Mizo Poetry: July 2013

Wednesday, 31 July 2013

Hringnun hi thiamtawk te'n ka dawn thina,

Hringnun hi thiamtawk te'n ka dawn thina,
Ngur nun naufa te zawng an vannei chung chuang,
Rianghlei naufa erawh kan vanduai chuang.
Rairah hi Aw, kan riang vawng vawng.

Ngurnun nau fa te zawng an sakhmel in

Ngurnun nau fa te zawng an sakhmel in
An sawi Buizo' hmel iang ve mai mahse,
Lanu lengten an iai phah chuang si lo.
An sakhmel in Puak ti bik lo mahse,
Tha sensiarin a ngaihmelh leh si thin.

Chùn hnuntui ngai duatlai hraite,

Chùn hnuntui ngai duatlai hraite,
A lo tap e, zankhua a lo tlaiin.
Dí zunleng ngai lungvai riangte,
ka lo tap e, zankhua a lo tlaiin..

Tleitheilo hrai leh kei,
Tangnem ngai kan tap e!

I TAN HMUN RUAK CHU A LA AWM E.

I TAN HMUN RUAK CHU A LA AWM E.

A la awm, a la awm e,
I tan hian a la awm e,
I tan chu hmun chu a la ruak reng,
A duh apiang tan neih theih a ni e.

A tha ber,
A mawi ber,
A duhawm ber
A thiam ber,
A fing ber,
A dik ber,
A chak ber,
A huai ber,

Heng hmun ruak te hi,
Hnawhkhat ve turin,
Tunge tling zo awm thei ang le,
A 'ber' hmun hi englai mai paw'n,
A ruak, a ruak reng mai a ni.

Tuesday, 30 July 2013

Suihlunglengin vangkhaw daikawm ka hrut vel a,

Suihlunglengin vangkhaw daikawm ka hrut vel a,
A tlang leh mual hlei te'n dang mah lo se,
Duhlai tang bela sul ang kan inzui lai,
Kan nun thlang puan ang a chul zo ta.
Lam chhak thing chhawl li liai hliap zar khi,
Hmana lungrualpui nen duhleng kan samna,
Lairila cham siali awrawl mawi hi,
Kum sul sawmin a la liampui lo e.

Chuan zelin khua tin ka hawi vel a,
A khi vangkhaw zo tlang sang ler lurah,
'Tah chuan a lo lang a, a saw raltianga saw,
Zawlpuan chawia chhingmittui nen a lawina vangkhua.

Aw, engah angurpui hrai chawia ka pian loh le?
Neih sum pai hian eng a'n kan run a lawi ve loh?
Rairah luat vang maw dam chhan ka luah zawh loh?
Chhingmit luaithli pal ang ka dang zo lo.

(Thluk nei tur chia duan ka tum deuh ngial na a, ka sa leh peih chuangin ka ring lo a, ka thual tha ta lo mai. Hehe)

Monday, 29 July 2013

Lairil a zing, lung lam ka vai.

Lairil a zing, lung lam ka vai.
Nghilhloh lanu dawn ve maw,
Tlei lo val ngaihlai min ban la;
Nuihlai kham ka bang mai awm.

Awmhar kei ang tah khua hi
Sei zual e khua rei pawn,
Par mawi thliah hnu lenmawii
Tawn ni her se lairil engtin....

KHAWNGE I AWM?

Damte-i Thangluah

KHAWNGE I AWM?

(phak tawk te te)

Kar hla a leng ten kir zai an rel,

Khawnge i awm

bawihte?

Vaih nan a zau

vangkhua,

Bawihte, i tel ta si lo va.

Zawtin ka zawng,

Ka chhui lam hrul i liamna tumkawng.

Ka bel e dai lungrawn,

Ka au che sin rawl ai ringin.

A sur a luaithli, a luanna suanglung,

Chulin ka pawm, ka sa tah zai.

Ka tawng ta si lo che,

Khawnge i awm

bawihte?

ZH October Renthlei
KA REL NGEI ANG

Duhtak nin luat vang che a,
Zîng zin lamtluang chhui tur ka ni nêm maw;
Mamawh sân luat nawrtu nawr vang,
Ka kal a tul, a pawimawh si,

I rangka dârzâm chul lo se,
Ka tan lawmna a chang mai tur;
Chutin hlim la lawma lamin,
Lâm ang lêt zai ka rêl ngei ang.

Engah Biangno i biangah chuan,
Mittui mikhual a lo luan tak ni le?
Zîngphul zin tur ka ni nêm maw,
I tan kir zai ka rêl ngei ang.

TAH TAL KHIAN.

Damte-i Thangluah

TAH TAL KHIAN.

(phak tawk te te)

A rei si lo, hmangaihna par kan tlan lai,

I thliak a par dang i lawr a;

Ka lam reng i hawi ta si lo va.

A rei si lo, hlim lai ni

nangnen,

Ka lak ata i relh ru ta a,

Lunglen biahthu sawi reng a rem ta lo va.

A zual thin a, nang ngaih zan tlai-ah,

Chawnban vaipui rem ta si lo chu

Lamin mittui nen ka pau fo a.

Khi thangvanah

chhawrthla a lo eng a,

Rauthla-in tah tal khian,

Thiangte'n in di ang aw

NGHILH LOH RAUTHLA

ZH October Renthlei
NGHILH LOH RAUTHLA

Lelthang kiu leh zantiang lunglen,
Chhul khat chhuak iang an mawi,
Chhemdam thli leh vangpui lunglen,
Zai khat luang hian an mawi,

Rengchal hram leh û leuh biahzai,
Thu khat vua hian an mawi,
Chul ram fan leh thuva biahzai,
Nghilh loh rauthla an chawi.

