VAL DAWNTAWI, I A LUA E

Sangtea Leh Pek Renthlei

VAL DAWNTAWI, I A LUA E

Val dawntawi, i a lua e;

Ngai la chhui ta che i ziahfung chawi,

Tu tan chawi che maw i dawn em le?

Phang mah em ni kan thu hla hril

kawi?

Ziak la; i tan chawi ta che;

Van kungah mah rial hlawm a insiam,

Tlain lei a thlen phah chhan a ni e;

Lei dai dep mahse ralin a mawi.

I iang thin a ni ngai e;

Sep loh tur thu hla tin i fah hlawi;

Dawn lo renga i mawi thin zawngte,

Tudang hlìm lo; nang a ni a mawi.

-sangtea signature@31.8.201

RUAL HLUI

Abrahama Aba

RUAL HLUI

Hmanah hlimlai kan chên,

Panlai nun leh rawllai nun.

Laitual kan mawi ram tuan kan rêl,

Nuih zai kan rêl zai tin kan rem.

Khuangruah sûr kan chên kan hlim,

Tudang kan ngai lo kan lawm.

Damten kan thang kan sei lian,

Val kan ni lêngi rûn kan kai.

Di kan chhai zân tlai ah,

Thingpui senhâng dâwn zain.

Zankhua tlai in rûn lawi leh si e,

Tawn leh hun tiam in mangtha.

Tuanna tlâng a lo dang zota,

Zuapa Chûnnu an chang.

Hrailêng kârah zun hîng nen,

A rem tawh lo lungrual a len.

Kei val riang ve mai tân hian,

Rual hlui an lo ni e.

BEIDAWNG AU RAWL

Rinzuala Khawlhring

BEIDAWNG AU RAWL

Ni tin hi ka vanduai ni ni se,

Hun tin hi ka hrehawm hun ni se;

Kemah chu keimah ka ni zel ang,

Hnehna hla do ka chham khum bawk ang.

Dan rual loh bianga mittui luang chuan,

Chak lo ka nih lam a hril lo va;

Thinlungna leh tumruhna rumin,

A pai zawh loh a chhak chhuak si a.

Khawlvel hian min phatsan mah se la,

Lam tang nei lo sa teh mah ila;

Tisa ni lo, chakna nena thuam,

Rilru paukhauh chuan hneh zel a tum.

Lungngaia ka kunna zawng te kha,

Ka tahna mittui zawng zawng pawh kna;

Chakna hmanrua a la ni ang a,

Hnehna pawh ka la nei dawn si a.

FOOTPRINTS!

TC Lalremsiama

FOOTPRINTS!

,ooo0O,,,,,,,,,,,,,,,,, don't tell my 

,,(,,,,,),,,,,O0ooo,,, full heart disk 

,,,\,,,(,,,,,,,(,,,,,),,, to stop loving 

,,,,\_),,,,,,,,),,,/,,,, you as I can't 

,,,,,,,,,,,,,,,(_/,,,,,, clean the past!

NGAIH CHE KA BÂNG LO

I

Min tiriang chuang kan nun zamual liam hnu,

Uangpui i chan nân han hril thin che maw?

I lungdum dang tân i vul lai pawh khân,

Hmangaih vângin then che ka zuam si lo.

II

Ka tân chauh i la rem mah na tiin,

Ni tam a ral thlengin ka thlîr thin chia;

Mahse duh ka sâm thlâwn, vân ka duai ngei,

Mi tâwna’n chul zai min rêlsan ta si!

III

Biahthu mai chauh pawh hril kim hman hmain,

A rem lo, nang kei ka tâ lo tur chu;

Fam loh ka ngaiha’n mual i liam an ti,

Riang ka vaih khua sei tur rêng i dâwn lo.

IV

Aw, nang ka ngaih lunglên bâng thei si lo,

Fam lo hian lunglohtui dâwn ka nuam thin;

Mahse nghilh har pamhmai zûn chhâwl min thuai,

Thinlaiah a châm, nghilh a rem thei lo.

V

Hmânlai chang hnu kha dâwn ve thin che maw?

Nang chu ngaihlunglêna hawilopâr thliak;

A rem lo hnu chang zo ta ni mah la,

Ngaih che ka bâng lo, ngaih bâng thei si lo!

tc lrs — at Ngaihlungdum Poem Institute.

LUNGLENG THUT HLAHRIL

Muana Chhakchhuak
LUNGLENG THUT HLAHRIL

Duhlai ngaia lunglai vaia,
Luah lai pawm lai ngaih chu;
Thin lai a na, hrilh reng a hai,
Lang lo ka thlir, a lenna tlang;
Tah chuan a leng ka di lawm lai.

KA TAWN DI

K Rohmingliana Valpuia

KA TAWN DI

Par ang i lo vul ka lung lawm ve nan,

Enchimloh thadang dawn titam parte,

An hril vankhaw vangkhua em i len nan,

Hringchan i mawi ném angel duhawmté!

Thangvan lanu a lo paú vanzawlah,

Zaleng zawng hrilhfak zan chhawrhthla lo ni;

Mahse zakin a tîm i hliap hnuaiah,

Thim nunrawng lal lai hnehtu i lo ni.

Duhthuleng an sam e i pàr bawma'n,

An hel che ngurnun iang cho loh val ten,

Neihsum an ti, ro thil nen i lawm nan,

Ráwl lem leh chhingmit feikibâr an len.

Suihlung ka phang thin hmangaih lalnunnem,

Hmangaih luat vang chein lung ka mawl a,

Thikthu hrualhrui leh i zúnin min zém,

Hrethiam rawh aw lungrun ka â zo ta!

THLIRTU AU AW

Ruata Da Little Dictator

THLIRTU AU AW

Senmei thlifim, thlangtiang thlifim a lo tleh,

Maicham a ti chim, hawilopar a thliak.

Leikapui zau atangin leikapui zimah kaiin,

Thlarau pialral kawng thuampui a thlak.

Aurawl a rawn chhuak, a thangvel e,

Chhak thlang, chhim leh hmar kil tinah,

“Lei pialral, faisa ram, kan chanvo a ni” tiin.

Aiawh mualkil rorel, pialral lamtluang a nih ringin,

Thlantui leh thisen fara luantir huamin

Vap awm lo turin fathang haral a ni.

“Ramtiam kan kai” tiin hla do an chham,

Tlangpui tinah senmei detin an lawm.

Parmawi a chuai thuaia, lungphun a chim,

Zalenna par thliahsak tiamtuten, zalen fate,

Zalenna par zu thlumin an hrai rui,

An thisenin lei an dawh, mimal pialral an kai.

An ramtiam, an lei pialralah ngei chuan,

Pawi khawih lo, hnungkhirh loh saltang,

Zalenna zu ruia, kal thiam lo chan an chang zo.

An buh hmunah tam chhawlin an tlu,

Lui kiangah dang charin Paula rauhsan

Luhka an kai; an chanvo thihna tur a chang ta si.

Ramtiam sut ti lian tura tiamtute khan,

Phatsanna kutin an hulhliap sut an ti lian....

(rek bng mai ang sei dawn em mai)

THINLAI A DAM THEI LO

R Lalchanchinmawia Kll
THINLAI A DAM THEI LO

Lenkawl engno ri riai ka hawi ngam lo.
Zankhua lo tlaiin khuarei zunleng a tho.
Mawite'n a eng zam chiai e thlang tlaitla,
A chhun dawntuai no nghil nghiala an lenna.

Hmanah khawtlang sirva pâr tlan iangin.
Lungrualzaa duhtin samin lenrual duhte nen.
Damlai par tlana eng dawn zai reng rel lote'n.
Tlaitla eng hnuaiah nau ang kan nui za thin.

A dang chuang ne'maw tlaitla engno riai.
Hmana parang kan lawm thin tlaitla eng kha.
Ngaite'n mawitin bawmin a la engno riai.
Hringmi kan nun erawh hleite'n a dang zo ta.

Aw, hring kan vul lai reng hi a tawi lua e.
Hmate'n vanglaini liamin par ang kan chuai.
Lungduh pâr lai dawtuai kan chul tur hi.
Dawn chang hian thinlai a dam thei love.

Kan rùn sir a saron par kha,

Imanuel Cvl

Kan rùn sir a saron par kha,
Thliahloha par vul kha,
Kan rùn mawi renga vul renga'n kan ti.
Mahse thliahloh par chu,
Kan phal vang ni silo khan,
A hun liamin pialleiah a nawr liam a!

Hringnun par uaia mawi lo pawh,
A iangin a la liam ve ang pialleiah.

DUAT TE'N

Vanlalchami Chami

DUAT TE'N

Rimawi hmangin ka hmaah rawn lâm la,

Rimawi hmangin i tângah min hîp la;

Ka thinlunga châm dîlin min thlêm la,

Ka thuam hlui hlîpin thuam thar min silh la.

Hmangaihna lipui thûka chêng dûn turin min chelh

teh,

Ka zâm chhiat loh nân duat te'n i tângah min pawm

teh;

Hlauhna vânga khûr chu chakna pein min pawm

nghet teh,

Ka hlauh leh zâm vânga heh khûr chu duat te'n min

fâwp teh.

Hlimna vâwrtâwp thleng dûnin hliam te dam se la,

Min thlah loin kumtluang atân min chelh la.

(ka post hmasa ber. Ka mobile hmang thiam ve lo in nawi zet a ka chhuah kha. Repawst!)

MAWITU

Abrahama Aba
MAWITU

Ka lênna ram hring
mawitu,
Pârtin vulna hring cham dur.
Ram dang ngai lova kan lênna,
Nungcha tinrengte
tualchaina.
Rimawi rema hlim zai kan vâwrna,
Iang zo awm lo ram dang tân.

Ka di pawh a lêng ve nui hiauvin,
An vul za naubân senhri nen.
Mawitu ka vuah an zîng a'n,
A tlâwm bik love pârtin zîng ah.
A mawina leh pâr rimtui,
A hlân ka tân dam tein.

Ti hian min tiam
rinawmna,
'I tan chauh nghak zelin.
I thai ka chan hun
thlengin,
Ka vawng ang e i tân chauh' tiin.
Ka tân Mawitu tling zel la,
Ka thai chang nang che duhlai.

SENSIARI

K.c. Zoherliana

SENSIARI

Par la par la

Leng dawntuai sensiari.

Vul la vul la

Kan vangkhawpui mawian.

Kei hi kei hi

Run min lumpui la.

Chawi ang chawi ang

Ril arah fanaute.

Runah runah 

Hai ang tar dun ila.

Nang nen nang nen

Pialral kan thlengin aw.

DAN : SUH NGE RAWH

Tetea MitlangLuhlul Chhangte
DAN : SUH NGE RAWH

Ti rawh ti a thupeka ro reltu chuan,

‘Ru suh,uire suh,tualthat suh’

Thahnem a ngai hluan e,

Pawm zam tute thihpui,

Denna lung hmachhawn turin,

Zawm a har lua e DAN tiin,

Siam mai suh ngaihdan ziktluak

‘Tual that rawh,Uire rawh’

Thlakin a siamtu DAN chunga lengin,

Zawmin I uire ang maw?

I pawm ang I maw nunna chat turin?

A har zawk ngei ang ka tawn ah,

A petu hnenah SUH ka thlang nawn nang e

Engtin tuar ang I maw ka lal Kristan,

Tetea MitlangLuhlul Chhangte

Engtin tuar ang I maw ka lal Kristan,

Duhtu pungin a Lalna an hnawl si maw?

Chung Pathian chhungril na aw rawl tap ri chuan,

Lal ah min pawm ta che sawmin Isuan a ti.

Leibat tlakin chhandamna ka pe che,

Ka phut Lalna chang turin nun ah;

Thinlung in pek Lalna pawm turin,

Ka la nghak reng che I Lal ni tur in.

Ramhuaiten an ring Lalna neitu,

A chhang eitu erawh doral an chang maw;

Engtin ngai ang I maw thuneitu Lal in,

Hringfa hian a LALNA thu chu hrethian ang maw?

LUAITHLI

Abrahama Aba
LUAITHLI

Chhîngmit ata luaithlî,
Ka tân entirna tha tak a ni.
Eng atân nge ka tân?
Ka thinlung i tân ka pêkna.
Ka hmangaih vang che hian,
Then ni ah luaithlî ka hlân che.

