TÛRNÎ LEH HRINGNUN

TC Lalremsiama
TÛRNÎ LEH HRINGNUN

Thlang lênkâwlah tûrnî a her luai luai,
Kei pawh rûn hliap zâr hnuaia'n ka ngui ruai;
Kan rûn ka nghâk e, Zofîr rûn ka nghâk,
Panlai, hmanlai dâwn rêng a lunglênthlâk.

Ngaih zawng an nâ ngei e vânglai ngaihzâwng,
Hmâna ka lenrual duh zawng pawh ka zawng;
Mahse ngaih bân rêl thei lo chauh ka tawng,
Nunhlui liam hnu lêt leh rêl lo ka vawng.

Dâwn ve teh, chung tûrnî a her liam saw,
Hringnun pamhmai hi dâwn chiang ve bawk rawh;
Kîr tiang rêl lo vânglai kal lai rêl pawh,
A la her liam zo vek dâwn a sin maw!

-Mârema @Ngaihlungdum Shots & Poetry Institute ® and feeling serious