Sunday, 28 July 2013

KA HMANGAIH CHE

Daone'nonly Kdd Prince Chinzah Jr.
KA HMANGAIH CHE

Ka biangah mittui a luang anih chuan
Ka ngaih em vang che ani tih lo hria la,

Nangmah a ka thikthu a lo chhe viau anih chuan
Ka duh che a, ka hmangaih vang che ani tih hre thin ang che,

I lak a ka lo pangchang viau anih phei chuan
Nangmah ah chauh ka rinna nghat in, ka thlamuang tawk ani tih lo hria la,

Ka zilhhau fo che a nih chuan
He ka thinlung hi i ta chauh a nih zia ka lantirna ani fo bawk ang,

A tawp ber atan chuan lei rohlu te chu ka pe thei ngai dawn lo che ani tih min hriat nawn sak fo la, thil tam tak pawh ka tiam thei hek lo che, mahse hei erawh hrereng la,

Nangmah a hlimna tlemte tal pawh ka thlen ve theih nan khuanu ka dil fo anga, tichuan he thumal tawi te hi i tan a ka changvawn a ni reng fovang. KA HMANGAIH CHE tih hi.

NUN KHAWHAR.

Abrahama Aba
NUN KHAWHAR.

Ka nun khawhar
beidawng tahna hi, Hei hi maw an sawi nun
khawhar? Ka tan tahna leh vaihna chu.

Tlangtin mualtin ka thlir kan run riangte atang
hian, Bawmtu chhum râng leh romei, An zam chiai e lentu bawmin,
lunglen biahthu min hlan zun ngai val tan.

Thuva awmhar leh
Riakmaw valeng vai chuan, Riahrun vai in zarthing mawi an bel e, ka thîk lua e, kei zawng kai nan run ka tawng silo.

Suangtuahna chuan tahlai bang rawh min ti, Zun ngai thinlung hian a pawm silo, Ka rum tawh law'ng ti in ka inhnem a,
Luaithli ka nul leh si thin.

Rualduh leng te'n
chhunni hlimte'n an chen, Di chhai kawp te'n nui hiau in, Chawn ban
vuan in tudang an ngailo, Nun khawhar chhunni ka vui liam, Tlaikhua lo ngui Ar ang vaihna a zual,
Zankhaw thim thinlai nau ang min tah tir, Laikhum riangte'n belin ka thlehnem puan
luaithli far nan lo ni, Tawnmang lamah nau ang tah ka bang chuanglo, Zingtian khua lo var e, Hlimni kawla'n a
herchhuahpui chuang silo, Nun khawhar tahna ti tam mai maw?
Annem min chhawna'n di ka au, Fam hnu
rauthla iang chhan zai min rel silo, A reh ruai ruai fanloh thlaler ramro iangin, khawiah tak tuan
ta ang maw?

Nun chau leh beidawng thinlung, A rum e chung van rial rum iang in, Tisa a chau mawina a chuai, a sâwng cher zota vun mam tha, Lairil tahna khawram iang maw lo ni le?

Thlangtiang lenkawl a sen ruai e, Chhingmit lenin ka thlir vawng
vawng, A lo lang mahna lung min hnemtu, mahse a liam leh ta
beiseina kawl eng,
Hlimthla a chantir zan nunrawng an lo chang, A ngui zota ka thinlung.

Hlanloh chân mah a na an ti maw? Min hlan si a lung her ta chu e,
Thlangkhuandim a mi thai a chan ni chuan, Fam khua ka lawi mai awm e, Thinlai na a
hringnun hman chu, Fam silova dairial channa a lo
ni si.

Tawn leh ni her tak ang maw? Tawng mah ila a
rem dawn silo, mi run a chulhnu tawn chu luaithli
chantir na mai ani dawn si, Tawn ni herlo hian fam ta ila, Pialral ah ka
tawng mial zawk dah law maw?

Chutin hun her zelin, hraileng bana a vuan lai ka tawn si chuan e,
Luaithli fur tui iang ka dangzo lul lawnge, Rual duh lengte'n min selin,
An hrethiam dawn
silo,Thinlaiah a lo thar leh anga, hmana kan hlimlai ni, Nui hiau a
biahthu kan inhlan lai kha, 'Nang chauh' ti a biahnem min hlan lai kha, Ka tuar zo law'nge lungrukah.

Khua thal romei lo
zamin, kumpui sul tam a lo her anga, Thinlaia'n a hlui dawn silo, Hai ang
tarin dam khua sei
mahse, Chhawl thing hnahnem an duah thar thin ang hian, Tharin a lo
lang leh dawn si, chutih hunah chuan maw, vanglai nunrawng
siamtu chu, kan la hril thin an thangthar tawn ah, Thawnthu an
chang tawh dawn si.

"KA NGAI THIN CHE"

Madinga Da Catalan
"KA NGAI THIN CHE"

Thilho te te anga langah te hian,
Ka hrechhuak fo thin che a,
Ka hriatchhuah ngun em che avang hian,
A chang chuan mak ka inti hial thin a.

Min ngai ve ni a ka hriat chang te hian,
Ka ngaizual fo thin che a,
Ka ngaih theih thin em che avang hian,
A chang chuan mak ka inti hial thin a.

Thil engkim min hrilh ve vek avang hian,
Awmdan thiam angai tih ka hria a,
Ka ngaih thin em che avang hian,
Awmdan thiam erawh har ka ti hle si a.

Ka kal tawh na a,
Ka la awm reng a,
Kha Saron buk hnuaiah ngei khan,
Ka ngaihtuahna chu a la awm reng si a.

Ka duhtak, ka thian ngaihawm, ka ngai thin khawp mai che.

1072013@Champhai

SEKIBUHCHHUAK

Keimah Sangtea Renthlei
SEKIBUHCHHUAK

Pute sik sawi iang an rawn thle bel bel e;
Bak iang chhun tawmbo zan thim an rawn hrawm e,
Lut lawr kaw tin fanga helin;
Bah leng sam an chhem phir iar,
An duh an chei thaikawi an vawm phiar;
Lenlai lengte'n haiin kan bel vel,
Tawn leng an hril leh siau lungdum thu leng,
Nau chang chawi kan tlai leh liai;
Kan tan sekibuhchhuak a iang.

-sangtea signature@tunah mai khan ha3

MITTHI TE:

C Van Hmingliana
MITTHI TE:

An liam rih mual, hringlang hrutin,
An lawina fam khua lam rawnah,
Pawla sai ral tawng tak ang maw.

