HEL LAI TLEITIR

Jimmy Vala Chhangte
HEL LAI TLEITIR
~Chungah Turni a hrang ang khian,
Hellai tleitir ka tawnah i hrang lua e,
Thliahloh Senhri par ka chan nang che,
Nang thawilo chhunni ka hman chhung zawng.

Awmkhawhar runah zal thinin,
Duhthu tin sam thin mah i la,
Nang i ni lunglai mi'n khamtu,
Hellai tleitir ka tawnah vul teh la.

Hellai tleitir i mawi chuang e,
Leng zingah i mawi chuang ngei,
Siar leh Chhawrthla an len dun chhung zawng,
Nang nen leng dun i la, nui hiau in.