Biahthu min hlan ni khan,
Luaithlî ka nûl lawm luat ah.
Ka hmangaih che min tih vang khân,
Biang ah lo far e luaithlî.
Lawmna mittui ngei chu,
Nuihna luaithlî a lo ni.

Tâng dang i belh ni khan e,
Dan rual loh biang ah luaithlî.
Phatsan ka nih lai khan maw,
Tah vang a luaithli ngei chu.
Hmangaih luat vang a lo ni,
I tân luaithlî ka hlan che.

HUN LEH NITE

Sangtea Leh Pek Renthlei

HUN LEH NITE

Hringnun lamtluang chu chhuiin;

Hun ni duhawm chu i kianga'n,

Hman ka nuam vaih nikhua tawiin;

Hlimte'n lenlaini i kianga'n.

Uaia ni liam pui mai ai;

Uan thu tal sep ka nuam a nge,

Uiin chu ni ka sam loh nan;

Ulh thu hla mah ka chham lo'ng e.

'Ni dawn maw', tia mi chhawn;

Nemte'n beiseina nen ka thlir,

Nuia hlimin lairil ka hnawn;

Nulin ka mawilo chu hun thlir.

-sangtea signature@27.8.2013

BEISEINA KAWL ENG

R Lalchanchinmawia Kll

BEISEINA KAWL ENG

(Lehkhathiam hna hmu lo fuihna chhamhla)

Rairah lunglai hnemtu ber thiam zirna run,

A ding lur e thiam zir naufa lengtin kai nan;

Rianghlei chanhai parang lo vul ve hun,

Thlirin lengtin lawi kim e leirem rah ve nan.

Zaleng zawng an kim ngei e thiam zir runah,

Zirna hmanga retheihna hnehbàn tumte'n;

Rualkhuma than tum leng ngir khup karah,

Hum an hauh ve e beiseina sang tak nen.

Hmatiangah zirchhuah ve hun tur nghakin,

Rinna tak meuh meuhin hma hun an thlir;

Inhmakhawsuih nan an siam e hmachhawp,

Bei nge sei ang rundung zawk niang tiin.

Neih sumpaiah chhuan tur nei zo ve lovin,

Kai pha ve lo mahse zirna run in tha berah;

Pau tikhauhin ka tum nge ruh saruh lo ti e,

Taima takin an zir fan fan e rualkhum tumin.

Rual el leng theihtawp chhuaha bei ta na chu,

Khuanu paw'n hualin a voh e malsawmnain;

Tluang taka zirlai pawh zir chho ve zelin,

Hma hlenin hlawhchhuak ta e hlawhtlinna.

Chutin, an thiamna leh an finna zawngte,

Ram leh hnam tana chhawr tangkai tur leh;

Chhungkaw chawmna tura eibar hmuh nan,

Thawh tur zawngin an bel e ram rorelkhawl.

Mahse, thiamna aia zirsan pawimawhna hmunah,

An vai leh si hmelhriat tha an aiawha ding tur;

Awmzia a nei ne'maw kha chen an beih ve-nain,

Mumang iang a thamral ta an thinlung ruahman.

Beidawnnain lu chungah thla zar duai mahse,

Engah nge beisei bova i rum reng bik ang a;

Engahnge lungngaihnain a kaihkun reng ang che,

Thlir teh, i hma beiseina kawl rawn eng kha.

Ami lengte chu lunghnual fo thin mahse,

Beidawnna tuktlawm leh hnehban rual loh;

I kawl lai ngei thiamna leh finna zawng kha,

A ni dawn lawm ni tun hun atan ngei hian.

Dawn ve teh, i zirchhuah tawnhriat zawng kha,

Awmze nei lova utawk tur vawn mai tur chuan;

A pamhmai lua e i tha leh zung senral zozai kha,

Mahni kutkea ding turin bei ta che i chaknain.

Ka hril dawn e lenrual lungduh te u,

Tetea MitlangLuhlul Chhangte
Ka hril dawn e lenrual lungduh te u,

Ka duhaisam di lenmawi luangliamin;

I cham reng ka thinlairil an,

Ka hmangaih che thianghlim thadang.

In tawngin tang ah bei turin,

Ka sawm che engkim huamin,

Khua hmuna intawn rem silo;

Riangin engchen tuar ang I maw?


Zunleng phur zolo hmangaihna vanduai,
.
Ka riang bik hluan e pungkhawm zing an maw,

Ka thinlung min neihsaktu,

Pumkhat len dun I rel dun ang.


Zankhua lo tlaiin I thinlai luahtu,

Zawng ruai che in a riang a sin D,

Ka tangah beila lungchim ten,

Ka duat nang che thlah tawh lovin.

KA NGAI EM ANI..

Abrahama Aba

KA NGAI EM ANI..

Min dem lul s'u ka

lenrualte u,

Kei chu e, riang tur reng ka lo ni.

Ka di mual liam hnu ngai hian e,

Chhun ni zânkhua a rei lua e.

Auvin kir zai a rel silo,

Luaithlî ka hlan ka theih tawk.

Ka dem lo che asin fam Lalzova,

I dung thul val ka riang em e.

A liam ta sûn hian nun a ngui asin,

Ka zuam lul lo dam khua sei tur.

Lairil a luah bâng silo hian,

A liam lai thlir ka thiam mawlh lo.

Chhün ni rei ka tân vaih ni sei,

Theih chang se dârkâr khat tal.

Nghilh ka nuam e

vawikhat tal,

Mahse theih chang silo maw.

Min dawnpui r'u lerualte u,

Ka ngai êm ani ka di liam hnu.

KA THINLUNG HI

TC Lalremsiama

KA THINLUNG HI

Ka thinlung hi,

Luhlul tak a ni,

Vuak paw'n tlu loin a nghîng;

Vuan loin nghet takin a ding,

Amah pawhin,

Zâm miah loin.

Min mamawh an awm lo,

Ka mamawh paw'n in bo;

Tin, kei ka khawro,

Malin ka ding ve fo.

KA VA INPUMPEK EM...

Zira Chhakchhuak Hualngo

KA VA INPUMPEK EM...

Duh che hi pawi khawihna ni se,

Khai hlumna dawhsan ka pan ang;

Nang hi thlemtu sual ni ta lang,

Hremhmun thlengin ka zui ang che.

Chung chhawrthlapui a fam hma chuan,

Ka nun leh hun ka hlan i tan.

Ka tan chhemdam thli i ni a,

Dang ro hnawn fiara tui ngei kha!

NAUPANG TUALTO POEM

Sangtea Leh Pek Renthlei

NAUPANG TUALTO POEM

Zala'n ka sãm dam lai par; (7)

Vaiin lung ka hnur leh thin maw? (8)

Ka tlin ka theihna reng tlemin hla a

kar; (11)

Ka ban phak chin banin a tawi lua

maw? (10)

Chu-ah vaiin phang mah i; (7)

Chung Khuanu malsawm vurin kei, (8)

Lenlai rual ka phakloh A hlau mai

awm I; (11)

Chhiar rualloh fahtin leng thu mi

zam hei. (10)

Lung lawm; lung ka phang mai lo; (7)

Ziahfung ka tan a rit lua em? (8)

Chawiin vaih thu hla; lawm hla mi

pek thu ro; (11)

Tialin ka mawi ve tak hei tialloh

phek. (10)

Lengtin lung lawm lo mah i; (7)

Kei ka zaipui; kei ka hlim pui, (8)

Chawiin ka mawi chuang ne'maw lai

than vel hi; (11)

Hei chauh- Lunglawmin duhtin ka

sam pui. (10)

-sangtea signature@28.8.2013

NANG HI

Jennifer Vetopi
NANG HI

Ka ngainat che avâng hian,
Min tihrehawm sam a.

Ka duh che avâng hian,
Min tithinur sam a.

I kianga awm nuam ka tih avâng hian,
Hmun dang hi hrehawm ka ti a.

Mi tihhlim êm avâng hian,
Min tilunghnual sam a.

Mi tihlunghnual hian,
Ka ngaih che a zual a.

Nang hi,
Ka kiangah awm reng la;
Ka tân khawvel lei vân a chang tur a.

I TÁ NIH KA DUH

Jennifer Vetopi
I TÁ NIH KA DUH

Ka ngainat chu i ni a,
Ka mi duh chu i ni.

Rawng ka bâwlsak duh i ni a,
Ka enkawl duh chu i ni.

Hlimna min petu i ni a,
Muanna min petu i ni.

Hlima siam ka duh chu i ni a,
Lâwma siam ka duh chu i ni.

Ka hma hruaitu i ni a,
Ka hnung dâwltu i ni.

I thupêk nghâktu nih ka duh a,
Fin chhuahtu che nih pawh ka duh a ni.

Ka khawvêl i ni a,
I tân khawvêl nih ka duh a ni.

Nang hi,
Ka zawn i ni a;
I tâ nih ka duh a ni.

ENG DANG KAN NGAI LO TUR A

Vanlalchami Chami
ENG DANG KAN NGAI LO TUR A

Thinlung au thâwm chu i hria em?
Mala ka awm hi a hrilh che em?
'Min kai chhuak rawh,' ti-a au ri chu,
I haider bîk lo ang ti raw?

Ka tân zâlna nuam i siam a,
Ka kutin i kut a zawng a;
Ka hlauh loh nân min chelh tlat a,
Ka hlân ta che ka neih zawng te.

Khawvêl hi a ngai renga kalin,
Hringnun zawh erawh a dang fo ang;
Êng chu thimin a hliah fo thin ang,
Thim pawh êngin a rawn chhun leh ang.

Natna te’n hlimna an hring chhuak a,
Hlimna paw’n natna a hring chhuak a;
Rose pâr hmun nuamah chêng dûn thin mah ila,
A hling chuan vawi tam tak min chhun dâwn si a.

Chutih hunah chuan,
Hmangaihna ken tel dawhtheihna nên;
Hun hmang dûn thei tehrêng ila,
Eng dang kan ngai lo tur a.

KA THINLUNG

Abrahama Aba
KA THINLUNG

Zânkhua lo ngui lunglai a zîng,
Hmânah ka dawng
annêm.
Tun ah khawnge
biahthu?
Ka zawng ruai ka tawng silo.
Min tiam rinawm tun ah a chuai,
Mahriak lunglen ka tuar ka rum.

'Duat, Duhlai, ka ngai ber che,'
'Ka phal lo che lêng dang tan.'
'Ka tân chauh min tiam la,'
'I tân chauh ka
thianghlimna.'
'Ka pawm law'nge
lêngdang chu,'
'Ka tan i hlu ber e' tiin min hlân.

Chutin ka pawm che duat tein,
'Tahlai bâng la hlim te'n nui rawh.'
Tiin ka thlem thin che kha,
Chutin i bâng nui hiauin.
Hlim te'n zai hla kan sa hal lo te'n,
Samang then ka ring ngai lo asin.

Mahse a lo thleng
thenna ni,
I tiamthu a dang i her.
Min der min kawp val dang nen,
I hlân min hlân a thiang te'n.
Ka zuam silo kawp zai min rêl,
I thlang ta lêng dang tangnêm.

Khaw'nge rinawm min tiam kha?
Khaw'nge ka thai min tiam kha?
I sût mai maw min tiam kha?
I hlân chhawng ta val dang.
A nâ ka tih reng dâwn lo hian,
I liam ta maw kir rel lo te'n.

KA NUN HI

Sangtea Leh Pek Renthlei

KA NUN HI

He nun ka hman hi;

He ka nun ve hi,

He nun ka len pui;

He nun kei ka nun.

Ka nun chaurau chu;

Ka nun nguai thin chu,

Ka nun lungngai chu;

Ka nun mangang chu.

Hmangin chu nun tawi;

Hmangin kei ka hawi,

Hmangin ka vui pui;

Hmangin ka nul fo.

Chutin tlei a har;

Chutin zan ka var,

Chutin ka tah khua;

Chutin a sei lua.

-sangtea signature@25.8.2013

NUN AWHFAKAWM

R Lalchanchinmawia Kll
NUN AWHFAKAWM
(Chiapcha nunkhua)

Thangril laiah tapin lungdi a koh em ni,
Chhepchher khawnga zai hla mawi sain;
Leilung awitu zan chiapcha rawl mawiin,
Lungrun zualin thinlung lairil a fan zo ngei.

