NANG NGAIH ZAWNG

TC Lalremsiama
Re-composed Poem :
NANG NGAIH ZAWNG

Vâl dang chhawm ve ka phal loh vângkhaw mawitu i ni,
Ka lam hawiin tûn chauh lo sêih leh ni la nang hi;
Dam têin hringnun ka pal liam mah nâ ka lo ti.

Lungmâwl lâwma’n i kut-ka nêm biahthu hlan,
“Âw le,” tih mai chauh pawh rem mai se ka tân.

Dâwn ve teh, an lo vul leh ang tuahpui leh vau te,
Tuahpui tel loin engti’n vau vul ang che maw e;
Ngai teh, tuahpui tel loa vau vul ka phal ne’m le.

Enga'n duh te’n lêng dûna kumtluang rûn lûm,
A rem loh le kan chul dun, âw, Ngaihlungdum?

Suihlunglên vaihna khua zawng,
A va han sei dâwn vawng vawng;
Tuar hreawm nuam nang ngaih zawng.

- Mârema @Ngaihlungdum Shots & Poetry Institute ® dedicated to himself and members of Mizo Poetry Group who are filled with emptiness to enliven bitter-sweet memories & feeling "I'll hold yesterday in my heart, in my heart" - #Yesterday sung by #Leona_Lewis