Abrahama Aba
ZAN LALNU
Zânthim êntu thangvâna'n,
A êng riai kan rûn ên in;
A engmawi lawm hramthiamte'n.
An awi e zânthim hnuaiah,
Nuamtin chênin zai an vâwr e;
Kei ka lunglen reng an dâwnlo.
Rûnin pelin ka hawi vela,
A lang ruai e a êng hnuaia'n;
Tlângtin mualtin a chhun êng e.
Luaithlî a hnai e chhîngmita'n,
Min ngaihtîr e ka di mual liam hnu;
Tu'n min dawnpui silo ka riang.
Chhawrthlapui an lawm lêngrualte'n,
Nui hiaua zaitin vâwr zain;
Kei zawng fam zûn ngai iang si e.
Lairil hlim zai rêllo ka nun hi,
Thlânthim a chantîr emni le?
Keizawng tlei har ka ti vãla'n.
No comments:
Post a Comment