Lungril laia zotui luang ri her her iangin,
Ngaih ninawm loh rimawi a fawn liam e;
Zaihla mawi hringmi benga hriatthiam ruallohin,
Zanthiang reh chawiin thinlai a nghawr dim e.

A thawm thangva a mawi ngei e lungril laiah,
A hril kim e thianghlimna nun rimawi fawn velin;
Kei mi ianga phatsan leh hnawl hlawh ve lovin,
Zaihla sain siamtu fakna hla mawi an hlan.

Nun awhfakawm tak aw, chiaptin cha nunchan,
Sualna chim buai phak loh thinlung thianghlim;
A nam ve love an nunah hringmi zia itsikna rim,
Nunkhaw chenin am e an hun hlu neihchhun.

Hringnunah erawh buaina chhum zing thinin,
Famkim lo he hringmi nun felhlel tak hian;
A phak ve si love an ianga nunchan zir,
Hransan mai ka nuam thin e rairah riangin.

Aw, theih chang han ni ve sela an dungthulin,
Hringnun buaina tuifawn chim phak lohin;
Amte'n nun hmang ve ila zalenna famkim nen,
Chantawk khuarelah lung reng a awi ngei ang.

PARZÂM

Sangtea Leh Pek Renthlei

PARZÂM

Kungtin a zam dem dem;

Mawiin a zam dem dem,

Lungril lairil a fan reng;

Thlirin a lam ka hawi reng.

Hnah nem hring a cham del del;

Ka mawilo hawia sul pel,

Ka thlir a bawh tin leng vel;

Sain hril ka nuam ka hel.

Khawia'n mawi parsen a chawi;

Kei ka chhung lairil a hawi,

Partin vul zawng chul ka mawi;

Rûnlum iang se ka nuam lawi.

-sangtea signature@26.8.2013

TÂWP AWM TAWH LO TURIN

Vanlalchami Chami
TÂWP AWM TAWH LO TURIN

Danglam thin khawvêla
Danglam mêk dinhmuna
Danglam nghâka ding mêk ka ni.

Tâwp chin nei khawvêl hi,
Tâwp tura ka chen mêk hi;
Tâwp tawh mai se kei lungmawl tân.

Danglam tawh lo turin,
Tâwp awm tawh lo turin,
Thla khâwng meuhin;
Hlun tur ram panin,
Ka thlâwk tur a!

TINKIM KA HLAN DAWN CHE EM NI?

Sangtea Leh Pek Renthlei

TINKIM KA HLAN DAWN CHE EM NI?

# Ka awm dan ka thinlung thup loin;

Ka pawm che a; ka tiam che asin,

Engkim ka huam i tan zawng chuan;

I hai lul ka ringlo asin,

Ka tawngkam chetzia i thlir hian.

# #I tan ka theih ang tawk nunpuiin;

Ka ring asin hrethiama min pawm

theih hi,

Aw, ka hmangaih hmangaihlo che ni

ila;

Tinkim ka hlan dawn che em ni le?

# Anka nem thu hlantamlo mah che;

Ka huam engthil pawh i tan chuanin,

Hringnun chhaha kalbo mai leh;

Piallei thim hnuaia zal,

I tello chuan ka huam asin.

### Chhiar nang che ka thinlung

sukthlek;

Thlah tawhlo turin mi kai la,

Hmu la ka thinlung lairil;

Chawnban ka vailiamte nen zawng

hian,

Eng dang tiin ka phutlo che;

Mahse, biahthu Di mi chhawn nang

che.

-sangtea signature@25.1.2013

TUIFINRIAT

Sangtea Leh Pek Renthlei
TUIFINRIAT

# A iang e luipui; ka hmangaihna par
mawi chuan,
Far hnih-khatte'n tlin khawm zai an
rel bultan a hnara'n;
Luang zelin kawrte ruam zimte zawha
káiin luite,
Luipui pawha siamin sak zai a rel e.

##A iang e ka thinlung rophum
hmangaihna che;
Thinlai hmun zimte ve mai luah che,
Len zai i rel ta maw ka thinlung
chhunga'n;
Hlim leh lawmin par ka chhuang i
kianga'n.

# Tlangdung thutphah thlûra luang
luipui;
Sakhmel ruângâm thlak thin luipui,
Ni miau hek e luipui; thlak ngailo
sakhming kohna.

##A ni; an sawi hmangaihna mak leh
thuro;
Famkim theilo mah se danglam ngai
lo,
Hliamchang awm thin thinlung
hmangaihna.

# Nimahsela; teh a rala lian leh thui
pawh nise;
Chawlh zai a rel thin a hmun
tuifinriatah chuan e,
Thlamuangte'n kumtluan atan tiin.

# #Ka lung Di, nang hi i ni ka
tuifinriat chu;
Ka nuam e i kianga hlimtaka len chu,
Min pawm ta che i ang chhunga'n;
'Muangte'n kumtluang atan', tiin,
Chatuan pialral kan thlen thlengin.

-sangtea signature@2.7.2013

ZOHNAM LANU, KAN AU CHE

Sangtea Leh Pek Renthlei
ZOHNAM LANU, KAN AU CHE

# Ka hril dawn e; zohnam lanu
zawngte;
Sakhming koh in nuam ngei e,
In mawi duhawmna pãra tuam;
Chawi zel nang che i sakhming hluan.

# #Kan au che a; kan ngen che asin;
Keini valrual léng zawngte hian,
Zam suh la, kan phen reng che asin;
I zun phurh huam valruâl zawngte'n.

# Silh leh fên ziarâng dang i ngai lo
e;
Puanchei, kawrchei, vakiria,
Bahsam sei leng siau kara'n;
In nui hmel kan thlir bâng thei lo.

# Khaw nge i hlan dawn le ãnka thlum zawng?
Em ni le kan zoram tan?
Pi-pu rophum 'zonunzemawi';
Vawng nang che thu-ro
tlawmngaihna.

-sangtea signature@15.11.2013

LENGI LEH VALA

Abrahama Aba
LENGI LEH VALA

Lêngi leh Vâla an inhlân e,
Kar ah biahthu rinawm an tiam.
Chawn bân vuanin laitual an mawi,
Hlim zai an vâwr nui hiauvin.
Kiltin an hrût a thiang tein,
Dawn lêm nei lo lenlai an chên.

Mahse rei rial lo biahthu maw,
Kumtluang an kai tawi e kâr khat.
Chuailo pâr pawh tuktin pâr,
An hlan chhûng an daih tâwk.
An tân tahna mai an siam,
Lungchhir luaithlî an aupui.

Kei zawng tiamthu
pakhat,
Rinawm ka tiam
vawikhat.
Hmangaih pakhat tan,
Thian erawh tam tak.
Thai leh di kawp ka thiam lul lo,
A tâwk e ka tân hlan tawh sa.

Tunge lungngai a tap le?
Tunge di then vanga luaithlî nul?
I thlan kha thlang mai la,
I tiam tawh sût mai lo la.
Ding rawh a ngai ah khân,
A tlêm ngei ang biang ah luaithlî

Hun leh ni, thla leh kumpui sul tam pawh la liam se,

Elti Muana
Hun leh ni, thla leh kumpui sul tam pawh la liam se,
Ni, thlirtu mitah i mawina hial pawh lo kiam se,
Thlirtu mita thlir phak bak he thinlungah hian zawng,
Chuaia chul ni hmel reng hi i tawng chatuan tawh lo'ng.

AW CHHAWRHTHLA

Lalmama Bawitlung
AW CHHAWRHTHLA

Chhawrhthla a kai, thang-vân sangah,
Sumtual kaiin mahte'n ka thlîr;
Nêm râng chhûmte'n a kiang an bêl,
An chên em ni damlai pialral.

A êng lâwmin la nu val rual,
Hlim zai vawrin zai hla an sa;
Engdang dawn lo ten lai tual an leng,
Kei erawh ka thâm vel e rûn riangah.

I mawi hluan e sakhming tha hluan,
Ariang val vaih khua i ti sei thlâwn e;
Liam zai rel rawh thlang kawl râwnah.
I her chhuahpui nunhlui liam hnu!

20.8.13

DAIRIAL KA CHANG...

Zira Chhakchhuak Hualngo

DAIRIAL KA CHANG...

Chhawr lai thlapui khi ka tahpui,

Nun hlui ka chhui kha ang hlimlai;

Seih par vul var duhte'n kan chhai,

Awi maw a leng ka seng mittui!

Tawnthar di tia lo chhal hnu,

K'rei! Tawrh har di a chan tak chu!

Khua ruat a sual nge lung ka mawl,

Fam lo dairial changa mi hnawl?!

Sikni eng mawi kawlah dam ten liam e,

Biaknunga CT

(Member thar nih lawmnan inthlahrung takin....)

Sikni eng mawi kawlah dam ten liam e,

Tlai khua lo ngui a hnim ruai len kawlah.

Chhakah mawi ten zan lalnu lo chhuak e,

Ropuiin a mawi ngei chung thangvan ah.

I eng lawm leng zawngten hlimzai kan vawr,

Hringmi lung zawng dum ngei che chhawrhthlapui.

I eng hnuaiah sakhmeltha par kan lawr.

Ding reng rawh van zawlah aw chhawrhthlapui.

Fam si lo i liam ang maw thlang tiangah?

Tlaikhua min varpuila zaleng lawm nan,

Kan phal thei lo i liam thlang lenkawl ah.

Kan au kan au che ding rawh vanzawlan.

Auh lai hnawla liamzai i rel chuan e,

Dam ten thangvan lamtluang chu chhui nang che. 

NGAIHDAM DILNA

Elti Muana

NGAIHDAM DILNA

(Fiamthu)

"Nunrawng hmeltha" tiin maw min sel le?

Hmel thu-ah zawng tlang mit fing hi,

Keia lungmawl hnial rual va chang suh;

Mahse maw ka nun zawng a rawng lua bil lo.

Thai khat tana vul tura chun khat hrin,

Kei ka zua chawi val hian e,

Ka hai nem le, in duhaisam ka thlen zo lo;

Bollywood thaleng tuaitir zawngte'n,

Ka chan hi dawnin min ngaithiam u!

Khawnge truanna mual zarkawt phei saw,

Dawithiam Lalruanga
Khawnge truanna mual zarkawt phei saw,
Senmei laithain hrut phei hnek hnek
Turin ka liam dawn, ka chawn sek,
Hahin vuaiin chau tak ang maw?

ZO SIKTUI THIANG

Khiangte LR Lra
ZO SIKTUI THIANG

Zo siktui thiang,
Ri her herin,
Luang dem demin,
Lungpui leh lung-te phenah ,
Luang hiau hiau zelin,
Lengkir leh kawr thuk tak te,
Rawn zawh thla zelin,
A rawn thleng ta,
Kan vangkhaw dai a saw,
A luang cham del del e,
A mawi ngei e a tui reng a thiang si,
Zaleng zawngte tana damna tui lo ni,
A sakhmingah ‘Zo tui thiang’ tiin,
Dang ro dang charte tana chhawl hal rehna,
‘Zo siktui thiang’ ngei saw,
Dawn ve la Zo siktui thiang,
Kan Zoram ngeia mi saw…!

RAM LO LA AWM TUR

Khiangte LR Lra
RAM LO LA AWM TUR

#
Ka tan chuan i mawi chuang mang e,
Mahse maw, kei i tan ka mawi ve si lo,
Khawvel mawinate hi ka thlir fo thin a,
Min thlir ve si lo khawvel mawinate hian,
Hlimna leh lawmna neih reng theih hi ka duh a,
Min duh ve si lo hlimna leh lawmnate hian,
Hausak leh nawmsaknate pawh kan zawng thin a,
Kan zawn hausakna leh nawmsakna te’n min zawng si lo,
Nunna leh damna duhin kan pan thin a damna run,
Damna aiin natna, nunna aiin thihna kan dawng nawlh thin.
A mak ka ti e, hriatthiam a har, he 'Hringnun' hi zawng!
Min zawng ve si lo heng’ kan zawn fo thin-te hian.

# #
Hei hi maw hringnun chu!
Hei hi maw mawina chu !
Hei hi em ni... Hlimna leh lawmna chu !
Hei hi maw…kan zawn thin hausakna leh nawmsakna chu !
Hei hi maw lo ni…damna leh nunna kan zawn fo chu !
Kan zawn thin heng zawng zawng :
Hlimna leh lawmna, hausakna leh nawmsakna te,
Nunna leh damna te hi kan hmu em..he khawvelah hian,
Heng kan thil zawn thin zawng zawngte hi'
Reilote atan an ni, rei reng a daih dawn si lo,
A ral ang reilote-ah he hringnun hi zawng a la chuai ang!
Ram lo la awm tur chu i zawng zawk ang u khai.

