NUNHLUI

Ngura Changsan‎MIZO POETRY
14 June at 01:07 ·
NUNHLUI
Dee, dee thlir teh hun mualpui khanthuam saw,
Vanrang chhum leh virthlileng iang rengin
Ka lunglawma cham rel si lo hianin,
Nang nena kan hlimni an liam zel saw.
I ui lawm ni dee, kan nun thamral tur ?
Nauang nuih ni dinthar zai rel ve la
Hmangaih par rim ka tan zamtir leh la
Hnutiang ngai hian luaithli ka nul lo tur!
Khawiah tak chuan tuan rel ta ang maw e
Hmana vawiin, tuna ka ngaih nunhlui ?
Min nghak maw e, hriatloh chhingkhual raman ?
Nuihiaua dar ang tawn leh ka nuam e;
An dawn ta mai em ni lungloh siktui
Suihlunglen leh ngaihkhua tisei rengan.