Liam hnu fam ta lenrual lungduh,
Kan dawn par ang an vullai ni te,
Koh kir rual loh hawilopar tawnin.

An hrai leng lanu leh val te,
Hringmi chan chang an ngui riai e,
Khuanu lengin hual se an vul tur.

(Kan thenawm nu Nu Diki a thi. kar 2 mai dam lo, kan chan der mai a, a pualin kan ti ve hrim hrim...a lam zat, a rhyme pawh ka ngaihtuah lem lo.)

ENGAH NGE.

Damte-i Thangluah
ENGAH NGE.

Engah nge, engah kher nge
Ka nghilh theihloh?
Engah nge, engah kher nge
Ka hriatchhuah leh thin?
Engah nge, engah kher nge
Ka vei reng ni?
Engah nge, engah kher nge
ka tawrh reng bik?
Engah nge, engah kher nge
ka hlim ve mai loh?

Ka thinlung hmangaihna rawn thawng tho a,
ka dinna chantual lei rawn tinghing in;
ka chhungrila ka takna tak rawn su pawp a,
ka inphenna kawr ruam te rawn phin darhin;
ka thuthmun rem
tlangsang min pheh chim sakin,
kawrawng leh nun ruak mai mi chan ta si.

Keiin thawnthu ka siam a, neitu chu nang i ni,
Keiin langlo natna ka vei a, tidamtu chu nang i ni.
Keiin ziakfung ka chawi a, thu chu nang i ni.
Keiin rimawi ka siam a, hlapui chu nang i ni..

HE LEI HI

Damte-i Thangluah
HE LEI HI

He lei hi zawng, nat ram
a ni,
Hlimna te par ang an
chuai a;
Lungngaia tahna ram
mai a ni.

He lei hi zawng, hreawmna ram a ni,
Nawmsakna te hnahnem ang an til a;
Rethei-a rûmna ram mai
a ni.

He lei hi zawng thenna
ram a ni,
Hmangaih te hun angin
an liam a;
Beidawnga vahvaihna
ram mai a ni.

He lei zawng khual
channa ram mai a ni,
An liam thin pakhat
zelin;
Hmangaihtu rûnah zion
hlimthla an bel e.

Hruaitu ropui chuan
banah kaiin keipawh min la thlen ang,
Angel-te lenna ram
ropuiah chuan;
Ka tuar tawh lo'ng nat
leh hreawmna zawng
te.

He lei chhuahsan-a
hringnun a ral hun chuan,
Ka lal duhawm,
chhandamtu hmel ka
hmu anga;
A kiangah muangten
chawlin, ka hrilh ngei ang ka zin kawng.

22/2013

THINLAI DAM NAN

ZH October Renthlei
THINLAI DAM NAN

Zamual liam nan vanglai a sâng,
Turni a hrâng van zâwl a kai,
Zunzai a zâm zantiang mawiin,
Luaithli an nûl tahlai an rêl,
Zantiang awitu thlalêng hnuaian.

Siâr an ngîr vanzâwl an kai,
Thlalêng a vul vanzâwlah khian,
Chhak tlâng leh mual a nûl leh e,
Zailai an vâwr tuahkhuang an beng,
Suihlung an rual, zantiang hnuaian.

Chungmû hliapthla zârin fang mai ing e,
Sawilai dawntuai rûn sâng kai nan,
Duhthu tinlêng ka sâmna mual,
Chhuithang thinlai lawma zaivawrna rûn,
Thinlai dam nan luaithli ka nûl nuam e.

Saturday, 27 July 2013

Infinite comfort upon his palm,

Ruata Da Little Dictator
DUATTE
Chapter 1
Infinite comfort upon his palm,
Flawless safety in his mellow arms,
We are safe in sweet Jesus alone.
Chapter 2
Duatte, don't worry don't be lonely,
Soon enough together we will be.
If nites are empty and days are long,
and thousand distance separate us,
Remember we can kiss thru our prayer.
Whatever boughs are budding in trees,
Our hearts will always bind through rough time.

'AW' TI VE MAI THIN LA.

Khiangte LR Lra
'AW' TI VE MAI THIN LA.

I sakhming reng ka hre lo,
I chun leh zua pawh ka hre mawlh lo,
Tu'n lo chawi lian che maw,
Tiang reng renga sakhmel tha hi,
Ka la tawng ngai lo,
Zo lanu hei zawng zawng zingah,
A ruk te-a ka sawm lai che hian maw,
"AW" ti ve mai thin la.

H makhawsâng Chhurbura rual

Joseph C Lalhmangaihzuala

H makhawsâng Chhurbura rual, Tuan leh mâng ata,
Vanhnuaithâng an hril, ‘Thlanrawkpa Khuangchawi’
Sadawt, Bawlpû chhamphual, zeldin thubawl karah;
Ran thisen chikim hmangin inthawi e, Ramhuai tlawn nan;
Hawp khawp thar tum zaleng te’n tuanzai rel e,kawla ni chhuak chhiarin,
Mihrâng thanlai siam tum thangchhuah, khuangchawi tura pheilai thenin,
An sel e, ‘milu’ ‘salu’ khai lo mipa fa;
Chutin Se mân tur lânu te an leng e,
An ngai bil lo, thlang sappui nunsâng.

T iak zai reng rel lo hnam nunphung kalsiam, mahse,
Chutah, mihrât khawkhêng chanchintha meichher chhitu;
Harsatna chitin paltlanga Isua chanchintha puanhnuaiin,
Awmtual an thai, kan zoram riangte-an;
Chutin sawisel elrelna karah an hril vel,
Zosap hmachhuan Isua Krista chanchintha.
Hranghlui pasaltha pheisen darfêng,
Mihrâng sahrâng hma a zam ngailo,
Kâwltu chawi a,ramtuan rel lawmnu lawmpa rual û zawk leh nunau te;
An nem zo dârtui iang chanchintha tawn ah.

