Khiangte LR Lra
ZUN CHHAWL HLA HRILHFIAHNA
ZUN CHHAWL
1.
Tuahtirh lungdi ainawn pari,
A mawi zo ngei e, a khum zo reng hi an awm lo,
A sakruang leh a kimtlang reng a hawih si,
‘Di bu mawi-i’ ti a koh mai che ka lo nuam e,
Nang ang reng renga ka lunglai dumtu hi an awm lo,
Ka tan rinawm min tiam nan i theih tawk maw,
Zun chhawl chu min lo thliah sak tawh si.
2.
Sul ang tum lo tur chuan min ring lo la,
Samang then che hi ka hlau ber mai,
Thenlohna thudi kan tiam zawngte kha,
Nghilh bik che hian kei zawng ka ring mawlh si lo,
Suihlung ruala nau ang kan inlawm lai ni te kha,
Kumtluang atan hmangaihna biahthu min hlan tawh si,
Zun chhawl hlim te'n min thliah ni te kha aw.
3.
Kei zawng vangkhaw perpui-ah arang ka vai e,
Ka ring ngai lo che i tum, valthiang heti'a i chhai !
Val-nala tawnah ngaih lung min her san mai hi,
Kei ariang val chan tur hi dawn ve thin la,
Run lum nuthai chang ve ngei turin,
Thal tui ang ka lo nghak reng che a sin,
Zun chhawl min thliah kha a der mai maw lo ni le !?
ZUN CHHAWL
(Zun chhawl :-- inngaihzawngte inchhawl thuaina, inngaizawng te'n intheihnghilh loh nana thil an tih)
1.
Tleirawl chuah ka ngaihzawng hmasa ber i ni a, aitenawn par ang maiin i mawi si a,
A mawi hian i mawi zo mang e aw...nang han khum zo tur reng reng hi an awm dawn chuang em maw ni chu le,
I pianzia leh i sakhmel reng a va thain i duhawma i nalh tak zet a ni,
I hnute bu mawlh hi a mawi em a vang hian "Di bu mawi-i" tia koh mai ka duh che a ni.
Hetiang reng renga ka lung ti awi-tu hi tumah an awm ngai der si lo,
Rinawm taka awm min tiam avanga i theih tawk ka tan i ti ve a,
Chu chu "Zun chhawl" (inngaihzawngte'n intheihnghilh loh nana thil an tih) min hlan tak hi le !
2.
Nang nei tum lo tur chuan min ring lo la,
Kei chuan nang then che hi ka thil hlauh ber pakhat chu a ni,
Inthen tawh lovang ti-a thu kan tiam zawng zawng te kha,
Engtikahmah i theihnghilh mai mai bik hian ka ring si lo,
Lungrual hlim taka naute ang maia kan in lawm dun lai te kha,
Kumtluang hmangaih tawh tur thu min hlan tak te leh,
Thilpek hlu tak (Zun chhawl) nui sen sena min pek hnap lai te kha aw !
3.
Kei zawng mahni khua ngeiah pawh hian baihvai takin ka awm a tul ta e,
Heti ang thil hi i tum ang tih reng ka ring ngai lo che asin,
Tlangval dang min lo kawp san reng a ni maw !
Chu tlangval nalh taka bulah chuan min kal san leh daih ta si a,
Nangmah ngai reng renga rethei taka ka awm tur hi han dawn ve la,
Ka nupui ni ngei turin ka lo ring hman tawh che a nia,
Hun rei tak atang khan ka lo nghak fan fan thin che a sin,
Hmangaihna avanga thil min pek (zun chhawl) hi a lem mai em ni lo ni ta le..!!?
ZUN CHHAWL HLA HRILHFIAHNA
ZUN CHHAWL
1.
Tuahtirh lungdi ainawn pari,
A mawi zo ngei e, a khum zo reng hi an awm lo,
A sakruang leh a kimtlang reng a hawih si,
‘Di bu mawi-i’ ti a koh mai che ka lo nuam e,
Nang ang reng renga ka lunglai dumtu hi an awm lo,
Ka tan rinawm min tiam nan i theih tawk maw,
Zun chhawl chu min lo thliah sak tawh si.
2.
Sul ang tum lo tur chuan min ring lo la,
Samang then che hi ka hlau ber mai,
Thenlohna thudi kan tiam zawngte kha,
Nghilh bik che hian kei zawng ka ring mawlh si lo,
Suihlung ruala nau ang kan inlawm lai ni te kha,
Kumtluang atan hmangaihna biahthu min hlan tawh si,
Zun chhawl hlim te'n min thliah ni te kha aw.
3.
Kei zawng vangkhaw perpui-ah arang ka vai e,
Ka ring ngai lo che i tum, valthiang heti'a i chhai !
Val-nala tawnah ngaih lung min her san mai hi,
Kei ariang val chan tur hi dawn ve thin la,
Run lum nuthai chang ve ngei turin,
Thal tui ang ka lo nghak reng che a sin,
Zun chhawl min thliah kha a der mai maw lo ni le !?
ZUN CHHAWL
(Zun chhawl :-- inngaihzawngte inchhawl thuaina, inngaizawng te'n intheihnghilh loh nana thil an tih)
1.
Tleirawl chuah ka ngaihzawng hmasa ber i ni a, aitenawn par ang maiin i mawi si a,
A mawi hian i mawi zo mang e aw...nang han khum zo tur reng reng hi an awm dawn chuang em maw ni chu le,
I pianzia leh i sakhmel reng a va thain i duhawma i nalh tak zet a ni,
I hnute bu mawlh hi a mawi em a vang hian "Di bu mawi-i" tia koh mai ka duh che a ni.
Hetiang reng renga ka lung ti awi-tu hi tumah an awm ngai der si lo,
Rinawm taka awm min tiam avanga i theih tawk ka tan i ti ve a,
Chu chu "Zun chhawl" (inngaihzawngte'n intheihnghilh loh nana thil an tih) min hlan tak hi le !
2.
Nang nei tum lo tur chuan min ring lo la,
Kei chuan nang then che hi ka thil hlauh ber pakhat chu a ni,
Inthen tawh lovang ti-a thu kan tiam zawng zawng te kha,
Engtikahmah i theihnghilh mai mai bik hian ka ring si lo,
Lungrual hlim taka naute ang maia kan in lawm dun lai te kha,
Kumtluang hmangaih tawh tur thu min hlan tak te leh,
Thilpek hlu tak (Zun chhawl) nui sen sena min pek hnap lai te kha aw !
3.
Kei zawng mahni khua ngeiah pawh hian baihvai takin ka awm a tul ta e,
Heti ang thil hi i tum ang tih reng ka ring ngai lo che asin,
Tlangval dang min lo kawp san reng a ni maw !
Chu tlangval nalh taka bulah chuan min kal san leh daih ta si a,
Nangmah ngai reng renga rethei taka ka awm tur hi han dawn ve la,
Ka nupui ni ngei turin ka lo ring hman tawh che a nia,
Hun rei tak atang khan ka lo nghak fan fan thin che a sin,
Hmangaihna avanga thil min pek (zun chhawl) hi a lem mai em ni lo ni ta le..!!?
No comments:
Post a Comment