KA DORAL

Abrahama Aba
KA DORAL

Tawnmang chang si lo maw?
Ka dai ngei tawng si e;
Rauthlalêng mai lah ni lo.
Hring chang sakruang lah niin,
Ka tawn ka tahpui rumin e;
Ka dorâl a lian a hrâng si e.

Inghahna ka bo ta em ni le?
Khuanu a ngawi rei lua;
Kum tam ka dîl ka rum.
A reh a ngui ruai ruai,
Hrethiam teh se lenrualte'n;
Sêlin diriam ka inring lo.

Hlîng zîngah tisa ka luang ral,
A far thisen lova luaithlî;
A khur sakruang lo thinlung.
A tamchhawl chaw lovin tlaina,
A chhâwlhal e tui lova hringnun;
Ka dorâl hrâng a lian lua e.