DAMLAI PIALRAL

Abrahama Aba
DAMLAI PIALRAL

Hmêltha-ah Thachungchuangi,
Sakruangah tu khûm rual loh;
A nui hmêlah vâl ka zâmral dâwn e.
A pheichheh mawi chhîngmit lênna,
A hawina lam reng vâl lu a hai zel e;
An hai lo lêngtin khûmzo lânu.

Tu rûnah tak lawi ve ang maw e?
Tu hrai lâwm nân vul zai rêl maw?
Keizawng ka inring ngam lul love.
A tân pârmawi ka tling lul si lo,
Biahnêm a tâwna hlan ka zuam lo;
Keizawng vaihna fahrin ka lo ni.

Cho loh duhsâm ka tawn mial chuan,
Ngurnun iangin rosum pai nên;
Tlâng ka than ve niah chuan e.
A hnênah ka hlân ang lairil,
Thai a'n ka sâwm ngei ang a;
Damlai pialral a vul mawi ngei ang.