Zira Chhakchhuak Hualngo
TUN HI A HUN
Kan sam thin e, lengtin duhthu,
Khawnge a hlawhtlinna?
Khawnge kan zawn finna?
Thiamtin zira kan buai chhan chu.
Neih belh zel duh he kan hringnun,
Rawpnain a khat a;
Fingin hriat belh zel la,
I tawng tam ting ang mangan hun.
Van zawl mawitu siar zawngte,
Hnawt tiautu chung chhawrthla;
A dung an thul zo ta-
Em, beiseina zawngte hian le?
Fur hnua thal inher ang a,
Her rem lo tur hringnun;
'TUN' ani kan tan hun,
Thil tha tih nan, dikna vawng la.
No comments:
Post a Comment