HLUTNA A VAWNG NUNNA

Machhani Jahau‎
HLUTNA A VAWNG NUNNA
Beiseina boin beidawnna a chak a,
Lungawina awm lo hlimna par a țil ta;
Rah chhan tha rah tur zawng te rah phak a bo,
Hma lam zawng leh hnung lam zawng pawh a thim zo.
Hunin hlutna tehfung a neih tak lohna,
Rimawi bengchhenna hringnun lamtluang hunna;
Hmangaihtu, laina an ralbanna ram dai,
Mal nun chhiara zirtu hringmi a mal chai.
Thlirtur dang awm lo beidawnna mai lo chu,
Hlutna erawh a vawng nung tlat 'Nunna' chu;
Nuna chuan a pe ta e, hun rangkachak,
Hringnun hnehna puanzar kengtel thinlungsak.
A chai ta e, muallaiah thangchhuah diar nen,
An hlan tawlhloh-puan pasaltha nopui nen.