I LIAM SI

Thartei Jona Puia Siakeng

I LIAM SI

Rual zawng laia mihrang hluan,
Chawnban nau ang ka vawrpui;
Her luai luai e chhimtual zodaia'n.
Than tum val laithazam chuan
Runpui tha par vul din nangai;
Awihlai thai leh hrai leng nau nawn nui hiau e.

Sang par a par i zara'n maw?
I runpui hliap a to ding lur.
Belhlai i chhing zo ngei e,
Hraileng leh nuthai phenthing.
Muangte'n zan mu chhin zai rel e,
Phunbung iang i zar hnuaia'n.

A rel sual ngei belhlai biakpa'n.
Lumpar tlan a zai vawr laiin,
Ngui ruai ruai e vangkhua tlai tluan.
Awmlai sar a zam maw?
A kungpui vullai thliaka'n
Sakhming an chawi zuapa ngei chu.

Thai leng leh hrai riang chan;
Dawn lo renga mual liam hnu,
Bilhpuan khim a ngaihlai kan vawr.
Sakhming tha hluan Lalzarmawi,
I zar vullai chul ruai e Phunbungpui;
Hawihkawm rual zawng laia'n.