NUNHLUI:

Elar Pachuau Ffv
NUNHLUI:

Nuihiauva thlehnem silh dun a
Tangah buan-ang pawmlai khan maw,
"Ka hmangaih che" i tih thin kha,
Biahder anka mai lo ni maw.

Tlainem turni herliam thlira
Chawnban suiha indi lai khan,
"Kumtluang atan" i tih thin kha,
Enga'n dawtthu mai min lo hlan.

Hun liamin, nunhlui chan hnu paw'n
Turni kawla'n herliam leh se,
Laikhum puannem silh ban hma chuan,
Ka nghilh lo'ng che khua rei mahse.

Lungmawl tahkhua a sei ngei maw,
Rianghlei ka chan a na ngei e,
Dawn kir ve la nunhlui kha maw,
I ngai ve hian ka ring thin e.

(ka photo caption atana ka hman a nia, ka phuahni ka lo chhinchhiah tlat lo... @Jonathan Puia Siakeng pual ni teh se )

A lo eng leh ta reng mai vanzawlah ,

Lalzawmsanga Khiangte

A lo eng leh ta reng mai vanzawlah ,
Ka tang bel a i nuih lai ni zawng te kha,
Ngaihbang thei tak maw khuarei thlengin !

My right now Shape.

Lalbiakdiki Pachuau
My right now Shape.

Five times,
Just sickin' five times
Sneezes at a time..!
Eyes redden
Tears falling
Nose running
Head aching.

Come monsoon
Pour rain soon
Ease my Allergy.

Lalbiakdiki Pachuau

KA CHELH TAWH ANG:

Elar Pachuau Ffv
KA CHELH TAWH ANG:

Hun hi sul-ang liam thin mahse maw,
I zunngaih hian liamzai rel si lo;
Sulhlui chhuia, nunhlui dawn hian maw,
Lungmawl hian i ngaih ka bang thei lo.

Vahkhuai partlan mah hian a hellai
Parmawi zuthlum a tlan thin si a;
Riangval lungmawl awmhar di-zun ngai
Chuan, i zunngaih chantawk lo ni ta.

Aw hun, vawikhat chauh tal her leh in,
Nunhlui kha herchhuahpui leh ta la,
Di-zun ngai a tah ka ban vena'n,
Ka chelh tlat tawh ang ka hmangaih kha.

December 6, 2012 at 11:29am

THLALER ZAN THIM

Dawithiam Lalruanga
THLALER ZAN THIM

Thlaler hnahchhawl, dai leh vur tawng ngai lo,
A iang ngei e, ka lei hringnun ve hian,
Lawmna leh hlimna khar hawng ngai lo,
Chatuana hawn ngai loh tura chu.

Nui ri leh hlim rawlin mual an liam a,
Lawmna ni eng a hliap tahna chhumin,
Vanduai mangkhawng rap per nafam chu ka
Au thlaphang aw rawl nen hnemtu ngaiin.

Khuanu leng hnuchhawn ram piallei thimah,
Rumin ka vak puitu awm lo zawngin,
Ka nghah ram reng chu zingtian kawlah,
Mawi te'n her chhuak vea'n ka beisei thin.

Aw thimna, aw tahna, aw lungngaihna,
Zan thimah hian ka beisei thin lawmna. (3.2.2012 msv)

CHAWLHNA HMUN:

Elar Pachuau Ffv
CHAWLHNA HMUN:

Chawlhna zawnga chawlhzai rel ngailo chuan
Daihlim hlimna hlimthla chu ka bel a.
Vanrial rum ianga rum ka thinlung chuan
Nun-parvul ngaiin chuailam a pan a.

Chhemdamthli chuan min chhemdam zo tawh lo!
Nunruak chu khawharna chuan a luah ta.
Kalsan-nun chu ka kalsan thei ta lo!
Ka chelhloh nun chu chelh ka beisei a.

Fianrial chu ka chawlhbuk a lo ni a,
Khawharna pawh chu awmhar min awitu.
Riva zawng zawng chu a reh ta vek a,
Thawm neilo rimawi a lo rik tak chu!!

8, oct., '12
(MIZO HLAKUNGPUI MUALA ka awm laia ka phuah, Pu Mafaa'n "i kal hun chuan hla i phuah ngei ang" a tia, ka phuah ta ngei a, ka tibova, ka hmu leh hlauh, ka phuah dan ngai ngaiin ka post leh hnuhnawh )

HUANG RUAK

Elti Muana
HUANG RUAK

Kan huang ka rawn chuang chhuak,
In zai ngaiin ka hawi;
Mahse huang mawi a ruak,
Lenrual in ngawi, a pawi.

In vawn in dawnlung ruk,
In thinlung chhung thuruk
Tel lo awmkhua a har,
Thinlai rilah in thar.

Khawi a'n tuan che u maw?
Ka rawl ngai che u maw?

KA MUT A CHHUAK.

Machhani Jahau
KA MUT A CHHUAK.

