AWMLAI

Lalkhawloa Lars
[21/10/2013 -a min boral san ta ka ṭhianṭha Lalsangliana Hauhnar pualin]

~ AWMLAI ~

Hmuh loh hai rual si loh rawlrâl iangin,
A hrâng dorâl langlo thup rûal lohin;
Sânu kut vawt kuthlei ni si lo hian,
Hawilo pâr vul lai a chuai kan tawn an!

Fam lo tura thlafam i chan ni khan,
Ṭhâl favang an luaithli tui ang a lian!
Khûavel hrângin turni a hnim riai a,
Nghilh loh thlah na’n nî kham a ṭul si a!

Fam khua lawi na’n ṭin dâr a rum vung vung,
Lûnglam kan vai thinlai a rum vawng vawng!

[Kuthlei thiltih #38]