LIAM HNU DI HLUI

Abrahama Aba
LIAM HNU DI HLUI

Ka zawng che laitual ah,
ka au ruai ruai che thinlai ah.
Ka ngên che lokir leh a'n,
Ka rum fo nang vangin.
Ka tawng lo i ankâ
chhânna,
Ka vai zota lairil ah.

Liam hnu di hlui ka au,
Lamang a lo lêt leh
mahna.
Lungruk duhaisam a tâwn ah,
Lungchhir mittui nên maw.
Lokir leh hian ka ring thin,
Liam lo la lokir leh rawh.

Mahse kir a'n a mawi silo,
Mual liam hnu val dang tâwn ah.
Mal leh riang min chantir ta,
Min dâwn silo hian maw duhlai.
Mahriak lunglên ka chan hi,
Mah te'n tuar ka zuam silo.

I der sual lua e
lungmawl,
I dâwn chianglo i kawng thlan hi.
I tân nun hlan ka hlau lullo,
I tân enge a huam ve le?
I ui law'ng maw i chân tâk?
I chhir ngei ang i hriat ni ah.

**HER LA, HER ZEL LA**

Rampianga Bualteng Lai
**HER LA, HER ZEL LA**
.
Zantiang bawâr lo pau mah se,
Kian zai rêl rêng ka zuam nemmaw i par lawm lai,
Dâwnin ka dâwn nunhluite,
Kirtiang rêl zawng an mawi si lo.
.
I riang hlei hluan e vanzawlan,
Siar lêng mah kawpte'n an lêng siau e,
Khawia'n tuan ve maw i di ve chu!
Siar lêng zawng chu sirah hnawlin,
Her la, her zel la vanzawlan,
Tawng nâng che I lungdumtu.
.
A di tawnni rêng a tawng si lo,
Tawnni tawng lo mah se a her zêl e vangkhua mawi an,
Kei mi iangin a tawng si lo maw a lungdumtu,
A her liai e, tawnni nghakin a her liai e.

ZILH TU

Jorge de Gunnerz
ZILH TU

Finna chhar turin bumna ka tawh angai a
Ropui turin ngaihnep ka hlawh angai si.

Liam la, thinlung chapo
Min kian san rawh, nang lei taksa khawngaina insiam chawp thin rilru bawlhhlawh.

Beidawng lova ka beiseina chhawm nung tur an.
Hlimna dik hre tur a ka nun kawng min pui turin..
Mittui aia tumruhna neitu zilhna chu..
Hai lova ka zawm theih nan..

LUNG KA PHANG LEH THIN

R Lalchanchinmawia Kll
LUNG KA PHANG LEH THIN

Tinkim ka han dawna hmangaih luat vangin,
Ka hlau leh thin tangdang bela lung mi hersan;
Min dawnpui hian i mawi si lo rairah ka chan,
Thinlai phangin tanglaiah min kham leh thin.

Vangkhaw hmuna tawnloh kar reilote mah,
Tuar nem thei lovin tahlai a tam ngei e;
Tunah tuan zai ka rel ta si maw karhlaah,
Engtin tuar i maw tawnloh kar suihlunglen.

Rairah riang ka chan tur min dawnpui la,
Ngaihlung her mai lo la lengdang tawnah;
Vawng zel la rinawmna kar hlaah pawh,
Chutin ngaihngamten tual ka leng ve mahna.

Hril thiam hian ka mawi love ka dawnlungruk,
Ka zuam mawlh si lo i tel lova hringnun hman;
Lawmlai par tlana nauang kan nuih dun ve nan,
Hnawl zel ang aw, leng dang zawng chu sirah.

HLIAHKHUH AURAWL

Van Sailo
HLIAHKHUH AURAWL

Duh thlang ila fahrah ka ni lo'ng -
fa ar ah loh, diriam chu.
Zuapa leh chunnu zawh ka nuam -
nupa tang then na emaw?
Huatna vangin na mah suh se,
hrai hnuchhawn tawrh a'n a na lua e.

VAWI KHAT TAL!

Lalthuamkima Khawlhring

VAWI KHAT TAL!

Lam hla an ka dawn thin che a,

Mualza tam pawh ni se;

Nang ngaih ka bang thei si lo.

I tan kei zawng ka tling lo,

Suihlung mu hnu a tho leh thin;

Zan tlainemah mahriak ten.

Han thlir ve lang,

Lenglai ni te mitthla an;

A riang hi hnem rawh, hnem leh nang che.

NANG LEH KEI

R Lalchanchinmawia Kll

NANG LEH KEI

Thalkhaw mawitu tuahpui leh vau vul mahin,

Lungtin rualin parfung an chawi dun;

Halloten lungtin rual dun thei ve i maw,

'NANG LEH KEI HI'

Hrin hrang mi hrang mi hrai ni mahla,

Hmangaihna hrualhruiin min phuar tawnin;

Thinlung lama inzawm pumkhat kan ni si,

'NANG LEH KEI HI'

Nang ka hnimhnaih theihna tur chein,

Ka rawn pan chea hmangaihna hmathehin;

Chutin lungtin kan rual dun tawh si,

'NANG LEH KEI HI'

Hmangaihnain a phutlêt hmangaihna ngei chu,

A lo ni e dai thei ngai lo tur chatuan thu;

Hril dun zelin nghet takin min phuar tawn se,

'NANG LEH KEI HI'

Hun tam hril ngàia in neihna neilo turin,

Thinlai run in khartung sawn dun zelin;

Tanglai belin cheng dun zel ila a thiangte'n,

'NANG LEH KEI HI'

Them bu a tlawm

Machhani Jahau
Them bu a tlawm

Ka ban che hmangaihna puan mawi
Lungchimtea ka duan zehkim ka zeh
Zalenna pawnpui ianga nel leh nem
Takna themtui hnawi rinawmna khawn

I tan ka duang rohlu atan
Ka thlang themtlang remna keng theia mam
Amar nalhnan zahna thlawh chhana kaih
Seih hlan chunga hlim leh muanga khawn

Chemdam zairem zawmin ka hlan che
I ta atan kumtluanga kawl atan
I tan erawh puanhlap a iang zo lo
Hnawm leh hnawk mai an chan tak zawk le!

Zonu them bu a tawk zo lo
Takna leh rinawmna themtui a tlawm
Tunlai zia tiin kawngvawn i thlak ta
Themlem ianga themlem i khawn tak!

I VUL TAWH SI

Abrahama Aba
I VUL TAWH SI

Chung vanrial lo rum e,
Khuangruah lo sur dam tein.
Nang ngaih a zual
chuang e mi u,
Lo ngai la chung vanrial rum.
Ka rawn tir e ka dawn lungruk,
Rawn hlân nang che kâwlphe ah.

Zantiang a rei leh dâwn mang e,
Zanmû chhîng leh tak ang maw?
Ka dâwn zankhua mai awm che e,
Min la vei ve thin ang che maw?
Kan biahthu thlun i dawn changin,
Kei zawng nghilh har ka ti lungrun.

Hun leh nite her liam zelin,
Hmanlai chang tur ka dâwn ngam lo.
Thinlai ah a lo thar leh anga,
Luaithlî ka nûl leh dâwn si.
Lamang let a'n i rem silo,
Mi tâwn ah i vul tawh si.

Kei zawng ka au zêl nang che,
Kumsul tam liamin vei mahse.
Uaiin an chul dâwn silo,
Hmân ah nangnên kan hlimlai.
Auvin kir rêl lo mahse,
Ka zawng nang che pialral ah tal.

LIANCHHUNGPAR NGEN

Damte-i Thangluah

LIANCHHUNGPAR NGEN

Hmangaih ka tawnna lamkawia zozam par mawi kha,

Ngaite'n a vûl leh ta sen siar-in;

Hmana ka dawn

hmangaih aw nem kha,

A thar chhuahpui si lo, nunhlui an chang ta.

Lungrualna ban vaia kan zawh thin tumkawnga'n,

A tiak an ti asin zanpar rimtui;

Hmana kan theh

hmangaih chi kha,

Tiakin a to ve ta si lo, a tawih ral ta.

I seih par zawng

mawite'n a la vûl a,

Vahkhuaite'n bawmin an hel che a;

Khawngaih kut dila i tan mittui ka sênin,

Lianchhungpar ngen mai mi lo ti si.

23/8/2013

HRINGNUN

Abrahama Aba

HRINGNUN

Hei hi maw an sawi

hringnun?

Riang te'n ka sei ka lian.

A mi iang duh tin mawi tin,

Sânna thiamna ka um.

Ka tawn ka hmuh

tahna,

Min pêk ka hriat

beidawnna.

Beisei ka nei duh ka nei,

Ka zawng ka vâk ka tlân.

Ka tawng ka chhar a hling nen,

Min hliam ka nun a chau ka ngui.

Hlimna nuihna ka tawng silo,

Ka duh a thlâwn a liam leh si.

A bâng thei lo a chul silo,

Hmabâk ka thlir ka kal.

Thlan tui luaithlî a luang,

Chawlhna ka duh a awm chuang lo.

Chutin ka nun a buai zota,

Ka zawh ka dai hringnun.

An phul che âthlo mifingte'n,

Nghaktea Silva Pachuau

Mizoram tana nun hlan tawh tu zawng zawng tan ka hlan e..

An phul che âthlo mifingte'n,

Hnam hmangaihna leh Mizo Mizona;

Anni chuan kâwrah an hmang a,

Nang zawngin nun i hlân si a!

Bumin i awm a, duhthu ngeia bumin,

I liam tur an thlir a, an nuihsawh che a;

"Bum hlum thak zel ang" an ti a,

I chan tur reng an dâwn lo!

Mahse Vanram khi miretheite ta a nih angin,

Zoram hi mi â- te ta a la ni ang a;

Thangtharte'n mifing an mausâm ang a,

Thangthar mi â an lo chhuak zel dawn!

I ram tan a nih si chuan ât hi malsawmna,

Bum nih hi zahthlak a lo ni lo!

I ram chu a âu ruai ruai a,

"Mi â engzat nge ka la neih" tiin.

GUIDE ME

TC Lalremsiama
GUIDE ME

Guide me in paths I do not know,
Lead me for light the way to show;
Let my plight be blameful to throw.

Leaf of life may be green,
But with grimy unclean;
Marring blossom of life,
His blood may wash so nice.

==>>  Feeling Why is This Happening to Me? — at Kan Khua.

Tomorrow never Comes... :

Bma Hlawndo

Tomorrow never Comes... :

N - Nun hlu nun thar zawh tan turin,

A - A dik a tha zawm ve tumin;

K - Kiansan bansan zai rel turin,

T - Tunah tran mai a har tiin,

U - Um uai zai rel a awl ngei e.

K - Kum sul lo vei nunphung thar chu,

H - Hmatiangah dah a nuam zel a,

E - Ei-in insum zuk-hmuam chenin,

R - Ralpui phiarin phiar mah se la,

CH - Chhuanlam a siam 'NAKTUKAH LE',

H - Hun her zelin khua lo var a,

U - Um ang thu e siang lam rawnah.

A - A chhut vung vung a melh ngut ngut,

K - 'Khawnge naktuk?' hrui ang zawt e.

T- Thleng ta lo chuan khua var chauh va!

H - Hmatiang sawn tum Valbuanga chuan,

E - Engah nge maw naktuk a nghah?

I - I nghak thleng lo'ng, i hlawhtling lo'ng.

L - Luhlul chhuah suh TUNAH tran la,

E - Eng aiah nge i huphurh le?

U - Upat hunah lungchhir ang e..!!

KA CHO CHIANG E...

Zira Chhakchhuak Hualngo
KA CHO CHIANG E...

Sul hlui ka chhui, vaih khua a thui,
Sel bo sakhmel zun ngai ka riang;
Biahzai palai dawn bak an piang ,
A zun a hrang sul iang ka chhui.

Thleh nem dawhtling belh zai ka rel,
Hlimthla ka thlir, ran iang ka nel!

Dawnlai thuruk puangin ka pho,
Tlang rel leh sel huamin ka cho!

