Khiangte LR Lra
THIHNA THLANMUAL...!!
Lei mihring chitin rengte intawhkhawmna hmun,
A pui apang a lian a te reng a sawi lo,
Thlei leh duhsak bik pawh nei lova,
Angkhat veka min len tirtu chu,
Nang ngei hi I lo ni maw...Thihna Thlanmual…!!
Mimang piang vein sialang kan lo sei lian a,
Chak leh ropui zawk ngei duh vangin kan intai fo thin,
Rethei leh hausa kar hla mahse,
Zaikhata min luan tir lehtu chu,
Nang ngei hi I lo ni maw...Thihna Thlanmual…!!
Engdang reng an ngai lo Thihna Thlanmualah,
Intai leh indo thawm pawh kan hre ngai si lo maw,
Lung zawng an rual ngei tu hriat lovin,
An zal diai diai, hallo reng hian maw,
Nang ngei hi I lo ni maw...Thihna Thlanmual…!!
Anchhia-ah an chhiar che maw, Aw... Thihna !!
I ni mawlh lo Nang ngei hi kan tan malsawmna zawk;
Duhsak leh hmangaih tak chung zela,
Angkhata min hruaikhawm lehtu chu,
Nang ngei hi I lo ni maw..Thihna Thlanmual…!!
No comments:
Post a Comment