TUNGE KA NIH?

Abrahama Aba

TUNGE KA NIH?

Tu ka nih reng ka dâwn lo,

Dai mai zel e tawn apiang;

Ka tawng sual leh fo si e.

Zuam chin reng ka nei love,

Mâwl luat tuarin rum ruai ruai;

Ka thinlung tirhna zawm mai zel e.

Ât man tuar mai zel e,

Luaithlî biangah hruai chhuak e;

Mahni inhaiin maw nau ang ka tap.

Phâktâwk lah bo mai zel maw e,

Hringnun pal ka thiam zo lo;

Dai bua e hringnun tahna rûn.

A pawi lua mahni inhai chu e,

A tlai hnuah harh leh si e;

A thleng zo ta ka tawn tur.

Engdang vang lah ni si lo,

Tu ka nih hai vang mai hian;

Heng hi ka tawn tul si e.