SAWMFANG HRINGDEL

Dawithiam Lalruanga

SAWMFANG HRINGDEL

Sawmfang hring del chamdiai karan,

A hawi vel val lunglen hneman,

Hmana nunhlui min ngaihtir e,

Sawmfang run kan belh lai nite.

Thlang kawrvai faisa ngai lo reng a,

Kumpui linglet thawh sa kan tlan,

Sappui nun zir kan liam san khan,

Heng hi nun hlui mai an chang ta.

MAHRIAK LUNGLEN

Jolie Libra Chhakchhuak
MAHRIAK LUNGLEN

Khiangawia an liam thin ang maiin,
A liam ta si kan hlimni te kha;
Hmanlai chang tura’n ka phal thei lo,
Mangtha kumtluangin tih ka zuam lo.

An nem biahthu min hlan lai khan e,
Ngur nun iang hringnun ka hmang vel a;
An sawi hlimthla ral thin ang ka nun,
I dawn ve lo em ni nunhlui kha.

Hlimni ngaiin chhunni ka chhiar a,
Chhawl ang ka uai lung a leng emai;
Hnemtu awm lo, D ngai ka tah hi,
Engtin awm ang zel ang che maw aw D.

Mahriak lunglen tuar zawng a har ngei,
Dawn lungrukah i cham reng mai D.

PARMAWI RIANGVAI

Marina Tluangpuii Michimawm
PARMAWI RIANGVAI

April 3, 2013 at 6:25am

A lo vul ve kan run hliap ah,
Ka han thlir a zin ni nem ah,
daifim far leh hnahnem te nen.
Khawilam parfung chawi nge ni che a,
Mahriak a i lo vul mai le?

Vahkhuai lo leng i par lawm in,
Chhaktiang chhawkhlei vul vanglai leh,
Tuk loh ramdai senhri ai paw'n,
I duai bil lo parmawi riangvaite,
Sang thingler a nauban ai pawhin.

I lo vul ve kei mi iang in,
Vul lai relpui ka tawng bik nem,
Mahriak kan ni hring leiah hian,
Uai zai mi rel san bik lo la.
Vul dun ang aw ka parmawi riangvaite

I CHHIR NGEI ANG.

Abrahama Aba

I CHHIR NGEI ANG.

Lêmang min der ta

maw?

Liam zai i rêl ta maw?

Lunglai i her mai maw?

Lungchhir i tum lo maw?

Biahthu i hlan si maw?

Min dâwnlo hian i liam maw?

Tah zai i rêl law'ng

maw?

Hlim te'n i nui ang maw?

Sulhnu i chhui law'ng maw?

Ka iang duattu i tawng ang maw?

Vaih ni i tawng law'ng maw?

Duat te'n an chawi ang che maw?

Tiamthu nghilh ka

tiam lo,

Der nân rinawm ka

tiam lo.

Lêngdang chhai ka rêl lo,

Min tiam ka ringlo ngai lo.

Chân che ka zuam

ngai lo,

Lâk let theih ka hlân lo.

Mahse i hlân val dang,

Min hlan bâng silo hian.

Lêngdang hlan i bâng chuang lo,

Zawng la zawng zel rawh.

I tawnni a her law'nge,

Min iang zo hmangaihna.

Dâwn la dâwn ve teh,

Nang vang fam ka chan ni chuan.

Luaithli i nûl law'ng

maw?

Lo hawi la sâwt silo hian.

Zawngin au thin mah la,

Kir zai rëllo rauthlâ

pialralah.

ZAWNNA

Sangtea Renthlei da Hector

ZAWNNA

Ka ngai a;

Ka zawng a,

Ka hmu silo.

Ka zai a;

Ka au a,

Ka hre silo.

Ka vai a;

Ka tap a,

Ka nghilh silo.

-sangtea signature@30.7.2013

PHU LOH THA LENG

R Lalchanchinmawia Kll

PHU LOH THA LENG

Ka ngaingam lo hlimlai parang a chul mai tur.

Parmawi kungpui ka tana vul ve tur kha.

An thliak leh ta si maw tha lengdangte'n.

Tuar zovin ka mawilo a na ka ti vawng vawng.

kha chen a thiangte'n biahthu hlan dunin.

Cho loh tha leng helin a tanglai ka lo bel.

Ka lo ni e a felna hleihluak taka chhimzui tum mai.

Ka lo zuam sual ngei e phu loh thadang mi u.

Kir leh tawh lo tura mual liam tawh hnu.

Nghilh daih tlak nghilh theih rual ni si lo.

Engah kher nge khuanu paw'n a lo duan a.

Engah kher nge darang ka lo tawn le.

Luahloh ngaia hringnun hmang tur leh.

Hmangaihtu tawng lo tur reng hianin e.

Khuanu'n min duang bikin ka ring si lo.

Ka hai zawk a niang e phu tawk thaleng.

Hunawl hnawhkhah nan thil ni thei âwmang ka'n thaikawi mai mai a nih hi. Kei erawh zawng, he thilah hi chuan ka fihlim e.

A PAMHMAI LUA E

R Lalchanchinmawia Kll
A PAMHMAI LUA E

Zamual liam tawh hnu kha ngaiin ka au.
Ka tan thliah hnu chhawl anga chul tawh hnu.
Thinlaiah a thar leh e mahriak awmhar niin.
Tlei zai ka rel love chawilai nau nuar iangin.

Ngai ve che maw kawpte'n di tuah rel dun a.
A thiangte'n hmangaihna parzu kan tlan lai kha.
Nang nen hlimte'n lendun leh nuam thin mah i.
Lengdang tawnah chuaiin i uai zo tawh si.

Tuar thiam a har ngei e aw, rairah ka chan.
Awmhar tinkim dawna zual chuangin lairil a fan.
Tuan zai rel lova dawhrem laikhum belin.
Sulhnu hlimthla tinkim ka chhui suangtuahnain.

A lèm chuang love nichhun leh zantlai lunglen.
Nghilh har chimloh mi u, aw, ka ngai em che.
Tiam thu lungchimte'n kan hlan zawng kha.
A pam lua e a thlawna thamral mai tura'n.

PUK RUNCHHUNG ATA A HLET- TU

Sangtea Renthlei da Hector

PUK RUNCHHUNG ATA A HLET- TU

TAN NGE?

(Inthlan a hnai si a, kan ti ve leh lawk mai ang e)

#Saipui kal kan au ding zolo; puk

runchhung pan e,

Chhungril a thim a chhah zel si

kan chhermei a vai e;

Tunah chhamlo mah i rei kan

daihlo ngei ang tu-fa tan,

Luh zai kan rel zel si a maw! kan

hlatta puk khartung.

#Vanglai hmang leh nunau

zawngte'n phangin kan tam e,

Lazara kan iang zo e chhang them

chhara inchuhin;

Min hruai tura kan duh leh kan

zawm che in nih vang zawkin,

Sel mah che; thinlungah erawh

beiseina kan chhi si.

#Aigupta ata sal tang chhuak kan

iang zo hruaitu Mosia,

A rin chhuanloa A mite chhawlhal

dawm sak mahse;

Thlaler tuallai fanga kum sawmli

zet vaih tira awmin,

Tiang zelin A ramtiam Kanan a

thlen tir tak loh kha.

#Tubik kan sawi ne'maw! aw in

zavai mai khan,

Dika hrilin zawng u la puk

runthim ata a hlet chu;

An dap thin tawn pang zawk

lungmawl leh a theilo zawkte'n,

Inchhuihin an hliamna leh thin a

hlet thlen hmain.

#Ti rawh, au la; pen rawh! 'Khaw

nge a hlet chu?' tiin,

Pan la; khawi hmun pawh puk

chhungril kan thlen hma ngei

hian;

Kan zawm ang che; kan pan ang

'TU TAN NGE?' ti a au rualin,

Tudang ni lo, 'Nang, ani leh keia

tu leh fate tan' tiin.

-sangtea signature@10.4.2013

Pawnah ka chhuak a,

Chhana Lima Charlie
Pawnah ka chhuak a,
Thla khi a lo éng ringawt a!
Ka en ngam lo va,
In chhungah ka lut ringawt a!

LÚNGRUN!

Amah Chemtat-rawta Zofa
LÚNGRUN!

Awih, ka tlun mi luah lúngrun,
Mi hnèm rün ah ka chünnu'n;
Mi zèm táng ah mi bàn lúngrun,
Sak lái báng rawh' mi lo ti chünnu'n;
Rèl har ka ti i ngaih lúngrun,
Khuárei nï rei' mi tiam chünnu'n!

Hraite-a...

K Rohmingliana Valpuia
Hraite-a...

Turnipui chhingkhual a her liam a,
Hrai tin ngîrin siang an lawi a,
Losul iang lelthang an hâwng a,
zaleng vangkhua a thim zo ta.

Tirawh hraite, i haw tawh ang.
Zan thim Lal lai pâr tlan lovin,
kan run khawhar hnêm zawk ila.
I chún rauthla kan tawng mahna!

Chûnnu tel lo riahrun a ruak an ti maw,
I lo hmu em lungrun, kan hrai riangtê hi?
Zuapa tang belin chûnnu a au asin!
I lainat ve lo vem ni?

Thinlai a hlim,

Zara Ralte

Thinlai a hlim,
Zaleng an par,
'pawl 'tual'n an tlim,
Remsiam a thar,
Ziahfung chawi lai.
Ka thang khiu em em e.

I CHENNA TLANG RENG A SANG SI.

Khiangte LR Lra
I CHENNA TLANG RENG A SANG SI.

I chenna,
Tlang reng a sang si,
Zo khaw nuam hi,
Kan ram nuam a ni.

Thing leh mau leh nauban,
Par mawi tinrengte vulna,
Ri mawi ram hi,
Zoram nuam chu a lo ni.

A sang zel ang,
A vul zel dawn si,
I thiamnate a sang zel anga,
Rual khumin i la vul ngei ang.

Sang zualin vul zel la,
Mite hnuaia kun reng hi,
A rem tawh lo i chenna,
Tlang reng a sang si.

LUNGLAWM A KIM ANG

Carey Por Favor Sailo
LUNGLAWM A KIM ANG

Zan tam dar ri tawh mahse
I zun ngaih dar a pel thei silo.
Chung siar zawng ten hilh zai rel mahse.
Keizawng chhin zai ka rel ngam silo.

Nang ngaih retheihna ni ta se.
Sum pai reng ka nei lovang
Nang ngaih hausakna ni ta se.
Kei aia rohlu dang nei an awm chuang lovang.

I hmui sen thlum a tui vawng vawng.
Nang ngaih tizualtu heh mawi chu
I pangtilum ka ngai vawng vawng.
Nang ka hmangaihna bulpui chu.

Theihse kei nilovin nang ka duati kha.
Murva ianga thlawkin ka zalna siran
Tuanin belh zai rawn rel ta la
Tahzawng lungmawla lunglawm a kim ang.

LENGLERH NANG VANG.

Vltochhawng Vena

LENGLERH NANG VANG.

Hmangaih vanduai ka hriat lawk loh

Anka thlum ber mi chhiah tak kha;

Paul-a thu chhuak ianga ka rin,

Milem sawrkar ianga ka beidawn pui.

Der zawng neitu derthiam Lengi

Anpai valtin pakthiam chunglur i ni;

Mangtin tha in ka zal mawlh ang

A far fo ang luathli nang vang.

KUTIN HAN FANG TEH LA

Vanlalchami Chami
KUTIN HAN FANG TEH LA

I
Khawvêl hian kan tân vulna,
Hun reilotê min dahsak hi;
Hmangaihna awmna khawvêl,
Hmangaihna thihna khawvêl.

II
Hmangaihna thi thei awm lai a,
Hmangaihna nung neih lai hian;
Ka mittui chu i hmuiin fâwp hul la,
Ka khawvêl chu i kutin han fang teh la!

(Style dang deuhin aw)

Neih tawk bakin lawina run kan puah,

Elti Muana
(A lang teh tlat a)

Neih tawk bakin lawina run kan puah,
Lawi ve mi dil ngai lo.

Tui tin dapin kan intuituah,
Ei ve mi dil ngai lo.

Cho phak tawkin thuam mawi kan bel,
Bel ve mi dil ngai lo.

Lawmna zawngin hlimna kan pan,
Tel ve mi dil ngai lo.

Chu'ng zawng, engah duha mi dil ang ni?
Hril tak zawng leh a bak pawh khi Ama mi pek!