Vawin chuan tuanrel lote'n,
Leng dun ang aw! tu dawn lovi'n;
Vanzawl Phengphehlep iangin,
Tlan ila par-zu thlum tinreng.

Lengdang zawng sirah hnawlin,
Kei min awmla naupuakpuan nen;
Min awiin i tangah ngei,
Beiin min chhin tir rawh.

KAN REH EM MAI

Elti Muana
KAN REH EM MAI

Hlimlai par tlana sul ang kan inzui laiin,
Chhiarthlang bawh-ar pauiin maw dai ang min dan?
A pawi, a pawi mang e, tawnmang a tawi,
Suihlunglen tahkhua hrui ang a sei lua e

Ka huatchhun zingah ka duh chhun a lo par maw?

Ajoa Pyramus Hnamte

Ka huatchhun zingah ka duh chhun a lo par maw? 
Hriatlohin i vul hma lua, hriat
hnuin a tlai leh si.
Hmangaihna triak mak tak a lo ni e..
Hmelma huat ber hmangaih chu.
Tawmang lah ni silo.. 
Hmangaihna nisi, hmangaihna tling silo hi.
Hril don ila vantirhkoh trong a trul don si.
Hei ngei hi alo ni;
ka hriatthiam loh, ka hriatthiam si chu...

Vangkhuatin ènin kan

TC Lalremsiama

Vangkhuatin ènin kan 
chhawr hnu chhawrthla eng no nghial e,
Thinlai tharin dàwn réng tam mah se Thapui;
Sawi a rem si lo khà zawng kan nun kha,
Dàwn khàwl titam thlàwn mai a lo ni,
Aw, ngaihlungdum!

BANG SI LO

Jona Aries Gunner Siakeng
BANG SI LO

ka hmangaih chu thlah a ngai a
Sulhnu chhui reng a bang thei si lo

Duhsakna zawng ka hlan fo a
Natna changtu nih bang si lo

Hlimna vawrtawp a tan tiin
Hrehawm lungngaih a kiang si lo

Muang ten zan mu chhing se tiin
Zan khawhar reh fan a bang si lo

HRINGNUN CHHAWRTHLA

Elti Muana
HRINGNUN CHHAWRTHLA

Zantiang lenkawl, thangvan zawl zau a thiang,
Chhawrthla eng mawi lo de, bawh-ar chang iang;
A iang rengin maw hringmi leng kan piang.

Zantlai bawh-ar kai lai a den theih na'n,
A eng zual zel a, a zawh lamtluang a'n;
Hringnun panlai, rawllai kan nun iang hian.

Zantlai arkai a deng, a eng a mawi, 
Nung tinrengin an lawm, zaiin an awi;
Hringnun vanglai, vullai sakhmel a chawi.

A lo her zel a, a vanglai a liam,
A eng mawina zawng te pawh kha a kiam;
A iang Khuanu'n hringnun chawhnu a siam.

A hun bi chhiar a kin, hun sul liam vang,
Eng mawi chhuah tur awm tawh loin a mang;
Hringnun pawh a liam, a chang thin tawnmang.

Chung chhawrthlapui chuan hringfa leng zawng tan,
A vanglai, a vullai eng mawi a hlan;
Eng nge kan hlan ve ang zaleng dang tan?

HRINGNUN HI

Jona Aries Gunner Siakeng
HRINGNUN HI

Beiseina in hma lam kan thlir
Duhthusamin khawvel kan fang
Suangtuahna in in sang kan sa
Hlima nuia hun hman kan tum
Duh tin lam in hun bi kan chhiar
Tlai khua dur thei a lang si lo
Khuang ruahpui haw tur hriat ni silo
Silh puan nemah muang ten zal in
Tawnmang kan mang tak chang si lo
Zingtian lo ni Bawhar pau chuan
Pawm loh theih loh pawm har hringnun
I chan tur reng lo ni tiin
Biahthu min hlan zing daifimah

Kawnah an liam e; a thiangte'n,

Zâma Khiangte

Kawnah an liam e; a thiangte'n,
Ngei ngei tlang an pan e,; ka thiante'n,
Mahte'n ka ai e, mei sen,
Lum lai chuhin kei lung ka len.

Rauthla ka tir, sulhlui fang an,
Ka chan nunhlui ngaia tah, nang vang!
Kimin dawn ve la min ban,
Thliah chhawl ang ka uai nang vang. 

Tunah a thar, lenrual thlirin,
Hlimlai an chen si a kan iangin,
Theih nisela lenrual kim,
Ka nuam e; i ngaih luat vangin.

THU LEH HLA

Elar Pachuau Ffv
THU LEH HLA

T-haikawi biahzaia hril ka
nuam thin;
H-ei ang lairila ka dawn
lungruk,
U-ai-in thamral a'n ka phal
si lo.

L-unglen thu-tin hril zel ka
nuam e;
E-ngtin in lo ngaih ka dawn
phal lo,
H-ringnun ka pal hril zel
mai nang e.

