TAWNGTAINA

Jennifer Vetopi

TAWNGTAINA

Engah nge -

Khawngaihna nei lo i khawngaih a,

Lainatna nei lo i lainat a,

Zahna nei lo chunga zah i ngaih a,

Hriatthiamna nei lo i hriatthiam a,

Ânchhe lawhtu mal i sâwm a,

Ensantu i ensan loh a,

Ngilneihna tlachhamtu chunga ngil i neih a;

Hmusittu i en endawng loh a,

Mittui tihtlâktîirtu mittui i hrûksak a,

Hnuchhawntu hma i hruai a ,

Hmangaihna nei lo i hmangaih mai le?!

I kut leh kê, i taksa leh i in hi -

Khawngaih ngai khawngaih a,

Lainat ngai lainat a,

Tanpui ngai tanpui a ,

Chhawmdâwl ngai chhawmdâwl a;

Malsâwm ngai malsâwm a,

Hmangaih ngai hmangaihtu

Ni tûra min siam dâwn lo anih chuan,

Nang chê ang che.

Dik lo taka rorêltu chu,

Dik takin rorêlsak ang che.