Saphmingneilova Ralte
EN TEH LUNGRUN...
Rinhlelhna thlipuiin min nuai vanga
 tak maia hmangaih ta lo ang hial che a ka awm hunah
Min la hmangaih reng ang em?
Ka lei mawina sakruang hi lo zúrin
Ka neih rosum ten min kiansan sela
Bawrhsawm leh nat mualpho tawp ka tawn hunah
Min la hmangaih reng ang em?
Ka chhingmittui far hian ban zai rel lo se
Beidawng leh rumin khawvel hian min hnuchhawn se
Kir leh tawh lo tura THIHNA-in ka mit a chhin hunah
Min la hmangaih reng ang em??
No comments:
Post a Comment