R authlâ iang phung hawrawp atanga AW A B Z CH chhamin,
Zirna run an rem thlang sappui nun iangin;
Chutin lo thangzel in Isua Krista chanchintha meichher chhitu,
Pu Owena leh zokhaw sulsutu te’n an din tak e
Sakhming mawi KRISTIAN THALAI PAWL
Tlâng chuan e, zoram dung leh vang ah,
K.T.P kan ti mathlawn lo zofa zaleng zawngte’n;
Kan chawi zel nang e, thang leh thar zel an,
I mawi chuang e, I sakhming;
K.T.P., Kristian Thalai Pawl. tiin.

R ih lipui mihrâng thlafam run kaina pialral sawngkâ ianga
Krista sipai rual laitual lenna tur Zion khawpui panna lamtluang
Siala zawh turin kan sawm vel e, Vanhnuai zaleng zawngte:
Ani, Hun hmasa lam, chutih hunlai chuan-
Tlan chungin mi kawngkâ ah dâkin ‘Isua hi lo ring ve rawh u’
Tih kha sermon ropui tak a ni thin a,
Tunah zawng kan thinlung alo chawlawl zo ta;
Sualthim rallian in min hneh zo thang leh thar zingah,
Camping leh crusade te pawh menah kan thlak zo ta.
Tawkfang tal cham thei se kan thinlungah chu chanchintha chu!!!

P hungvelh ang maia khawvel sualna pung karah
Vahbâk ianga hlemhletna huaisârin, ruihhlo chitin ngai lah pung tual tual;
Khawikipah sap tawnga mahni hnukchhat tawk lah bo lo,
Mami Mama ti-a tuai duh lawmlai famkhaw zin tum hmachhawn ta-in,
Mittui tla zawih zawiha chun leh zua luaithli nul a bang thei ta lo;
Soddom leh Gomora sualna lah pholeng iangin,
Isaka aia Ismaela hmakhalh tir tum, a langa mawi kristian thalaite
Kan tam lua ani lo maw ??? ‘Thalaite u, in thatlai chen ula’
Tih thupui chauh changchawi tute;

C huvangin he hun hmawrtawng tawh tak ah hian –
Simna dik tel lo, sual zia inhria a inchhir ta piangthar mek te,
“Thianghlim rawh u kei ka thianghlim si a” titu
Pathian hma a dinpui turin alanga mawi Kristianna malmâk ila
Setana dawibur ruihhlo chitin, hlemhletna tenawm
Nulat/tlangval bawlhhlawhna lakah in thiarfihlim turin
Tun hun hmawrtawng taw tak hun tlemte kan la neih lai leh,
Pathian zahngaihna hnuaia tihboral lohva kan la awm lai hian;
Tapchhak hnungpuaka lo in ti ‘Pa’ mai lovin emaw,
Nulate’n kan ‘Absaloma’ tur ringawt zawng lovin –
K T P thiltum, ‘Isua Krista rinna leh amah anna kawnga thalaite hruai
Kohhran kutke ni tura thalaite buatsaih
Kohhran hnathawh tih puitlin
Krista chanchintha puandarh
tihte leh kan thupui innghahna Ephesi 2:10
‘Thiltha ti atan Krista Isua ah chuan siama awmin
ama kutchhuak kan ni si a, chu thiltha tih chu
Kan awmna turin Pathianin a buatsaih lawk a ni’
Tih hrereng chunga mi âk ruala âk mai lovin he sual thim kulhpui hi
Vauchher ila, hnuhpui mai duhtawk lova sirsawnin,
Hnuhhram kawih ngei mai piahah a thual thlengin,
Ralpui phiara phiarin, ruang chaicheh thlak ila;
Kan rilru, kan taksa, kan thlarau tan leh kan thalai puite tana
Malsawmna hnar kan lo nih theih nan
Kan zoram riangte hi Kristian Thalai Pawlte hian
Hawh u, I dinthar leh ang u.

Amen.
KRISTIAN THALAI PAWL
(Psalm)

SUANGTUAHNA

Abrahama Aba
SUANGTUAHNA THAMRAL..

Hmanah chuan biahthu kan tiam lungchimte'n,
Tawnmang iang chang tur reng ka dâwn ngailo.

Ka suangtuahna vakvel chuan nuthaia'n a tiam
che, Hrailêng awia kan rûn i mawi lai ngei chu, Ka suangtuahna ani, Nangman min neihtir duhaisam, Chutin ka thlir
lâwk lairil suangtuahna ngei chu.

Min bân di zûn pâr
rimtui, Sennau iang nui dunin hlim zai kan sa, 'I tan ka vawng nange ka par mawina, Nang chauh ka hlan nâng che ka neih rohlu' Ti in min hlan kha.

Chutin a leng vel
suangtuahna, Nangnen kan lendun hun tur ka
thlir mitthla ah, Hallote in hraileng kan awi, Rual leng lenlai chen kan
awtlo, Nau ang nui dunin chûn leh zua kan chang.

Hun leh ni an liam, I thinlai hrang dorâl iang lo lian e, I her ta mi tang
nuamah, Ka ngen che 'Lokir rawh' Ti in, I liam lui
maw min dawnlote'n,
Luaithli ka nul zah pawh dawnlo hian, Thinlai chulram iang a ngui zota.

A tak ram changlo
suangtuahna, Hlimthla iang romei zam kara
thamral si chu, Min
chantir khawram
chhimbuk, A luah ta che maw hriatloh val
mawia'n, Chutin kei ka tahna tuipui luang iang ka dang zolo.

'Mangtha' Ti a thlah che ka zuamlo, Mahse min
tir lui si i thinlai hran vangin, Hmana thenloh
thu tiam kha, Tunah thenna biahthu, Val dang
lawmah lo tla e, Kei, ka tan tahna luaithli, Kei ka tap, Sennau iang i nuihna an chang, Nunrawn chinlem awmlo min thawng lairilah, Bang thei hian ka ringlo
khuarei mah changse.

Hei chauh hi min hlan suangtuahna, Mahse a tak chang silova thamral ta chu, Suangtuahna
thamral a lo ni.