Itna leh awhnaa khat, pek sa changa lungawi zo lo he thinlung hi,
Tunah hian mi dil thung a,

Thiltiha rulh let zawng phut lo mah se,
A ni, A tana nun hman hi A laka kan bat.

Lenlai ni kha....

L Vanchiau Thanga

Lenlai ni kha....

A mual leh hmun a dang nem le,

Mahten ka fang awmhar chhun ni lenkawl hnuaiah,

Rairah a riang lungmawl tuarah a na lua e, 

hnem tu ngaiin tahlai ka bang silo.

Khawnge i tuan tak le Ngaihzual,

Tu vangkhawpui tualah nge lawi ang i tuan,

Pawmlai thadang ah bei tawh mah la e, 

Kei ariang lungmawl tah khua erawh a sei vawng vawng.

Dawn tam lungvai mahten ka hawi vel a, 

Di kan tuanna mual mah hlei ten a dang nem le, 

Chhingmit vai e, khua reng ka hawi ngam lo,

Hnem tu ngai hian aw hlimlai ka ngai vawng vawng.

DI TLEITIRI.

Abrahama Aba

DI TLEITIRI.

I sakhming rêng a mawi hluan e,

Di tleitiri ka vuah nang che.

I hringtu chûnnu a hlim ngei ang,

A zârah keipawh ka hlim ve e.

I hlimthlâ ka han thlir a,

Chhingmit khar zai ka rêl phallo.

I pian a mawi chuang e,

I sakhmêl lah bâng lo.

I seihmawi ka tan

damna dawi,

I ankâ damdiai beng ti tlaitu.

Chan loh lêng a,n ka phallo che,

Ka hel nâng che di atân.

Duhaisam tleitir ka tân i mawi e,

I zunzâm a châm ka tânglaiah.

Chuti'n a zual chhûn nitin in,

Pârtin khûmtu mawina famkim.

Uailo la vul zel nang che,

Ka tân rûn in lalnu i chan thlengin.

KAN RAM

Khiangte LR Lra

KAN RAM 

Dak la, dak la, dak chhuak rawh,

Hawi la, hawi la, hawi vel teh;

En la, en la, en chiang rawh,

Kan rama ‘zofate nun’ dan reng hi !

Zawng la, zawng la, zawng zel la,

Hai la, hai la, hai chhuak ngei rawh;

Chhut la, chhut la, chhut chiang teh khai,

Kan rama ‘ram hruaitute’ hi !

Dawn la, dawn la, dawn chiang ve teh,

Zawt la, zawt la, zawt chhuak rawh;

Hria la, hria la hre chiang tak tak teh khai,

‘Kan ram dinhmun reng hi’ dawn ve thin em!

Hnem la, hnem la, hnem thin la,

Pui la, pui la, pui hram hram rawh;

Pe la, pe la, pe chhuak ve ngei ang che

Kan rama ‘chanhai leh riangvai te’ hi !

Hlim la, hlim la, hlim tak tak rawh,

Lawm la, lawm la, tudang ngai lovin;

Nui la, nui la, nui sen sen mai tawh rawh,

Kan ram-ah ‘hmangaihna’ a fawn vel e !

ZUN NGAI LENGHLUANPA...

Zira Chhakchhuak Hualngo

ZUN NGAI LENGHLUANPA...

Zuaiin ka nguai e Lenghluanpa,

Lengi run sang kai ve mah i;

Seih chiah ka tawng ngaihmelh bo si.

Leng reng rengin ka zal leh ta!

Tualvung ko thiam huiva changin,

Ka di tualvung auh ka nuam thin!

Zawl di tah ngaih si loh, ka riang,

Ka ngai chhai di bahsam sei hniang!

CHHINGMITTUI KA HRU ASIN

Sangtea Renthlei da Hector

CHHINGMITTUI KA HRU ASIN

# Ngirtling kiú ruai e; chhemchet

zárthinga'n,

Turnipui thìngtin dodai hnuaiâ'n;

Ka zãl chhingmittui hruin,

Hnem turin Tuklòh khãta hramin;

Tuk-thing chhawn thawm a mawi

Thlauh tuakte,

Khawilai ri tàng-thawm chénin.

# Khawi tuan maw; min hnem thintu

ka duat kha?

Engah khúarelin min han hnem ták?

Lúngril hnemá'n an mawi ne'maw?

Nang ngaih lùnglén min hnem ve

maw?

An chanah an lúngawi thei asin,

Chhingmittui ka hru asin.

# Hlimthlà mit-khapkár chang ta mai

hi!

Lúnglén lùngkuai an chang tate hi!

Nghilh thei hián ka mawi lullo,

Dáwn che maw; huamin ka zuam

lullo;

I ãnka thlum dàmdiai dàwn kirin,

Chhingmittui ka hru asin.

-sangtea signature@15.12.2012

FACE-BOOK SCHOOL

Khiangte LR Lra

FACE-BOOK SCHOOL

Ka nu'n, 'Mu tawh rawh' min ti,

'Keiin 'Ka mut a la chhuak lo' ka ti,

Tun ang zan rei tawh hnua-ah,

'Enge i tih reng thin ?' min ti leh,

Kei chuan, 'School ka kal' tiin ka chhang,

'Zan rei tak tawh hnuah khawi school mah an kal ngai lo' a ti,

'Face-book school-ah ka kal' ka ti a,

'Zan-ah an chawl ve ngai lo em ni ?' tiin min zawt leh a, 

'Chawlh a awm ve lo, kal peih chhung a ni mai' ka ti,

'A lo ni maw', keiin 'Aw ni e' ka ti a, 

Ka nu chuan, 'Engpawh ni se meng rei lutuk suh' min ti a,

'Ka nu, men rei hi a awl lutuk' ka ti,

'A ni maw' a ti leh a,

Kei chuan, 'Aw' ka ti sam leh et mai,

'Mu tawh rawh' a rawn ti leh ta,

'Aw' ti chungin ka mu meng kur mai !

Nghate rep mit chu nep te maw le!

Haaa...haaaa...haaaaa.....

Chul tura par kha,

Imanuel Cvl

Chul tura par kha,

Thliah turin a vula.

Khamloh tur a rim nen,

A liama lunglen nan reng.

Ngaiin au mah i lunglenin, 

Tangdang her nan hawilo par a thliak.

Kir rel hian ring bik su ainawni,

Lunglohtui dawn kha min liam san nan

SIAHTTHING ZAR HNUAI KHA

Ruata Da Little Dictator

SIAHTTHING ZAR HNUAI KHA

Siahthing zar hnuai kha..

Lenkawl lo hnimin, thlangtiangah

turnipui a lawi e, tin dar lo riin,

“Kan hmun ngaiah aw, duatte” tiin.

Duhmanga leh Dardini par tlan,

chuai thei ngai lo chu kan tlan duna.

Liandala “Tlailam hla” nen, zai kan sa.

Lasi te perhkhuang, buannel ram daia,

Pasalthate an lo awihna chu la chhuakin,

Kan rimawi kan ti famkim thin a nih kha.

Hlobet nemah chuan zalin, “Nang chauh,

Nang chauh, Ka chatuan I ni” tiin,

Angel te pawhin an tem chak, 

Hmangaihna chuan min chhungkhata,

I hmuiah vanram ka tema, tih zalenin 

ka awm. I aw, I nui hmel, I bahsam.

Hmangaihna par a vul chhung chu

Puan ang a chul dawn mawlh lo.

Siahthing zar hnuai kha…!

Khawvel tak hi chu aw!

Rinzuala Khawlhring

Khawvel tak hi chu aw!

Zalenna beiseiin thisen a luanga,

Min phuar tur dan thar zam leh a ni a;

Zalenna chu phuar beh a ni leh tho a,

Khawvel tak hi chu aw!

Dikna beiseiin rorelna kan dina,

Hlemhletnain rorelna a phuara;

Dikte diklohna hmun a ni leh si a,

Khawvel tak hi chu aw!

Intlukthlannan awrawl chhuahin kan aua,

Hausa te kan au tim zo chuang lo a;

Retheite chu dan chep an ni reng tho a,

Khawvel tak hi chu aw!

Muanna nei turin chakzawk awm a ngaia,

Chakzawk awm turin chenrang kan kaua;

Chenrang chuan muanna min lak sak leh si a,

Khawlvel hi chu aw!

Dam reng tura piang chhuak kan awm ngai lo a,

Mahni chuan thih pumpelh hram kan tuma;

Mi dang nunna erawh kan ngiat leh si a,

Khawvel tak hi chu aw!

Hmangaihna chu thang a nih hre mah ila,

Awh loh hlauin phur takin kan tawna;

Kan dai perin anchhia kan hlawh leh si a,

Khawlvel tak hi chu aw!

ZAN THLAMUANG

R Lalchanchinmawia Kll

ZAN THLAMUANG

Chhun khaw eng tian nan

kâwl hnîmin.

Zan hlimthla inlarchhuah nan thim a hnai.

Kawlkung nguia nunkhua pawh lo nguaiin.

Zankhaw hril thim inlarin a tuam ta e piallei.

Boruak thiang reh ruai aw, zan thlamuang.

Hring fate hahchawlhna tura khuanu lo duan.

A lo thleng ta e muangte'n zanmu chhin nan.

Thla zarin a lo lang ta e a hlimthla leh riruang.

Dangro dang hnawn thintu siktui thiangin.

Chhawlhal damten dawi ang a dawm iangin.

Rimtawng chau taksa leh rilru hahchawlh nan.

Hun tha leh duhawm a ni si i tan leh ka tan.

Mahse, khuarel dan rualkhai lo vang nge.

Vanduai aizar hringnun kentel hun tha lo.

Hahchawlhna huntha aiah phurrit tizualtu mai.

A ni ve fo si tisa leh rilrua hliampui tuar tan.

Khuanu malsawm changa hun tha i chan lai a.

Hliamloh rilru leh tisa him piala i awm lai hian.

Ngaihtuah fo la i chan bika i vanneihzia.

SEKIBUHCHHUAK

Sangtea Renthlei da Hector

SEKIBUHCHHUAK

(khawnge ka'n ti leh teh ang.. ha3..pa marema a reh em mai)

Pute sik sawi iang an rawn thle

bel bel e;

Bak iang chhun tawmbo zan thim

an rawn hrawm e,

Lut lawr kaw tin fanga helin;

Bah leng sam an chhem phir iar,

An duh an chei thaikawi an vawm

phiar;

Lenlai lengte'n haiin kan bel vel,

Tawn leng an hril leh siau

lungdum thu leng,

Nau chang chawi kan tlai leh liai;

Kan tan sekibuhchhuak a iang.

-sangtea signature@28.7.2013

IN AW PHEN CHU

Sangtea Renthlei da Hector

IN AW PHEN CHU

In thu leh hlã; sep-sél leh fak aw kã te; (11)

Chhantu nih leh fuih thu hlã, (7)

Din thar huâm thu tin in septe; (8)

Ram kal-siám dawnna thu hlã, (7)

Ka ngàithla; ka beng ka chhi e. (8)

Intàn záwng intan luát tuk kei ka ti e; (11)

Sel loté'n infah kur mawi, (7)

A chhan avang chu hei záwk le; (8)

Thá loa neih chang záwk làwi, (7)

A ni, dikna chu hâi khuhin. (8)

Chutin ti zãwk mai che lairil bat meuhin; (11)

Púr-chaw ngaia belh ngai loh, (7)

Thá mual a hlan chu kan ram hei; (8)

Dawngte'n than zãi relpui ngéi, (7)

Finna, thiamna hlãnfa ngei chu. (8)

-sangtea signature@20.8.2013

KA TAN KHUAREL.

Abrahama Aba

KA TAN KHUAREL.

Chan loh lêng hel a ka vaihna,

Khuarel emni ka tan tahna?

Luaithlî emni ka tân hringnun?

Hei hi maw ka tân min hlan?

Engan min pek loh

hlimna?

Ka cho loh emni nuihna?

Tah nân mai maw

hmangaihna?

Vanduaina ka tân

phu tâwk mai maw?

Nau ang an nui ka lenrual duhte,

Hlimlai an chen an

chhailai di vuanin.

Hnutiang chhawn in pheilai an vâwr,

Rinawm thu tin an hlan an vawng.

Khuarei an nghak lendun nân,

An sût lo lêngdang an chhailo.

