KA THINLUNG HI

Jennifer Vetopi
KA THINLUNG HI

I
Ka thinlung hi
A nuih lohin engtin nge kei hi ka nuih ang ni?
Ka harh miau loh chuan engtin ka thothâng a harh ang ni?
Eng nge ka ziah belh tawh chùan ang ni?
Phuahchawp dâwn ila ka phuah ve thiam em ni?
Ka kut-kâ pawh ‘ti hian a chau zo ta si!

II
A reina hi chhelna ni se ka chhel ve tawh tur a ni si a,
Mi chak leh huaisen mah indona mualah an tlu si,
Mi chak lo tân phei chuan hringnun hi a chak si a;
Kei hi chak lo nih châk lo mah ila ka chak lo a ni,
Ka thinlung hi!

III
'Awm' awm lohna hmunah ka awmin
‘Awm’ ka ngai hi awm ka ngai a,
Awm tam tak an awmna hmuna ka awm pawhin,
‘Awm zawng zawng’ chu a awm chuang bawk si lo a;
Awm awm lo mah se a khat vek tlat thung si,
Ka thinlung hi!