CHU HMUNAH CHUAN..

Abrahama Aba‎MIZO POETRY
18 June at 13:58 ·
CHU HMUNAH CHUAN..
Chhun leh zanin thinlaiah a cham reng fo,
Tah chuan ka Mittui a tla englai pawhin:
Chhuahsan duhin ni rei cham ka rel zawk a,
Hlima nun ka thlan lai tahna ka rochan:
Thil mawi ka hmuhte chu ka tan thliah loh par,
Chu hmunah chuan nitin zantin ka tap fo.
Chutah chuan ka thlan Ainawn a parvul a,
Chu hmun, khamkarahte chuan a par chiai e:
Ka thlir a, ka thlir nawn leh thin chhingmitin,
Lâkah ka tan a sang êm a ka zuam lo:
Mi thliah pârah a vul mai hlau chung siin,
Chu hmun, Hlîng zîngah chuan ka riang sei hluan e.
Par zawng zinga ka thlan par Ainawnpar chu,
Hling hmun pela ka zawn ramreh lentuah:
Rin loh khàmkâr mawia a lo vul tak si chu,
Engtin ka thliah dawn tih dawn nitin rengin:
Kir rel lo, A ngaihna reng hre bil lo chuan,
Chu hmunah chuan chhun len zan ka riang thlawn e.