An hlaulo dorâl leh

buaina,

An tân kâwl êng hlim te'n an nghak.

Kei chu e vaih nân

biahthu min hlân,

Rinawm min tiam

annêm tein.

Liamlo turin thu tin min fah,

Tâng dang kawp lova'n min ti.

Ngen nân luaithlî min hlân,

Mahse a tiam thu dawt lêng.

Ka dang zo lo mual a liam tur chu,

A bêl ta a tha val dang tângnêm.

Khuarel a rawng lua emni?

Tumtawk ka her sual vâng nge?

Ka neih sum tlem luat vang zawk?

Min tiam laia a tiam thute,

Fam a chantir maw tah nân,

Kumsul tam her mahse,

A thar nunhlui liam,

hnu tiin.

Ngaihlai ka bâng dâwn silo.

TUAITIR LENG

Abrahama Aba

TUAITIR LENG

Tuaitir lêng zûn pâr,

Sumtual mawitu

biangno-i.

Zûn ngah dawi ang min dawmtu,

Chûn chawi a sei lian rûn mawitu.

Pârtinte khûmtu leh lalnu,

Iang zo tawnglo in i lêng e.

Theih se sumtual kai ka nuam e,

Kâr mah hla se lalngo.

Khartung nêm te'n min hawn ve la,

Ka lawi nange vala hi.

Zânkhua rei ka dâwn law'nge,

Tlai mah var ka zuam dâwn si.

Chhawnna ankâ a mawi ngei e,

Biahnêm min hlan a hlû lua e.

Hnâwl thei hian ka mawi lullo,

Ka tân duhaisam lêng mawi.

Ka thlah law'ng che liam tur a'n,

Ka pawm nang che

tuaitirte.

Vul la vul mawi zel la,

Chuailopar iang vul zel la.

Pâr la pâr zel la,

Ka tân rose pâr iang pâr zel la.

Lawi la kan rûn riangte belin,

Chang mai teh la ka tân kumtluang thai.

I TANA KA THU CHAH

Rinzuala Khawlhring
I TANA KA THU CHAH

Sum leh paiin bul tan tum suh la,
Malsawmtu Pathian nen zawk tan tum zawk ang che.

Pawisain hmangaihna lei suh la,
Thinlung rinawmna zawkin neih tum ang che.

Mihringah innghat tum ngai suh la,
Engkimtitheia rinchhan tum zawk ang che.

Mihring finna chauh chawi sang suh la,
Amah avanga fing nih tum zawk ang che.

Pawnlam hmelthatna chauh lawm suh la,
Chhungril nungchang mawina thlan tum zawk ang che.

Mi lian te hmaah thingthi suh la,
Chungngung bera hmaah chauh kun zawk ang che.

PA MAREM, MI KAI TA LA

Sangtea Renthlei da Hector

(Ka mi ngaihsan em em, TC Lalremsiama(Pa Marema) tan ka hlan e)

PA MAREM, MI KAI TA LA

(Acrostic)

P-Pangte'n thu hla thiam ve tãwk ka hlap-P

A-Am thu a zawnga mawilo mah ni khà-A

M-Mawite'n chei alo ni thin chúng ka vawm-M

A-Awi maw! zuángin a mawi lullo ka thu hla-A

R-Riângte'n daifem a fang thin hian ka ring ber-R

E-Engah rilin mawi mah suh beisei dét ka pe-E

M-Mailo e chu zawng; ka puãl Khuanú'n a dàwm-M

M-Mawia thu tha chawr tinreng chharin min pawm-M

I-Iang zo awmlo làiril thutin mi fah hi-I

K-Kei ka iang zo e; chûnnu'n chawia a hrai pùak-K

A-Amah lai ka chhuan Pa Marema iang ka zuapa-A

I-Ih e; thutin min fah ka cháwi senglo iang e puanpui-I

T-Thiamah lah tu'n rualin ka ringlo hrila min fah duát-T

A-A mawi phu loh thutin mi fah zawng kha-A

L-Lung site'n lam thai ka nuãm asin zuiin heng muâl-L

A-Au a sakhming koh ka nghilh tawh lo'ng amah Pa Marema-A

20.8.2013

**LAM ANG LETLEH NI CHUAN**

Rampianga Bualteng Lai

**LAM ANG LETLEH NI CHUAN**

.

1. Mahte'n lunglênni chhiarin,

Riakmaw va iangin,

In vangkhua hrût vêlin,

Run tinah kai lai rêlin,

Khaw'nge ka di run tiin,

Annêm reng tawng lo e.

.

"Lâm ang letleh hun chuan,

Zawng zel la kan run,

Rinawmin lo nghak zel nang che" ti a,

Tiamthu zawngte kha..

.

2. Mahse, lâm ang letleh ni chuan,

Sakhmel tawng loin,

Annêm tawng loin,

Lunglênni chhiarin,

Thlafam tumkawng zawhin,

Tuan zai a rel ta an ti e.

.

3. Rauthla tawn ringin,

Sulhnu chhui kirin,

Tlâng tin hrut zelin,

Tawnni reng her loin,

Lunglenni chhiarin,

Di tuanna thlafam khua lawi ve zai a rel ta e..

LUNGLENNA :-

Awpa Msv

LUNGLENNA :-

Lunglenna,

Mahriak awmhar ti zualtu,

Sulhnu nunhlui

Mitthla nen min fan tir e,

Ngaihlaini te kha

Min dawn tir vawng vawng..

Hrilhthiam har

Sawi fiah rual loh i ni e,

Hringmi lairil

Run iangin i luah reng si,

I awmzia reng hi

Ava thûk ngai em!!..

Mittui leh hlimna kàrah

Nun hi min lentir a..

Hun liam tawh hnu hriatrengnaah

Min hruai kir thin

Mak ka ti che..

A tu'n hrilhfiah zo bik che maw.Aw... Lunglenna

HMANG THIAM RAWH

Vanlalchami Chami

HMANG THIAM RAWH

Hmangaihna hian mifing a timâwl a,

Mimâwl a tifing bawk.

Lungngai ṭhin a tilâwm a,

Hlim ṭhin a tilungngai.

Mi huaisen a tidâwih a,

Dâwihzep a tihuaisen.

Dam lo tân damna,

Dam tân dam lohna thlen thei.

Ṭapte tân nuihna,

Nui tân ṭahna.

Hêng zawng zawng hi hmangaihna,

Hmang thiam rawh le.

(Nichin ami kha post that ani. Ka fimkhur loh vang ani.)

NGHILH I HAR DAWN MANG E

R Lalchanchinmawia Kll

NGHILH I HAR DAWN MANG E

A vul leh tawh law'ng hmana kan nun zawngte.

Tuaia duahthar lehin kan mawi tawh hek lo.

Hlimni chu liamin khuarei chang tawh mahse.

Hriatrengna thinlung erawh a liam ve thei si lo.

Nghilh i har dawn mang e dawn lungrukah.

Hun leh ni her zelah nun danglam zel mahse.

Darang chhaia kan tuanna tlang leh mual zawngte.

Danglam ve lova ngaiten vul zai rel leh thinin.

A tho leh thin e lunghlui thinlai mu tawh hnu.

Nghilh i har dawn mang e dawn lungrukah.

Awmhar niin ka chuana tlang leh mualtin.

Vangkhaw lai kan lenna tual hrut velin.

Ka han thlira tuaitir duahthar lungtin rualza.

Min hriatchhuah tir leh thin e lung kan ruallai.

Nghilh i har dawn mang e dawn lungrukah.

Nuam mah ila lungrualtea runhmun lendun.

Lamang let leh hianin i mawi tawh si lo.

Zamualpui chu liam mah la dan rual lohin.

Nghilhloh par i zunleng a cham reng si thinlaiah.

Nghilh i har dawn mang e dawn lungrùkah.

TUMAH KA CHO LO...

Zira Chhakchhuak Hualngo
TUMAH KA CHO LO...

Lawi ang than na'n zai ka zam lo,
Lenghluanpa, zun ngai ka zai e;
Tin, he'ng ka thu leh hla zawng te,
Riang, ka nun puanna an ni fo!

Sakruang saruaka piang chhuak khan,
Chham hla lo thlawn a zam 'di tan!

Zir fin thiam thil ka tan phak bak,
Rairah ka riang, ka chan nun ruak!

E- L -I -Z -A -B -E -T -H

Khiangte LR Lra

E- L -I -Z -A -B -E -T -H 

E -'Elizabeth' i sakhming reng hi a va mawi chung chuang em ve,

L -Lili par leh saron par mawinate hian a khum zo lo che a,

I -I mawina leh rimtuina leng velin hmun-tin, kil-tin a fan riaii riaii e,

Z -Zion fanu iangin i tlawntlai leh kimtlang a mawi zo si,

A -A hmu tawhtu che chuan hmun dang hawi zai a rel thei tawh lo, 

B -Babulon luikam atang paw'n i mawi zia hi an hrilh bang lo’ng,

E -'Elizabeth' hetiang renga mawi leh duhawm hian maw i lo pian le,

T -Thawnthu hlui leh thar ber ka chhiar zawh thei loh chu nang hi i ni,

H -Hmangaih nemrang puan chu min zawn ve mai dawn lawm ni.

KARHLA DI.

Abrahama Aba

KARHLA DI.

Nangnen karhla ah dî kan rêl,

Lunglên biahthu kan inhlân.

Ankâ lova palai darzâm,

Kan hril am te'n biahthu dî.

Kar mah hla se duhlai,

Tiin tudang kan ngailo.

Tawnnî her sê maw tiin,

Duhai kan sâm lungrûk ah.

Sakhmêl aiah palai cell phone,

Rimawi ka tân an chang.

I nuiri leh ankâ nêm,

A châm bânglo lairil ah.

Darang tawn ni kan tiam,

Sakruang buan ang pawm ve in.

Chuti'n hun her zelah,

Rûnhmun lêng dun ve in.

Fanau maltluan kârah,

Seih par kan tlan dâwn si.

Mahse hun a lo danglam,

Lenna tlâng dang a tawklo nge?

I thinlung lam kâr a hlat tâk le,

Hmanah lenna tlâng dang.

Tunah thinlung nen lam maw?

Au che ila a sâwt tawh silo.

Lenrual hmaah ka riang lua e,

Karhla di mah rian khua sei.

Lunglam karhlâ zawng a nâ,

Dawn tisei maw ka tân hian.

Hmanah chuan min di thin kha,

Tûnah i di val dang

karhlâ ami.

CHUAI LO CHULHNU

F Chawngthu Edyhedlatem Tsimehc

CHUAI LO CHULHNU

Hai ang a tar mawlh love.

Rualduh lung kan ruallai hlimthla.

Dan rual loh lunglen a thar ngei e.

Riangte'n ka han thlir a.

Rûnhmun rem rêl ve tak ang maw?

Hmanah lungruala in di te.

Chhaileng hawla kan tuan ni zawng te.

Chulhnu mah chang se.

Lungrukah chuai ni reng an nei lo'ng e

Hringnun thim lam

Rinzuala Khawlhring

Hringnun thim lam

Ropuina lamtluang zawhin,

Chak takin tlan thin mah la;

Chu hringnun lamthluang chuanin,

Tlanmual a chhun tho si a.

Hmangaihna par chu tlanin,

A zu thlum tak pawh dawt la;

Chu lawmna puarpaw leng chuan,

Mittui a ngiat tho si a.

Vanglai hi nuam ti takin,

Hlimna nen hmang ral mah la;

Chu hun tawi a ral hun chuan,

Tarin min hmuak tho si a.

Thian tha tak tak te siamin,

Hun hlimawm tak hmang mah la;

Thenna chuan lo hmuak chein,

Khawhar a thlen tho si a.

Chhungkhaw ropui tak neiin,

Vanram tlafual chen mah la;

Lungduh te an liam niin,

Tahna a thlen tho si a.

I HLU KA TAN I HLU E.

Khiangte LR Lra

I HLU KA TAN I HLU E.

