HMANGAIHTU leh HMANGAIH.

K Rohmingliana Valpuia
Lawmthu sawi nan.

HMANGAIHTU leh HMANGAIH.

Hmangaih tana hahdamna lui chu...
Hmangaihtu thinlungah chuan a luang a...
Hmangaih leh hmangaihtu lawmna kimah chuan...
A ni, lelthang iang zaiin an awì thin si....

Chu tlang thianghlimah chuan natna a awm tawh lo va...
Rinawmna lal tiangin ro a rel thin si a....
Ngaihsakna puan nêm báng dunin e....
'Lunglenna sirah an hnawl' an ti asin....

Khawharna chu inhmelhriat tir an duh ngai lo va....
Nun thlaler ram ro paw'n a hnaih ngam hek lo...
Duhsak taka khunu'n sam a suih te an ni a....
Nunna thing daihlim hnuaiah chuan nun an chhaì thin asn....

An khawvel tan chuan leilung hi a nung sar a....
An tan zantiang a thim ve ngai reng reng lo....
Hmangaihna chuan an mahni-ah chawlhna a pe a....
Chu chawlhnaah chuan nun hlimna thurúk an chhar thin....

Vanduaina kara vanneihna fangkhat inhlán dunin...
Hmangaihna chuan engkim an sual a...
A ni, intanpui tawnin an sual chhuak thin...
Chu chu a ni hmangaih leh hmangaihtu thawnthu chu.....