KHAWNGE ZUNZAM

Ngura Changsan‎MIZO POETRY
12 June at 20:07 ·
KHAWNGE ZUNZAM
Kumsul tam liamta'an khawian nge maw
I zunleng hian zam zai a lo rel le?
Ka thinlai khartung a sawn ta maw
Min zem, chhuak leh thei hian ka mawi love.
Hmanah khan e tleitir, i mawi lem lo,
Tunah erawh i mawi, i chung lur lur;
A mak mang e, i sakhmel dang si lo,
Lo dawn thiam i hmana'n i vul tawh tur.
l sakhmelah thal par a lo vul a,
I chhungril mawina kha a chawitu lo ni
I sakhmelah dartui a lo luang a,
A luihnar chu ka chhingmit hi lo ni.
Hringfa mawina bulpui ber chu thinlung,
A mawina chhartu chu lengdang thinlung.