A LÊNG EM E

Abrahama Aba

A LÊNG EM E

Eng ka tinge ka ngui ruai e,

Ka chau nun reng a kim theilo;

A chhan hriat siloh hian ka vai.

Zûn ngaih nge fam hnu ka sûn?

Dî zawng a fam lul silo;

Pialral ka ngai em ni zâwk le?

Thangvân ka han thlîr chiama,

A eng ruai e kan rûn a chhun;

Hlimlai min thlen mawlh silo.

Luaithlî a hnai dan rual chang silo,

Ka hril dâwna a fiah zo silo;

Ka lunglên chhan reng ka hre love.

Lunglên zai sain ka vel lo bawm,

Biahthu an hril kârhla dî tân;

Khuahmun loh dî auh nân lo ni e.

Kei zawng ka vaih nân mai lo ni,

Ka ngaih reng hre silo hian maw;

Ka suihlung reng a lêng em ani.

Fam rûn ka ngai ta emni le?

A ngaihna ka bo ka vân ruai;

Hnêmtu ka ngai, mahse engtin?

Aw.. ka thian min dawnpui vela,

Ka chan reng a har lua e;

Hriat loh lunglên ka tuar zolo.