Hringnun hlimthlâ chu hnutchhiah
Hringnun hlimthlâ chu hnutchhiah a la ni ang a,
Kan zinkawng chu lei vaivutah a la luang ral ang,
Suangtuahna riangvai te chu a la boral ang a,
Tu suihlung nge ka lèn ve ang le!
Phul pangparin zing daifim a mikhual leh ang a,
Thlasik zinkawng te chu a la vul leh thin ang,
Nipui te chu favang nghakin a rum leh vawng vawng ang a,
Tu suihlung nge ka lèn ve ang le!
Zan khawhar hnem turin chhawrthlapui a lo eng ang a,
Chhai lai di chhaiin vala'n lamtluang a la chhui leh thin ang,
Lengi lunglawm nui ri a ri leh vawl vawl ang a,
Tu suihlung nge ka lèn ve ang le!
No comments:
Post a Comment