MAHRIAK LUNGLEN

Jolie Libra Chhakchhuak
MAHRIAK LUNGLEN

Khiangawia an liam thin ang maiin,
A liam ta si kan hlimni te kha;
Hmanlai chang tura’n ka phal thei lo,
Mangtha kumtluangin tih ka zuam lo.

An nem biahthu min hlan lai khan e,
Ngur nun iang hringnun ka hmang vel a;
An sawi hlimthla ral thin ang ka nun,
I dawn ve lo em ni nunhlui kha.

Hlimni ngaiin chhunni ka chhiar a,
Chhawl ang ka uai lung a leng emai;
Hnemtu awm lo, D ngai ka tah hi,
Engtin awm ang zel ang che maw aw D.

Mahriak lunglen tuar zawng a har ngei,
Dawn lungrukah i cham reng mai D.