I TELLO IN

Damte-i Thangluah

I TELLO IN
(phak tawk te te)

I tello in ni ka chhiar a,
Chhun a liam a, zan alo thleng a,
Mi mutrehsan ramreh, mi hnuvaiah ilo lang leh anga,
Thlehnem kuanin
rianghlei nau ang ka tap leh dawn a sin.

I tello in hmatiang ka thlir a,
Ka chung vanrial rum hum hum leh
Khuangruah lunghnur surin i zun min ban leh
anga,
Hrangzual thlipui pau ngaithlain; suihlunglengin ka lam leh dawn che a sin.!

I tello in hun sul tam a liam a,
Hring tin hnahnem lo chawrin;
Vau leh tuahpui khua mawitu an lo vul leh anga,
Tuanthu hlui kan nun thinlaiah a thar leh dawn a sin.

I tello in chantual leiah damten ka leng a,
Ram hnu run ruak ang mai a ni a;
An sawi hmar khawpui li liai'an
Hringtin zar bel kulva te nen lunglen phurh hlan
phurin kan pau ho leh dawn a sin..