DUHTAK/ DUHLAI

Damte-i Thangluah

DUHTAK/ DUHLAI

Duhlai,
Hun sul tam liamin
khuarei a lo vei a,
Ka ngaih che a bang chuang lo va.

Duhtak,
Hun herin lunglen a hnem an ti a,
Ka ngaih che erawh a zual tual tual a.

Duhlai,
Thlangtla lenkawl
vawitam a liam a,
Nang ngaih lunglen a liampui chuang lo va.

Duhtak,
Kawlah vawitam turni a chhuak a,
Tawn loh sakhmel ngaih a zual zel a.

Duhlai,
Len buang maurua
duahten an chawr a,
Thinlung hliam pawh a pûn tual tual a.

Duhtak,
vawikhat chauh min hawisan a,
Kei erawh vawitam ka tap a.