BEISEINA.

Abrahama Aba
BEISEINA.

Ka hnung leh hma,
Ka ding leh vei ka han thlîr a,
An tam ngei e beitu.
A laiah thu in tanpuitu ka au a,
A reh vawng vawng si,
Lungngai in ka rum ka chau zo ta.

Hnunglam ka han thlîr let a,
Ka tahna luaithli far lai ka hmu.
Hmalam ka han en leh a,
Thlaler chhum dum
bawm lûkna chu.
Ding leh vei ka han
en leh a,
Bumhmangte leh
hmuhsitna ten min lo hual.

Kal ngaihna rêng hrelo hian maw,
lungngaihna hual ve kârah hian,
Ka nun chau a rum mek e.
Ka tanna hmun
hlauhawm,
Thihna leh natna kârah,
Hnêmtu tawnglo hian maw ka vai e.

Beisei a chau zota,
Chhûngril a buai zo ta,
Ka kawngte chu hling hmun an ni e.
Min hliam a thisen
chhuak in,
Tuam damtû an awm lâwmni?
Ka au râwl a thâmral dâwn emni?

Ka innghahna a chuai,
Dorâl lian a lo hnai,
Chakna ralthuam a kâng ral,
Chau in ka tlâwm ka rûm.
Khawnge ka tân puitu tur?
Ka zawng ruai a ka vai leh si.

Ka tân chona tâwp ber,
Beiseina vaivut fang tiat,
Ka thih leh dam
innghahna chu.
Khawnge ka tâwn mai nange,
Engpawh lo thleng
mahse,
Hnutiang kir leh mai loh nân.