaihsaktu nei lo rengin.
Tinkim ka dawna ka dawn thui zel a.
Lung ka phang ta bik love chhuihthangvala'n.

Suamtualah vaiin lêmtu lêng tawng lo mah i.
Vangkhua mah zau e zalêng tam ngir nan rêng.
Lanu sâwm tam hei zawng zingah rilru milpui.
An bobil bik law'ng e ka tan khua ruat ngei chu.

VAL ZAWMTHAW-A

R Lalchanchin Mawia
VAL ZAWMTHAW-A

Kalsiam nan khua sang mahse vawiin chu.
Laiah tha a zâm ne'maw hmachhawp hlen nan.
Thinlunga tihtur ruahman chi hrang hrangte.
A eng ber nge thliarthiam lova inkhâp fan rengin.
A thlang ta e zelthel taka nichhun vui liam.

Hmana rualtin chhing rualel than tum valtha.
Lengite mit fukna ber chhuihthang val santha.
Chham ang zal e awmawl leh eitui lungkhamin.
Engah thatchhiatna rauvin a bumrova.
Engah ngurchuaina rauvin a bawhbuai fo le.

Than tum valtha kallai kham tur rengin.
Dang kawlawk reng e zawmthawtnain.
A lo ni e hmelma kumhlun tlakchhiatna bul.
Hnehin tuktlawm thei se pau tikhauh luiin. 
Hmatiang sawnin kai ve maw e raltiang ram.

Vawiin khua chu tihtur tih zung zung nana itawm khawpin khua a sang a. Amaherawhchu, ka thinglung ruahman, tihtur hmachhawp chi hrang hrangte hi, a eng ber nge ka tih hmasak ang tihah valbuaia ka buai leh ta tlat mai a. Chu chuan rokhawlhna khawlhkham tak min siamin min dang kawláwk laklawh tlat mai a nih hi. Thatchhiatna rauvin min bawhbuai lo se chu, eng emaw zat hi chu ka ti zo tawh âwm si a le... Thatchhiatna hi zawng ka hmelhlun, ka tuktlawm hleihtheih si loh, thil huatthlala tak zawng a lo ni chiang khawp mai. Ka tihtur mang mang pawh ti thei lova min bumrovin min tichhe vek ang tih pawh ka hlauhlel love.

CHAMPHAI KA CHHUAHSAN DAWNA KA LUNGLEN HLA

Angu Angu Piper
CHAMPHAI KA CHHUAHSAN DAWNA KA LUNGLEN HLA

Hmanah ka tuan e Lalduailopa chhingkhhual chang in.
Chhaka chhaktianga Zokhawpui tualah.
Phahra sul riang ruang dar lawi ka tum phit e.
Hmanah chuan lal Mangkhai phun lung thiang nghhengin di ka pawm si maw!
Lalduailopa'n di ka chhai bang mah lo si hian in e,
Tuan tul suar ang ka tawnah a lo chim hum hum e.
A chul zo ta ram loh Zokhawpui in thiang liai luai,
Cher leh ro thil pung pulut ur in Lalduailopa ka luai sai e.
Lelthang zai pawh ka tahna Zokhaw tual vui tu a si,
Lalduailopa ka tuan kham awm ta si lo chu,
Paite vawng vawng ang aw chhuahtlang dai rawn pel in.
Ka ngai dawn mang e senlai ka chun hneh in,
Nakel tik a ka chawilai hraiten zai mi'n ban leh,
Ka run riang hlam sawm te reuh hi ka ngai dawn em e!
Kha zat Leng leh tamkawr dawntuai nena sakruang kan zalna.
Chin leh lai rual zawng nena khawn thiang kan khawnna;
Si ar thlang tlai van zawl tual an chai lai a;
Tumthang hnah lep ang ka zalna leh di ka chhaina Zokhaw tual nuam.
In then teh vawng vawngang aw ngaih lai bang si lo hian,
Zokhaw tual hi duh leng chhai leh lallai chen na'n a nuam a si maw !
Tunah e rawh Lalduailopa Chalkhaw tualah ka to lur e.
Awmkhua-harin Chalkhaw ler lur Lelthang zaiin mi awi a,
Suihlunglenin Zokhaw tual lam tluang thlir i la,
Khua romei a zam chiaii e kawl kungah.
Lalduailopa ka tuanna chhimhlei Chalkhaw tual nuamah.
Ngaih chang ni awm thin e lang hlei lo chhaktianga ka zawlte len na.
Pualleng lung zur a di ka chhaina Zokhawpui in thiang liai luai,
Lalduailopa'n thinlaiah ngaih chang ni a tam thin mang e.

HMANGAIHNA MAK TAK CHU A LO NI.

R Lalchanchin Mawia
Khawi'nge 'hmangaihna' hi thutluang pangngai chuan ka ziak tawh nain, a chhamhla zâwng hian ka'n chhai chhin ve reng reng teh ang.

HMANGAIHNA MAK TAK CHU A LO NI.

