DOSPATI !! DOSPATI

Hmachhuana Hmar Zote

DOSPATI !! DOSPATI

Vai leng pung lal ber tial mawi ka chàng,

Zum lalnu mawi ka lawmah a "KAR" mahna;

Hmangaih J-pui "Ning" nan rei ngial ka châng;

Awi maw! Joker nang vang ka zawh tak kha.

Sum thuni nu ka iang ka khawh hîau híau,

Ka tangka tlang hek ka chhungkaw ei bel;

Rim hah thi kura ka tha sen a ral ruak hliau;

Tuakthuan ruak turah a phai hma ngei fairel bel.

Ka chan bil loh ka ei kuak rûl mipui chan tur,

Chhungpui pâ chang ramhruaitu chhut chiang la;

I kutzâl lo 'Eiruk' rethei tahkhua tizual tur,

Ak zat hnih iang mipui riltam kan hawi hil thui ta.

Lungpui ding tura kan kam i nih hria la,

I V.I.P kan nih hriatreng a awl mahna;

Awh! i phawk zo ta, i phawh tur ka phuah,

Thil dang ka thlir, khawi ka phuah kha i phawh.