Hmachhuana Hmar Zote
KHITMAT
Kumpui lengtin lawma'n a her,
Sik khua nuamin lunglai tihlim,
Hunpui kal chûn leh zuapa'n an er;
Zaiin chawi ve Zo dâi chawi thlifim.
Val tin lungruala tlaitla thlirin,
Ngirtling leh va tin hram hnuaiah;
Thliah rel Bethlehem par tleitirin,
Kar hla Di leh lunglen kan tuarah.
Di ngai lêng, zai bân tur renga'n,
Pawltlak rîm chawi hnah nêm tin;
Romei leh zing daifim mual mawia'n,
Fam ngâih nan zai chawi thler tin.
Awmhar lunglen leh sirva te zaina;
Râwl leh pang lengte'n 'Khitmat' tiin
An chawi bang bil lo Rem Lal pianna,
Tah zai an rel thuam leh thar ngiatin.
No comments:
Post a Comment