Fatir rehhlum ka zûam

Chungnunga Siakeng
Fatir rehhlum ka zûam
-----

'I lênna tual chu piallei thuah riat kar,
Hringmi tling lo thlarau sual châina tual pawh ni se ;
I seih mâwi ka tawn chuan pialral a ni' tiin,
Annem fah tu che pawn.

Tahlai bang a, hnutiang ka chhawn theih che chuan,
Aw...nang, eden bawhchhiatna hringfa in kan tuarna bul tantu,
Chul ve tur ngaiin ;
Mittui hrilh phak loh nâ tuarin,
Hringnun hnutiang i chhawn tak mai le..!!

A tha lênglerh khan,
Ngaih lai bangin,
Tahlai bangin,
Engvang chuan laitual-ah châiin,
Lâm i thâi loh bik lêm ang le..!!

Phei khai vawrin,
Silhpuan bih la,
I tawn tur hriatloh ruam-ah pawh,
I tawng dawn i lung 'D'

'I ngaihruat bawk,
Dawt lêng i sêl' ti a min chhal pawn.
'Fatir rehhlum ka zuâm,
Ka ngaihruat chuan' tiin ka chhang nang e.