LENNA KARHLA

Abrahama Aba
LENNA KARHLA

Duhlai a'n ka thlan dî nuimawi,
Enga'n kârhlâ a'n i lo pian le?
Lunglên tuar tur reng hian e.
Sakhmêl tawn nân kâr a hlâ duhlai,
Dârang tawnnî a her thei silo;
Ka nghah nân hun tam a liam zêl si.

Mahte'n lunglên ka lo tuar,
Lairila ka vei an dâwn silo;
Nang ngai reng hian e ka di.
Chhûnnî zânkhua a liam tam ta,
Chuti'n ka nghâk bâng thei silo;
Awmhar chângin luaithlî ka nûl.

Min dâwn vela e ka enchimlohte,
Hun tam nghah ka zuam lullo;
Riang min chantir rei ta lua e.
Ka thai chan zai rêl tawh la,
Kârhlâ lunglen reng dâwn lovin;
Rûn hmun rêl a rem mai lo'm ni?