'I TAN KA TI'

Madinga Da Catalan

'I TAN KA TI'

Khuanu duansa zawm a sik khua a liam ni chuan,
Lenbuang zawngte'n hnah thar an chhuah leh a,
Parfung chawiin an vul sang thingler ah;
Theihzawng changse hringmi mawina belhchhah turin,
I tan ka ti par kung vullai zawng te.

Awmhar tlangtin chuan a ram tuan ka rel ni chuan,
Lunglen thawitu tlangbawm romei zamriai zawng leh,
Lenbuang awitu hramthiam Sirva zawng te;
Ramtuan val hah dawi ang dawmtu siktui thiang nen,
I tan ka ti khuarel mawina zawng pawh.

Thinlai ruka tinkim ka dawn chang ni te hian,
Riangvawn val tan theihtawk hlan tur tlem thin mahse,
Dawnlungrukah ngaih i bang thei si lo;
Hlimlai chen in tleidang tang va bel tawh mah la,
Lunglen biahthu erawh i tan ka ti.