DAI ZEL RAWH..

Lc Liana Valtea
DAI ZEL RAWH..
I chung thangvan khi han thlir la,
Siamtu kutchhuak thilhlu tinte:
Mawi leh hlimna kengtute khi,
An ai zawngin i mawi chuang e:
Siamtu kutchhuak ropui ber chu,
Hringmi nang ngei kha i lo ni.
Nunchau nguia i awm chang a,
Hlau leh khura a kun laiin:
A thlir reng che Siamtu Lalpa'n,
Beidawn luat fam hial i nuam le:
I iang hringmi vanduai chhiar la,
Hringnun damlai kim chu i ni.
A awl nem lei hringnun zawh lai,
Hling leh suar chu ka ta a ni:
Hliama chauin ka tuihal a,
Puitu ngaia ka vaih laiin:
Thlaler ramro iang a reh fo,
Zam ila ka thleng lo'ng beisei.
Chau mahla zam lul suh ka thian,
Chunglam en la huai takin kal la:
Tawngtaiin a hnena thlen la,
Dai zel rawh Hling leh suar chu:
Chung hun i pelh niah chuanin e,
Hringnun nuamin i chen ve ang.