KA NGAI MANG E

Abrahama Aba
KA NGAI MANG E

Hmâna lerual hlui ka ngai mang e,
A then zuapa an chang tawh e;
Fam hnu ngaih bâng chuanglo.
Kârhlâ a lêng lah tawnni awmlo,
Kei vallai nun tân an hla ta lua e;
Zuapa leh kârhlâ lung kan rual ta lo.

Tualchai leh lêngi rûn kai lai kha,
Hlimten nui hiau a kan lên za lai;
Au ila kir an rêl dâwn tawh silo.
Luaithlî vawitam sûr thin mahse,
Nunhlui dan rual an chang si lo;
Ngaia auh mai ka
thehtâwk chu.

Kumsûl vawitam her liamin,
Vanglainî zamual an liam zêl ang a;
Chhîngmit menglai an lo thim zo.
Nunhlui thawnthu kan la hril dâwn,
Chuti'n an ral kan damlai hun tha;
Chatuanin an kir leh dâwn silo