RAKZU KAN RUI

Manuna Pachuau
RAKZU KAN RUI

Lungmawl lungkuai,
Rakzu kan rui;

Dai-run kan bel,
Biak-run kan pel

Rialno kan dawm,
Sehhmeh kan hmawm;

Pheikhai a sual,
Hmingchhiat a zual

Neih sum sengin,
Tlakchham pungin;

Chawlhkar lo vei,
Kumsul lo vei

Nunkhua kan thlir,
Chungkhua a dur.

Hmeichhia

Machhani Jahau
Hmeichhia.....

Hreawmna lungngaihna lo thlen changin
Hmeichhia mai ka ni tih hria la.

Sawiawm lo tak ka chhakchhuak a nih pawn,
Hmeichhia mai ka ni tih hria la

Tha leh tha lo ka lo thlir kim loh pawn
Hmeichhia mai ka ni tih hria la.

Ngaihdan zimtak ka lo nei a nih pawn.
Hmeichhia mai ka nih hria la.

Dimdawi leh zawldawhna innghat tlat,
Hmeichhia ka nih hria la.

Kaihhruaina leh hruaitu lo-a bo thin
Hmeichhia ka nih hria la

Na hma tak leh thinlung no tak pu thin
Hmeichhia ka nih hria la.

Hmeichhia hmeichhia dik tak ka nih thei nan
Mipa I nih hril rawh.

A hlim chuan ka lim a,

Damte-i Thangluah

VETOPI'N RAWN POST RAWH A TI.

A hlim chuan ka lim a,

A sual chuan ka bual a,

A mut chuan ka zut a,

A phal chuan ka thal a,

A dawh chuan ka bawh a,

A dawrh chuan ka phawrh a,

A phur chuan ka khur a,

A rawp chuan ka fawp a,

A duh chuan ka hmuh a,

A nawm chuan ka pawm a,

A tawp chuan ka zawp,

A huh ta a, ka khuh ta a!

Khuangruah chiar nghiang,

Lalmama Bawitlung

Khuangruah chiar nghiang,

Suihlunglên hai ang a thang;

Nunhlui ngaih banzai ka rel nêm maw.

Rûn har ka nghak laikhum belin,

Tinkim dawnin chhinzai ka rel theilo;

Khua tuahloh dî tawn chu lunglam vaihna.

Lo her chhuak se chung turnî khi,

Tuanzai rela liamsan ka nuam;

Thadâng zûn ngaih mi phuartu hi!

B.mama

27.7.13

CHAI HLA

Keimah Sangtea Renthlei
CHAI HLA

(TC hla ka comment-na atanga ka siam rem)

‪#‎Tu‬'n khuangpui chang maw?
Tu'n darbu chang maw?
Tu'n seki khawng maw?
Keizawng lam ka thai dawn,
Lungdup Tan tlangko a thlur iang;
Ka lam zel dawn e; tu'n tawp su,
Hrilin khawnge biahnem ka'n hlan tak;
Amah hmeltha ka Di liamta ka au e,
Lungkuai lung ka vaih ka hril zel dawn;
Tu'n khuang beng maw?

‪#‎Ka‬ sakruang thlir su;
Ka hmelhmai thlir su,
Tu ka nih dawn su;
Ka chhep vel ka chawn-ban,
Ka lam dawn khawi ka tuan dawnin;
Lem ang ka derlo lairilin,
Lamin ka chhep fuke ka chawn-ban;
Hei raw.. chhei raw.. ka lungliam ka phawrh zel e,
Lungkuai lung ka vaih ka hril zel dawn;
Tu'n min dem su.

-sangtea signature@27.7.2013

KRISTIAN CHHUNGKUA

Joseph C Lalhmangaihzuala

A tir ata remruatna tluantling neitu Pathian thawkkhum Eden huan an-

Kristian chhungkaw lungphum phum a nupa tuak thar dinin,

Lalpa nen hun nuam leh duhawm chena tawkfang leng dun a

Rah tha chhuah tura nghahfâk kan thlahtu Adama leh Evi; Chutah

Bumtu hum daisual a mahni duhthu ngeia siamtu malmâkin,

Chung Khuanu chuktuah Eden huan hnungchhawna pheilai thenin,

Rûnremna tuallei sawngkâ daidantu Siamtu ankâ-

Khartung dai theuvin hnâm len nuam e vantirhkohte’n chatuan atan.

Chhiar seng nem maw !!! kha chen thlahtu mualliam te,

Nova kan ti, Rinna pa Abrahama kal tlangin Israel chhungkua chenin

Pathian hnen ata zawlneite ankâ leh hrilhlawkna chitin;

Kumtam a liam, an leng e, khuanu remruatna dungthulin,

Thuthlunghlui kan ti zalenna kawl a eng dawn e !!

Chhiarpui changchawi khawkhawm iang Bethlehema’n

Khuanu remruat dungthulin chûnriang Mari’n hraichawi e

Thuthlungthar lungphum thlarau thianghlim chulchhuak Chhandamtu Isua.

Hringnun dungthulin tualchai e an sawi Nazaret tlangval,

Famkimna hlenin Baptisma kawng zawh a pheilai thenin

Rammu e rawngbawl tura intuaihriam Pa hnena tawngtaiin,

Chanchintha bulpui leh rawngbawlna chitin tlâng than tirin,

Ngûr nun iang Hosanna ti-a chawimawiin Jerusalem a mawi e.

Chutin itsik elrel karah thlan thisen anga far khawpa lungngaiin,

An rem tak e,Krawsah khengbet rawh ti-a lungmawl aurawl hmachhuanin,

Famkhua ata thihna hnehin lam ang a let e Chhandamna thilthlawn pek nen.

Thlang sappui puanhnuai chanchintha tawnah an nem zo dartui iang zofa zaleng zawngte

Chanchintha dâk kan ti; harhna chenin tuallai mawi e,

Thlarau thianghlim awmpuina nena kum za tel meuh kan zui; chung Pathian

Kan hransan ta thang leh tharte’n vawitam kan khengbet nawn Chhandamtu

Tâng ah pawmin Isaka aia Ismaela hmakhalh tir tum Sodom leh Gomorra sualna

Pathian a awm lo tih piahah bumtu setana biak leh inthawi fawmkemin

Hlemhletna hmanga Biakbûk thilthlawnpek mualpho hliahkhuh nan, oh o o..