Hriat loh thu inthup hriatthiamna ber.
Hmuh loh lang lo ruam hmuthiam thintu.
A lo ni e nula tlangval nuna tlaina ber.
Hringmi chanvo ropui ber hmangaihna chu..

Hrilhfiah tum ve u khawi atanga lo intan nge?
Engtianga lo piangchhuak nge hriat tum ve u?
A lo ni e tehkhawng bulfùk fak awm lo.
Hringchan tinuam thintu hmangaihna thu.

Hringmi hriatnain chhûtin chhui thin mahse.
Mifing finnain zawngin zawt thin mahse.
A lo ni e bui leh fafu ah pawlh ang mai.
Thinlunga inbuan let reng thin hmangaihna chu.

Hrilhfiah rual loh thinlung chhunga bu khuar.
Chuti kauva mak thinlung nghawr nghing thei chu.
A lo ni e thiltihtheihna mak danglama thuam.
Finna dawi leh âtna hlo keng hmangaihna chu.

Hriat fiah rual a ni ne'm hriatna satliahin.
Chhût chhuah rual a ni ne'm chhutna satliahin.
Hlawhchham fo mah u pawnlama thlirtute.
Chianna erawh a awm si thinlung chhungah.

Zawnglai lengpui par parchhuah ve nan.
Mize inngainatna atanga intanin ngaihsannaah.
Duhna naran lo piang inngaihzawnna chu.
A lo thang chhuak thin e hmangaihnaah.

A changtu mize mil zela thawk thinin.
Sang tak phût fo thin hmangaihna chuan.
A hun hmaa chawhthawh a nih ngat chuan.
A ngenin a ngiat thin pumhlan inthawina maicham.

Fianrial ngainatuten hmun fianrialah.
An hlan thin e pumhlan inthawina maicham.
Chutin fianrial nena inzawm tlat khawharnain.
Nangchingin an tlu lut thin inchhirna khurpuiah.

HMANGAIHNA.

Mistique Chhakchhuak
Thiam vang niloin alan ve tlat vangin thaikawi ve ange.

HMANGAIHNA.

Na tak a tåwrhtirte tan pawha hlu reng fo.
A sakhming ngawt pawhin thinlung afån.
Tlinlohna hmuhkån a,tlinna zawng hram tu.
Fellohna khawngaihnaa chantir tu.
Sèlna tamtak kara amah chiah thlantir thotu.
Thatna lai nuam ti taka sawinuam si.
Ziakfùng thaichhuah zawhloh,
tawngkaa hrilhfiah zawhloh.
Chètziain ahrilkim senloh.
Hrefiahtu thinlungin a thuhruk.
Hrethiamtuin a khåwlkhawm fo chu.
Mitha ber åtna,misual ber finna.
Hlimna van chen pe theitu.
Thihna kawrruam zåwhtir leh thintu.
Mi pahnih hrang daihte inzawm theihna.
Langtlanglo inthùp tlat si.
Alan nghalloh avanga hlùtna nep silo.
Thinlung dåwl zawhloh thu sawitu.
Thaichhuah senloha luangliam fo chu.
Khåwharna thuk tak siam a,
amah inhnem leh si thin.
Chhia tha hriatna ramri thiat a,
thunùn zawhloha tlan fo chu.
Dinhmun leh hmel thliarhrang ngailo tu.
Amah anih vang ngawta lo intan a.
Keimah ka nih vanga ka tihtawp theih loh chu

TUN HI A HUN

Zira Chhakchhuak Hualngo
TUN HI A HUN

Kan sam thin e, lengtin duhthu,
Khawnge a hlawhtlinna?
Khawnge kan zawn finna?
Thiamtin zira kan buai chhan chu.

Neih belh zel duh he kan hringnun,
Rawpnain a khat a;
Fingin hriat belh zel la,
I tawng tam ting ang mangan hun.

Van zawl mawitu siar zawngte,
Hnawt tiautu chung chhawrthla;
A dung an thul zo ta-
Em, beiseina zawngte hian le?

Fur hnua thal inher ang a,
Her rem lo tur hringnun;
'TUN' ani kan tan hun,
Thil tha tih nan, dikna vawng la.

NUN LEH HUN

Zira Chhakchhuak Hualngo
NUN LEH HUN

Chhun tichhuntu chu eng leh enna NI,
Zan tizantu pawh khi'ng siarte khi;
La tilatu bahsamsei leh nunmawi,
Huaisen leh rinawmin val hming a chawi.

Dam chhung nun hman dan reltu chu hunbi,
Zirlai zirtirin tuk sak e rahbi;
Par mawi fuk kung cheitu chu par vul mawi,
Nun cheitu pawh tanpui ngaite lam hawi.

Saruak mualphona khuh botu chu silhfen,
Chhungril ata thatna tuihna zawng ten;
An tuk mam e he khawvel hringmi tan-
Hmun nuam, thlangsap hril UTOPIA ang khan.

Thatna tinrenga khat Lal hnung kan zui,
Nun thuam hlui tet dikna hriauin kan thui.