LO KIR RAWH

Damte-i Thangluah

LO KIR RAWH
(phak tawk te te)

Ka lam hawiin mawi takin i nui a,
Ngainatawm takin min melh a;
Ngaihawm takin itawng a,
Ka ngaina che ka ti a.

Duat takin min vuan a,
Zawldawh takin min dawm a;
Nghet takin min chelh a,
Ka thlah tawp lo'ng che ka ti a.

Khawvel chu ka thlir a,
Engkim an mawi vek a;
Hringnun hlimna ilo ni a,
Ka hmangaih che ka ti a.

Ka neihchhun ka pe che a,
Ka thinlung chu i chhiar a;
Neitu i ni a, i kawl a,
Ka rinawm reng ang ka ti a.

Hunpui alo liam a,
ka vel ka thlir a;
Hringnun hlimna ibo a,
Ka ngai che ka ti a.

Hringnun a ruak a,
Hunhlui ka thlir a;
Suihlung aleng a,
Lo kir leh rawh ka ti a.