A SAWTLO

Abrahama Aba
A SAWTLO

Ka lungkham a thlâwn fo,
Beiseina pawh an liam fo;
Lungchhirna mai ka hlawh fo,
Hmâtiang thlirna a
thlâwn fo;
Thinlai nâin ka rum leh fo.

Lungchhir reng a sâwt silo,
Lungngaiin ka lu ka kuna;
Luaithlî a lo hnâm
chhîngmit ata.
A far, a sûr dan rual siloh chu,
Ka nûl thlâwn e mittui tam tak;
Piallei dai a'n ka far raltîr e.

Ka hringmi thinlai a tho leh thin,
Ka tah nân tahna ka fang;
Ka vaihna hnu ka hrût leh thin.
Beisei bo ka beisei vang hian,
Hmâtiang ka dâwn a sâwt silo;
Ka dâwn tam luat ka tahpui fo.

Hei chauh mai hi ka hringnun,
Duhthusam an liam zova;
Hlim nân thil thar ka beisei.
Liam hnu tahna iang an danglo,
Bei tidawng tahna titam mai si e;
Chhiar ka thiamlo kei lungmawl hian.