CHHAWRTHLAPUI LEH KA DI...

Zira Chhakchhuak Hualngo
CHHAWRTHLAPUI LEH KA DI...

Khi, chhawrthlapui,
Mahriakte'n lam a chhui;
Lenghluanpa iang reng hian,
Riangte'n a van!

Parlai a chhuang,
A mawi ngei a sakruang;
Chul tura vul a'n zawng,
Kei ka phal lo'ng.

Hmanah kha chuan,
Ka di sakhmel mawi hluan,
Vulin biahthu kan tiam,
Tunah a liam.

Chhawrthla a mang,
Thim hnuaiah lung ka phang!
Thlaler ka tan a zau,
Rawl thlawn a pau!