PARMAWI RIANGVAI

Marina Tluangpuii Michimawm
PARMAWI RIANGVAI

April 3, 2013 at 6:25am

A lo vul ve kan run hliap ah,
Ka han thlir a zin ni nem ah,
daifim far leh hnahnem te nen.
Khawilam parfung chawi nge ni che a,
Mahriak a i lo vul mai le?

Vahkhuai lo leng i par lawm in,
Chhaktiang chhawkhlei vul vanglai leh,
Tuk loh ramdai senhri ai paw'n,
I duai bil lo parmawi riangvaite,
Sang thingler a nauban ai pawhin.

I lo vul ve kei mi iang in,
Vul lai relpui ka tawng bik nem,
Mahriak kan ni hring leiah hian,
Uai zai mi rel san bik lo la.
Vul dun ang aw ka parmawi riangvaite