Thlang sappui awkâ hmangin fam ta e mahni hûmsual ngei dai-in.

Sualna chitin ata chhûngkua mimal tin te’n hmingmawi ‘Kristian chhungkua”

Thlauhthla lova saisen tet ata tarkun khupbih zovin,

Chutin khawkhen kum pawi sa lo ringtu ngialnghet

Biakbûkah lawi a tawngtai hmachhuan rawngbawlna chitin fawng vuan a

Mimal, chhungkua, kohhran, ram leh hnam tana sulsu-in

Tângah pawm a fatlum duata chawilian a pheilai thenin,

Hawh u, Pathian kan hnaih theih nan leh sawichhiata kan awm loh nan

Ringtu mimal tin te hian tun atanga chatuan atan Kristian chhungkua i din ang u.

Amen….

KRISTIAN CHHUNGKUA

Mual za kär hla saw i liamna,

Chhana Lima Charlie

Mual za kär hla saw i liamna,
A riang val chhawl ang ka uaina,
Theih se kirtiang han rel leh la,
Zún ngaih lunglen ka bang tura.

Awmhar ka awi e

TC Lalremsiama

Extracted from - RUNREMMAWII

Awmhar ka awi e, (7)
Hrailêng lo nang ngaih awih a har; (8)
Awmhar ka awi e. (7)

Sên lai iang min awm ve rawh, (7)
Tichuan ka dam ngei ngei ang; (7)
Tichuan ka dam ngei ngei ang. (7)

Kan rûn lo kai la, (7)
Ka ti ang che RUNREMMAWII; (8)
Kan rûn lo kai la. (7)

‘Ti hian hlim tawp hlau loin, (7)
Hlui dun i rêl dûn ang aw? (7)
Hlui dun i rêl dûn ang aw? (7)

Sawifiahna :- He hla hi Lênlai Zai leh Thailungi Zai kaihkawp a ni a; châng tin tlar hmasa pathum khi Lênlai Zai form a ni a; châng tina tlar tâwp pathum zêl hi Thailungi Zai form a ni thung. Nambar khi hla tlara mallam (syllable) awmzât zêl a ni; a awl lutuk, phuah ve nghâl la, khuang han la la bawk ula, i zai nghâl nghe nghe tê’ng u!

-tc lrs — at Ngaihlungdum Poetry Institute.

MIN THO LEH THIN E

TC Lalremsiama
MIN THO LEH THIN E

A ngaih zual châng hi awm ta lo zâwk sê’ng,
Zân khua a lo tlai paw’n ka hawihai mai lo tur,
‘Ti hian dawhrem laikhum sâng bêlin zâl mah ila;
Ka chhîng lêm hlei lo e, nang dâwnin Thapui,
I ngaih lêng vêlin min zêm, ‘lai min tho leh thin e!

-tc lrs

THOSI VI LEH DI NGAIH

Zira Chhakchhuak Hualngo
THOSI VI LEH DI NGAIH...

Thosi vi leh di, i ngaih hi,
Zankhaw tlai zual zelah a zual;
Sakruang leh thinlungte an hual,
An ral 'tortoise' ka tan i ni!

Vanrial rum leh i laibu lum,
To thli thawm leh i awm bawr hum!

Hmangaih van ruah chu sur tir la,
Hawktui khuapin ka chai tur a!

I TAN CHUAN

Robert B Syuhlô
I TAN CHUAN

Tlaikhua vara,
Ruih leh haia,
Luaithli nul chunga,
Tuanzai rel lo renga,
Duhthu aiang sam a,
Chungturnipui liam tur,
Hun hlutna pawh hai der a,
Ka thlir liam chang hian;
Laikhum thlakhlelhna a bo zo a,
Hlimna awmzia ka hai a,
Nuiri pawh bengchheng a lo chang zo a,
An sawi sum leh pai paw'n,
Hlutna reng an nei lova,
Thlakhlelh tur ka van a,
Thimfa ang maiin enna ka hua a,
Huatna hnar ang maiin,
Hringnun ka haw zo ta.
Neih lova in hria khan,
Engkim ka hne a,
Then leh rual zinga,
Kim bera in hria khan,
Kimlohna riau neiin ka in hre ta.

Engvang nge?
Tiin Siamtu meuh pawh zawhna ka pe hial a,
Eng vang nge?
Tiin thilsiam tinreng hi ka chhuahchhal thin asin!
Engvang kher nge,
Ka hmangaihna neihchhun,
Min ruksak tur chauhva,
Ka hringnunah hian i lo inlar tak mai le?
Hmangaihna hi thu chauh teh mai zawng a lo ni hi...
I tan chuan...

A reh riai rûn ram iang kan rûn,

Damte-i Thangluah
ZAN REI CLICK.

A reh riai rûn ram iang kan rûn,
Ngui ri riai vangkhua lusûn iang in.

A leng vel damten
fimthli ri hiau-in,
Zal hnu ka tho
thlehnem hnawl in.

Ka chhui tum kawng i liamna lamtluang,
Ka chhuah aw rawl ka bel e dailungrawn.

Rel la chhawn zai hnem la awmhar,
Sak zai tah lai ka bang mai tur.

Friday, 26 July 2013

KAN KAWMCHAR HUAN

Khiangte LR Lra
KAN KAWMCHAR HUAN

Kan kawmchar huanah maw,
Chip ka hmu, chip-te ka hmu,
Chip... chip... chip...chip...tiin,
A rawl a chhuah ve thin a sin.

Kan kawmchar huanah chuan maw,
Chhawhchhi kung a ding ro rii riai e,
A hnuaiah engthawl leh hlimin,
Chip rualin a rah tla chu an chhar thin.

Kan kawmchar huan chu maw,
Tukchhuakin ka thlir fo thin a,
Chhawhchhi kung ro leh chip te chuan,
Kei ka lung an va'n ti leng thin tak em.