Internet hi enge maw a nih chuan le,

Face-book hian a nei lo awmzia reng a nei lo,

Group hrang hrangte hian min ti hlim si lo,

Mobile hian hlutna a nei si lo va i tel lo chuan,

Ka chang thin i On-line,

Ka thlir fo thin i Profile-Picture,

I in-box ka chang reng thina ni-tin mai hian,

Ka nghak reng thin che zan reh tak thleng pawhin,

Ka dawng nawlh thin i SMS,

Min ti phur em em i thu ka ziak ka chhiar hian,

I thlalak hi ka en ning thei ngai lo va,

E-mail-a i thu mi’ lo thawn te hi a hlu ka tan,

I ring-tone ka hriatin awm ngaihna reng ka hre lo,

Ka la vat thin, i number ngei a ni tih ka hre si,

Ka lawm thin i anka nem ka hriatin,

Ka nui thin a chhan chu min hmangaih tih ka hria a,

I tello chuan engkim mai hi a ho vel vek a, 

Engmah lo mai mai lo zuk ni reng a !

Chuvang chuan i hlu ka tan i hlu e.

AW…AW…AW…NI E…NI E…NI E…

Khiangte LR Lra
AW…AW…AW…NI E…NI E…NI E…

“Aw… Aw…. Aw …Ni e…. Ni e….” ti a,
Biahthu di min hlan zana kan hlim zia te kha aw….
Nghilh thei mai bik hian ka ring lo che a sin ‘Fenfual’
Ho-te a, ti-mai a samang min then leh mai si chuan!
Kei zawng lungdi ngai reng reng hian ka dam zo law’ng,
Ka lei lawmna par mawi ber a tliah tawh si chuan,
Awmzia reng a nei dawn nem maw nun hian,
Kei chu lungzur reng reng hianin maw,
Famkhua ka lawi thei hial mai awm e,
Ka bel leh tang e kan run thim riaii hi,
Mahriak te’n Laitual len hi ka zuam lul lo ve,

NUNHLUI ZUNLENG

R Lalchanchinmawia Kll

NUNHLUI ZUNLENG

Ka hril thiam lo ka dawn lungruk reng hi.

An hril khawtlang lunglen rau ka chang em ni.

Liam hnu nunhlui zunleng ngaih a tho leh e.

Thlang tlaitla tur lenkawl engno ruai hnuaiah.

Rualhlui hlimlai kawlkung zamual liamin.

Ngaiin ka au nunhlui zamual liam hnu.

Kir zai relloten hnutiang chhawna liam zelin.

Thamralin a chang zo ta e hunhlui tuanthu.

Khuathalah thingtin hnah nem chawrno duatin.

Parfung chawiin an vul leh thin parmawi kung.

Rualkim parang kan vul lai hunhlui erawh.

A zamral zo ta e vul leh zai reng rel lovin.

Tinkim dawnin ngaih an na e lenrual hlui.

Hlimtea kan lenlai hun leh kum zawng kha.

Ka nuam thin mang e, aw auh ruai ruai mai.

Thinlung ramah tal vul leh zai a rel mahna.

KA LAM TANG.

Abrahama Aba

KA LAM TANG.

Hringnun ka tân ninawm mai,

Min bawm e natna ten.

Ka tân puitu an awm lawmni?

Ka au ruai ruai a,

Ka thinlung vakvai

chuan,

Khawilam nge a zawh dâwn le?

Lam tang an awm dah law maw?

Lainattu ka tawng mial lo maw?

Tiin lam tang ka zawng mek a,

A reh ruai ruai hmuntin,

Chhingmit a vai lunglam ka vai.

Luaithlî ka nûl ka bang theilo.

Min tlansan hlimna ten,

An bopil nuihna te,

Ka tan doral an chang,

Lungngaihna pawh ka tan hmelma,

Vaihna zûn phuar in ka awm,

An awmlo lam tang ka tan.

Engchen nge ka vaih dawn le?

Vaih nân a tawk lâwmni ka tawn tawh kha?

A tlêm lua emni ka tân hmêlma?

An hrâng lua e chhimthlî iang in.

Min hnâwl ta tahna ruam ah,

Lam tang reng ka tan an awmlo.

TLAIKHUA LO NGUI

Tea Renthlei Tianghawl

TLAIKHUA LO NGUI

Tlaikhua lo ngui,

Lo sul an haw;

Suihlunglen lo haw e,

Ka tang bel turin.

Pawm har ka ti,

Pawm lo phal si lo hian;

Ka kuah mai nang-

Lungleng turin.

A vul leh mah na,

Kan nun chul hnu;

Lenkawl eng ri riai,

Kathlir liama'n sawn.

HEI HI ANI...

Jh Malsawmdawngliana Vala Mizo

HEI HI ANI...

HRINGNUN CHU

Tui mal farin lui lian a siam a,

Mei sî in meipui a siam a,

Trawngkam khatin thih leh dam a hril a,

Nun vawikhat a pelh tawh chuan damchhung a hril thrin.

Pén khatin pén sang a hril a,

Cheng khatin sang tam a hring a,

Vawikhat hlimna hian chatuan a daih a,

Hnute tui far khat hian nun pum a hril tawh thrin.

Mittui far khat chauhvin damchhûng a nghawng a,

Vawikhat hlawhtlin hian tu chhuan thleng a hâwl a,

Khawfîng chat hian nilêng a huam a,

Hawrawp fang khat hian thu tam a pâi fo thrin.

Nun bul tan that hi hmahruaitu khawnvar ani a,

Hmasa ber hi kawng engkima rahka bul ani a,

Lui hnar fîmin lui pum a fan a,

A hmasa ber zel hi a pawimawh thrin.

Hei hi ani hringnun chu

Hei hi ani kawng dik chu

Hei ngei hi lo ni nun kawng chu.

{{aaab,ccc}}- 15.08.'13

KA IANG EM NI...?

Zira Chhakchhuak Hualngo
KA IANG EM NI...?

Nunhlui hlui lo nguite'n ka chhui,
Chhai lai vaiin vanglai ka hmang;
Nun runtu hun hmelma a hrang,
Nguaia zuai ruai sul ang mi zui.

Ka hringnun dinhmun a hlinghmun,
Thliah loh lawhlei leng zun a pun.

Chung lum turni ka iang em ni,
Kum sul sal tam ka mal len hi?!

I sms!!!

K Rohmingliana Valpuia
I sms!!!

Nun thlaler ram nguiin a lo chau va,
Nun thlifim ngaiin rairah ka thám leh thin.
Chhun khawhar lunglen mah ten ka ti a,
Aw hmangaih lalnunnem ka ngai ber che!

Kawrnu iangin lo zai leh la lungrun!
I ãnka ngaihnobei ka tan i ti leh dawn lo'm ni?
I hlim nui thâwmin min awì leh la Lal-dy!
Kan thliah saron pár iang lo vul leh rawh maw!

Riang min ti e, zárthing bêl lelthang te'n,
Khua thral leh lunglen an tan a ni lo bik em ni?
I lénna lénkáwl zawng a thiang asin!
Ka nun khuavel chúl tur hi dáwn ve rawh maw!

Aw lo lêng la, i aw mi hriattir rawh;
I tlang thlianghlimah chuan natna a awm si lo va,
I hmangaihna lal tiangin mi thlamuan leh la,
I sms rawn lén tir rawh maw ka lung dam nan!

CHOUI BENG!

Elti Muana

(Thawh thut rau changchawiin aw...) 

CHOUI BENG!

Zanlenna ni eng lawmin tual an chai e,

Kalrem rimawi nen maw an awih le?

Kalsiam Zofa bungdawntuai rual phei chheh a zang mang e,

Zalenna puanzar zahna chibai an buk e.

Thuahriat hnuaia zal 66 Rifle khan engtin ngai maw?

Thiamsang run bel Zofa bungdawntuai rual saw.

Ka ngai mang e, hreng chhunga zalenna par zu ka dawn hma,

Ka ta hi ka neih lai hun hlu kha.

KA NGAIZUAL THIN

K Rohmingliana Valpuia

KA NGAIZUAL THIN

Leilungin riahrun a rem a,

Lei fate ar ang kan vaih a,

Tlai zún leng a lo zâm hian,

Kan nunhlui ka ngai zual thin.

Nun chhingkhual a her liama,

Kan chatuan ka dawn chang a,

Ropuina ram ka thlir changhian,

Pialral ram ka ngai zual thin.

Nun riakmaw a lo vai a,

Zun ngai lelthang a lo kiu va.

Muanna thingthiang ka dawn chang hian,

Ka ngaihlai ka ngai zual thin.

Thlehnêm riang a lo vai a,

Laikhum lung a lo lén a,

Zan mu chhìn ka rel chang hian,

Tawnmang ram ka ngai zual thin.

DI HLUI.

Abrahama Aba

DI HLUI.

Hmânah kan tiam

biahthu di,

Min ngênin i tap ka

thlem che.

Chutin i hlîm nui ri ka hria,

I nui ri ah ka lo hlim ve fo.

Nau ang nui dunin hlim zai kan vâwr,

Nitin zantin palai biahthu kan in hlan.

Lung her loh min tiam lai khân e,

Ka ringlo che min der mai a'n.

'Angel iang zaidam leh nunnem,'

Tiin i sakhming ka ko.

Nang vang in ka hnâwl lanu lêng

I tân chauh tiin ka,

vawng rinawmna.

An nêm min hlân bânglo tein,

Ka biahthu hlan a tlêm tiin i nuar.

Ka hlân che dârkâr tin in,

Min sawm kha rinawm ah.

Min ngen kha i tân

chauh,

Ka hlân che kumtluang atân.

Tunah a dang i thinlai,

Rial ang a dai e a luang ral ta.

Khaw'nge i tiam thu di zawngte,

Bâng lova min lo hlan ve kha.

Ka zawng ruai ruai bâng lovin,

Fur hâwktui iang a luang ral ta.

I tân zawng di hlui mai ka lo ni,

Hnah hlui iang min

thlawn tir e.

Ka tân zawng a hlui mawlh love,

Hnah thar iang a lo

chawr.

Thingbuk iang a lo pung,

Di hlui changlo a thar thinlaiah

Thalai ni si:

Zrakhawlhring Thahminga
Thalai ni si:

Zing thawh bak thawhchhuah nei lo.
Balance ai a Battary ngah zawk ziah,
Thawhrimna ai a Thawmhnaw dah pawimawh;
Ruâlelna ai a rualawhna riru dah sang thin..

Naupan lai a nu leh pa te châwmhlawm,
Nupui neih hnu a nupui te châwmhlawm;
Upat hnu a fa te châwmhlawm,
Châwmhlawm a hringnun hmanral tum.

Modern lo ti a mi hmusit a,
Stylish lo ti a sawi sel chiam chiam tu te u;
In chung a pik e; retheih luat avangin,
In thlah ten chaw an la nghei ngei ang.

Kutdawh ngailo Pî leh Pû te'n,
Thawhrimna leh tawrhchhelna nen he ram ah;
Mahni, chhungkua leh ram an lo intodelh tir tawh sia !!!
Zam suh tûâi tir tang ta che, rual khum in lêng rawh khai …

I LIAM LUI TA.

Abrahama Aba

I LIAM LUI TA.

Hmânah hlimte'n ka sâm thin,

Hmêltha ka tân vul ve la.

Sênnau iang nui dûnin,

Rûnhmun lêng dûn ila.

Sakruang buan ang inpawm in,

Hlimlai chên dûn ang tiin.

I biahthu min hlan

zawngte kha,

A thâmral lo asin

lungrûk ah.

A châm reng thin bâng lovin,

Chutin a lo thar thinlai ah.

Zanmû chhîng lo mitthlâ a'n,

A ral theilo i hlim hmel.

Tha valdang tâng i belh ni khân,

Vangkhua zawng a ngui ruai asin.

Chhingmit len in ka han thlir vel a,

An awm lo thinlai

hnêmtu.

Luaithlî ka nûl ka tap ruai ruai,

ka tân hlimni kâwl a liam zo ta.

Kei zawng riang tur hian maw?

Hnutiang min chhawn ta emni?

Mi tawn a nau ang i nuih chângin,

Min dâwn velo nau ang ka tah hi.

I hai si lo nang vanga ka tawrh hi,

Chhûnni zânkhua a sei thin mang e.

I râwng lua e ka tâwn ah hian,

Hmangaih luat a ka tahna.

Min diriam maw a nâ asin,

I hlimlai kei ka tân

vanduai na.

Ka au che thinlai nâ in,

kir zai rêl lo lunglai i liam lui ta.

Lamang let leh ang maw?

Ka tawna'n vul leh ang maw?

Lunglai chhir ve ang maw?

Luaithlî nûl ve thin che maw?

Nang tello damlai ni hman chu maw,

Ka tan hringnun a ngui ruai e.