Zira Chhakchhuak Hualngo
BEIDAWNNA
Puini si lova fam vangkhua,
Hringmi leng namsehtu;
Tuaidawn hrinhniangte chun leh zua,
Tahlai chhiar bi puntu,
Hringmi leng tan hmelma chhung khung,
A lo ni beidawnna nget zung.
Duham chinlem i nei lo'm ni?
Hei zat i lem 'hnu hman;
Hring sakruang iang tawng thei che i,
Hnam ruai ing e i tan.
Hringfa tawnah uan i cheh maw?
I tlawm loh tur, KEIMAH val aw!
Beidawnna hliap seifa leng te'u,
Engah khatia in kun?
Inthing harhin beilet ta che'u,
Huaisen hun a ni 'TUN'
Hliaptu chhum thim chhah lua mahse,
A ngam loh 'NI ZUNG' thlir ang che.
No comments:
Post a Comment