Kan kawmchar huan chu maw,
Zanah pawh ka thlir bang chuang lo,
Chhawrthlapui engin a chhun ruai e,
Kei ka lung ti leng zual tur reng an maw.

Heilo liama mawi

Keimah Sangtea Renthlei

MIZO POETRY UPDATE

Heilo liama mawi; lai i thang ve maw?

Ruahthamloh thu tin i sa maw?

I thinlai lungduh thuchah i fawm;

Ngaihlai biahnem i chhawn thin zawng,

Famta ngaihthu i chham thin zawngte;

Khuarel leimawina i tawn zawngte,

Khi'ah i fak thin chung Pathian

Fak hla i hril thin zawnge hian;

Khawi ram nge a fanpui che tih

Dawnin i thlunglu a hai maw?

Khawi nge dakin han thlir ta che chuanin,

Chulin dawm ta che MIZO POETRY runchhung chu;

Chu tin i thelh mawilo an thawm sak na'ng che,

Mihrat an leng siau e chu runa'n.

-sangtea signature@26.7.2013

Sakhmel tawn hun ka dawn changin,

Lalmama Bawitlung

Sakhmel tawn hun ka dawn changin,

Ka dâwn lungruk a hlim ngei e;

Herchhuak thuai se dar ang tawnni.

Chutin duhtin sâma kalo dâwn thin,

A kim ngei ang kei ka lung lawm;

Châwnbân vuanin biah nêm ka hlân nang e.

Mahse her hian a mawi nem maw,

Tuanzai relin nichhun a vûi anti;

Val vaih chhâi nan hun a nei nêm maw.

Ka chan tawk a hlimthla thlir mai maw,

A rel sual em ni khuanu pawh hian;

A lo duan kher khua hmun loh an!

B.mama

AWM TAK MAW?

Abrahama Aba
AWM TAK MAW?

Kan run riangte atang hian mahten ka thlir, A
saw raltiang tlang romei zing riai, mawite a vul chiai saw. Biangah
luaithli lo hnâm zunngaih a tho, Ka tah nan palai
nunrawng aw
khuangruah sur nen.

Chungtiang thangvan ka thlir, vanrang hliahtu
chhum var lo lang, min thlen dah law maw ka di biahzai? A thamral
mitkhapkar te ah, thinlai vaihna tuipui lo lian, ka rum vawng vawng
lairila'n.

Min thlir tir di nen kan hlim lai, puan ang chul tawh hnu kha, A lunglaia
val dang pawm ta kha, dawnin ngaive tak ang
maw? Nau ang nui duna kan hlimlai, min nuih tir laini te kha, kei zawng
ka tlei thei silo.

Duhthu aiang ka sam thin pawh, romei iang a zamral tir mi tawnah, ka tawna a hlan thin ngei pawh, a hlan
chhawng val dang
lawma'n, kir leh a'n ka ring lullove.

Tichuan ka zawng ruai ruai hnem thiam, an awm mahna tleitir zingah, chung turni leh van dumpawlte khian
min thlen mial mai lo maw? Au in ka zawng zel mai dawn emni zaleng zingah? Ka tawng mahna sennau
iang min nuih tirtu.

Lunglam vaihna thu ka sam mai zawk emni? Lentu hnuai tlawh pawh
loh iang a reh tak ruai mai le, A rum nawn leh thin ka thinlai, Riakmawte lalpa iang vaihna sengkhawmtu.

Chelh din rualloh tuiluang iang i liam tasi, a liam hnu kir leh silo ang hian,
anka nem leh nuiri ka hriat thinte, tawnmang iang loni, Lairil min luah,
A tak thliah hnu chhawl iang an vuai, val dang
tawnah a hlan ta.

Hmatiang thlira ka sam thin, luah thar di leh nunhlui nghilh ni, bei
tidawng beisei bo, tahna tui ang lian a duhaisam zamral tirtu ngei chu, A
iang lanu an awm siloh chuan, lairil a luah bang dawn silo, An awmlo ka
thinlai hnemtu.

KIR ZAI RÊL LO.

Duat Hmak Hmak Cecilya

KIR ZAI RÊL LO.
---------------------
Vangkhûa bêlin tuanzai ka rêl
a, lungduh zawng te laitual
chaîna ah.

A ngui ruaî e, tuan kan rêlna
tlang, fam zun ngaîin.

Nau ang nuar in luaithlipui ka
nûl a.

Lâm ang lêt zai rêllo tur ngaiin ka
au, din zai rêl silo.

A hnîm ruaí ruaî lungril,kir zai
rêllo te'n hnutiang min chhawn.

Lungduh par lai chûn a zâl ta
maw!

Dáwn in thinlai a na,damni hmêl
hmu hian ka ring nêmle.

I iang ka táwng dawnlo, ka chûn
nunnem.

Ka tahkhua rêng a sei lua e, ngaî
a auh ruaî bân ka rêl theilo.

I ngaiin luaithli nûl chung in, ka
van ruai ruai, twn ka nuam
e, raûthla lêng tal pawh.

RIMAWI RAM

Khiangte LR Lra
RIMAWI RAM

Mizoram,
Ri-mawi ramah,
Zoram ri-mawi,
Perhkhuang tingtang,
Ri-mawi tinreng,
A fawn hlerh hlerh,
A zam chii chiai !

Kan Zoram hi,
Rimawi ram nuam,
Zai-a chawiin,
I lam ang u,
I chheih ang aw,
He tiang renga ram nuam hi,
Khawia'n zu awm chuang lo ve !

Wednesday, 31 July 2013

Hringnun hi thiamtawk te'n ka dawn thina, Ngur nun naufa te zawng an vannei chung chuang, Rianghlei naufa erawh kan vanduai chuang. Rairah hi Aw, kan riang vawng vawng.

Ngurnun nau fa te zawng an sakhmel in An sawi Buizo' hmel iang ve mai mahse, Lanu lengten an iai phah chuang si lo. An sakhmel in Puak ti bik lo mahse, Tha sensiarin a ngaihmelh leh si thin.

Chùn hnuntui ngai duatlai hraite, A lo tap e, zankhua a lo tlaiin. Dí zunleng ngai lungvai riangte, ka lo tap e, zankhua a lo tlaiin.. Tleitheilo hrai leh kei, Tangnem ngai kan tap e!

