AURAWL

Sena Renthlei ToonArmy
AURAWL

Ralkhel dar an khawng ri ta fo va,
Ralveng meuh pawh an insaseng ta;
Zanlai thawnthu zawng mangchhia mai a chang a,
A tak a ni si.
Chhuna var kha zanah a dum thin si a,
Thimna hian enna thatna a khuhbo tel em ni?

Khandaih lek chunga hmangaih thuhril a ni a,
Anchhe chhak chuak chunga malsawmna dawn kan beisei fo.

Khualzinna rama Babel in iang sa tu hian,
Chatuan ramah Bawk kan khawh thin si lo.

Lenghnawt ar khuang tur perhthluk an nih zel zawngin,
Tu mi tha nge chhuak ang a,
Eng run in nge min dawl zo ang?

Kan ngaihdan leh khuanu rel kawng kan hmehbel a,
Kan rilru huangchhung ang puangtu chuan fel nih a hlawh a,
A chetchhuahpuitu chu MI HUAISENah kan ruat bawk thin.

"Thihna chu nunna ropui nei tura kailawn a ni a,
Hlawkna chhiar sen loh a ni,
titu hlawk ngam ka la hmu lo va,
Chu kailawn zawh duh ka la hmu hek lo...."
(Ropui leh hlawkna um kan ni thin si a)