Saikhumphaia pawisawi lo nunaute pualin
ENGTIKAH NGE?
Lalzuahliana
Engtikah nge kan kawrte sûkfai a nih ang a,
Engtikah nge kan ṭê-râwlte tihzawih a nih ang le?
Engtikah nge kan bânte chu inpawmna a nih ang a,
Engtikah nge kan naupangte nui hmêl kan hmuh ang le?
Khawdurte chuan min rawn hnaih a,
Khawpuite chu a ri dur dur a;
Pawisawi lo tualchai kan nautê kha
Thliar nei lo huatna-in a zalh tâk chu!
Engtikah nge mihringte hmu mihring a,
Engtikah nge kan leilung hi inṭawm thei a,
Engtikah nge huatna aia hmangaihnain
Puitling tlâng tura min châwm ang le?
No comments:
Post a Comment