PIALRAL-AH Mupui anga thla neih ka va châk em! Ka thla te zâra hringnun hnutiang chhawnin Pialràl vangkhua ka thlâwk kâi ang a, Thlafam chang hnu ka suihlung Dî kha va hmuin, Muangte'n hlim lai pâr kan tlàn dùn leh ang a; Tah chuan kum sáng sàwm ka chám ngei ang.

DERNA PHENA KHAKNA... Anka hrilhfiah phak loh hriltu, Lairil a chhuak mittui a ni. Tin, derna thuam un ber pawh hi, Ani, chu mittui ngei a chu! Seih chawi sakhmel mawi phenah hian, Verthernain zung a kaih fan. Rose par, hlingin an hual angin, Hmelthatna'n tahna a hring thin.

Tuesday, 30 July 2013

WHAT ART THOU? What art thou, hidden in silent? Endued with love to nothingness; You, who baptize like reverent, Or,you,who cast spell to lone'ness? Like flowers that desert's conceal, Will ever thy secrets reveal? Whate'er thou art, or call'd to be, 'Tis i know, thou've enchanted me!

Monday, 29 July 2013

Lal lai kham lo ram vei te'n, Veh bur an khawn ta e an ta tur; Lal tum chhung hei lo pawn; An vel, an hel sumtual tin. Engtin ngai u ami zalengten, Sum chang hmui a to leh dawn e. Kan hnam leh ram san nan, Eng thu nung lo hril leh maw.

Lairil a zing, lung lam ka vai. Nghilhloh lanu dawn ve maw, Tlei lo val ngaihlai min ban la; Nuihlai kham ka bang mai awm. Awmhar kei ang tah khua hi Sei zual e khua rei pawn, Par mawi thliah hnu lenmawii Tawn ni her se lairil engtin....

LELTEPA'N... Nichhun awmhar awitu Lelte'n, Siahthing sangpar atang kei hi, 'Phu loh di ngai val' mi lo ti! Mi run mange zaikung zaiten. Hualngo chhai di kawlngo sensiar- Zun ngai mahten awmhar ka chhiar. Chhun lawn bawhar, lengui rawl ten, Tur ang min run, suihlung min len.

KEIMA LAL Ani dâwnin laikhum dawh sânga'n ka zâl, Ka kianga a awm loh chuan ka mal, A hnên panin ka mitthlâ a kal; Amah chu ka pan nal nal, Ani chu a ni keima lal, Kei erawh ani sal. -tc lrs — at Ngaihlungdum Poetry Institute.

Sunday, 28 July 2013

Saturday, 27 July 2013

Friday, 26 July 2013

Hringnun hi thiamtawk te'n ka dawn thina,
Ngur nun naufa te zawng an vannei chung chuang,
Rianghlei naufa erawh kan vanduai chuang.
Rairah hi Aw, kan riang vawng vawng.

Ngurnun nau fa te zawng an sakhmel in
An sawi Buizo' hmel iang ve mai mahse,
Lanu lengten an iai phah chuang si lo.
An sakhmel in Puak ti bik lo mahse,
Tha sensiarin a ngaihmelh leh si thin.

Chùn hnuntui ngai duatlai hraite,
A lo tap e, zankhua a lo tlaiin.
Dí zunleng ngai lungvai riangte,
ka lo tap e, zankhua a lo tlaiin..

Tleitheilo hrai leh kei,
Tangnem ngai kan tap e!

PIALRAL-AH

Mupui anga thla neih ka va châk em!
Ka thla te zâra hringnun hnutiang chhawnin
Pialràl vangkhua ka thlâwk kâi ang a,
Thlafam chang hnu ka suihlung Dî kha va hmuin,
Muangte'n hlim lai pâr kan tlàn dùn leh ang a;
Tah chuan kum sáng sàwm ka chám ngei ang.

DERNA PHENA KHAKNA...

Anka hrilhfiah phak loh hriltu,
Lairil a chhuak mittui a ni.
Tin, derna thuam un ber pawh hi,
Ani, chu mittui ngei a chu!

Seih chawi sakhmel mawi phenah hian,
Verthernain zung a kaih fan.

Rose par, hlingin an hual angin,
Hmelthatna'n tahna a hring thin.

WHAT ART THOU?

What art thou, hidden in silent?
Endued with love to nothingness;
You, who baptize like reverent,
Or,you,who cast spell to lone'ness?

Like flowers that desert's conceal,
Will ever thy secrets reveal?

Whate'er thou art, or call'd to be,
'Tis i know, thou've enchanted me!

Lal lai kham lo ram vei te'n,
Veh bur an khawn ta e an ta tur;
Lal tum chhung hei lo pawn;
An vel, an hel sumtual tin.

Engtin ngai u ami zalengten,
Sum chang hmui a to leh dawn e.
Kan hnam leh ram san nan,
Eng thu nung lo hril leh maw.

Lairil a zing, lung lam ka vai.
Nghilhloh lanu dawn ve maw,
Tlei lo val ngaihlai min ban la;
Nuihlai kham ka bang mai awm.

Awmhar kei ang tah khua hi
Sei zual e khua rei pawn,
Par mawi thliah hnu lenmawii
Tawn ni her se lairil engtin....

LELTEPA'N...

Nichhun awmhar awitu Lelte'n,
Siahthing sangpar atang kei hi,
'Phu loh di ngai val' mi lo ti!
Mi run mange zaikung zaiten.

Hualngo chhai di kawlngo sensiar-
Zun ngai mahten awmhar ka chhiar.

Chhun lawn bawhar, lengui rawl ten,
Tur ang min run, suihlung min len.

KEIMA LAL

Ani dâwnin laikhum dawh sânga'n ka zâl,
Ka kianga a awm loh chuan ka mal,
A hnên panin ka mitthlâ a kal;
Amah chu ka pan nal nal,
Ani chu a ni keima lal,
Kei erawh ani sal.

-tc lrs
— at Ngaihlungdum Poetry Institute.