H-nuchham naufa iang ka
thaikawi thu
L-eh hla, kei ka tan chuan
ka chawlhna,
A-wmhar min hnemtu a ni
si a.
Nov 8,
2012 ·

MIZO KRISTIAN CHU;

Zâma Khiangte
MIZO KRISTIAN CHU;

A number-ah kan tam,
A nam lamah kan sam,
A lâm lamah kan tâm,
A kam tamah kan sâng!

hahhahhaha

U SAWMI INLENG

Dawithiam Lalruanga
Thianho hla: (ho in ti em aw?)

U SAWMI INLENG (Accrostic verse, rhyme -abcba)

Uai reng rel lo pa chhuak hei ang lungrual,
Sakhming chawiin U Sawmi Inleng,
Awi maw hlim zai kan rel bang lo,
Mi lian mit te thlei lo zaten kan leng,
Iang thei awm ang maw hei ang lungrual.

Inlungrualin tlang tin mual tin chuanin,
Nunau hraileng run nghak kan liamsan,
Lunglen biahthu hrilin zai kan vawr,
Ei-in kan uar lawmpui leh tahpui nan,
Nghilh ni awm ang maw, khua rei pawhin.
(18.2.2013, Mission Veng)

SNOW WHITE IV

Anirozcp Mawia
SNOW WHITE IV

Luiah lengngha,
Siahthing zarah kulva,
An vangkhuaah Snow White.

Thangvan sang chhawrhthla eng iang,
Naunawn chawi chunnun,
Hawl thlak a tum an sawi iang,
Hawl thlak tuma ka chhai kha,
Puan ang ka hlui ta a tawnan,
Zawngte pialtlep tlak tak meuh a,
Kan tlak dawm dawm mai chu.

Hai ang tarin lenlai kan hril ang,
Cho rual loh a zun leng khan,
Min la bual reng awm si a,
Dam loten puan ang hnawl chanin
Tufa kan chawi beng kan fah ang,
Mahse Snow White zun chu,
Lairilah a cham reng tawh ang.

HMANGAIH TIA KA CHHAL

Spi Sp
HMANGAIH TIA KA CHHAL

Hmangaih tia ka chhal valmawia kha ,
Ka tan tia a hlan hmangaihna chu,
Lungdamten lairila ka vawn reng kha,
Min hliamtu lo ni, chu hmangaihna chu.

Lungchimtea ka pawm vala chuan e,
A thinlung chu lengdang tan a hlan si,
A tan tia ka rinawmna zawng chu e,
Engmah lo maia'n a chantir ta si.

Tihian min hrilh a chhai lanu ngei chuan,
"A hmangaìhna zawng min hlan a" tiin,
Hei pawh a la sawi fo lawhlengi chuan,
"Nang chu hmanrua mai i ni e" tiin.

Lairil a na, ka chan ka dawnin,
Ka tap bang thei lul lo, tu hriat lohin.

RIMAWI:

Elar Pachuau Ffv
RIMAWI:

November 8, 2012 at 10:50am

Parmawi a vul reng lo,
Hringmi lah vul reng lo;
Nang chauh i ni vul reng,
Kumkhua 'tan i vul reng.

Tleitir an tuai reng lo,
Hnah-nem lah tuai reng lo;
Nang chu i tuai thar reng,
Tuai-in i thar reng.

La lah an la reng lo,
Val pawh an val reng lo;
Nang erawh pangngai reng,
Chatuanin i ngai reng.

I tello hringnun chu
Nun neilo Milim ang;
Hringfa zawng zaikhatah
Luan tir thei RIMAWI chu.

(a thar neihloh paw'n a hlui tal post zel mai teh ang)

Ka lei tlawm taka thu hian,

Anirozcp Mawia
KAN TAWNG HAUSAKNA NGE RETHEIHNA I

Ka lei tlawm taka thu hian,
A lei zo lo a thinlung;
Hmangaihna lei ka dawh kha,
Rawpin a lei zo ta maw?
He lei anchhedawngah hian.

Ka zawh che hi min chhang la,
Ka beidawn zawh hma ngei hian;
Hmangaihna kawng chu zawh a,
Ka chawi zawh bak hlan nan che;

Hmangaihna a pun zawh poh leh,
Ka tan i tawk zeh zawh hle si,
Zawh dawra suk tin an sawi iang,
Mi chan lul suh ang che Mi u.

(A dang pawh a la awm ang, a ril lova, a mawi lo, kan tawng hausakna nge retheihna tiin ka ti ve mai a ni e, ka hahpui phian mai.)

LAI

Anirozcp Mawia
KAN TAWNG HAUSAKNA NGE RETHEIHNA II

LAI

Ka lai a pan a na,
Ka pa'n mi tir lei laia'n,
Ka di'n mi thlir ka tiangthir hum lai,
He laiah lokal suh tiin ka hau,
Kei akara pakara Laifa,
Ka ding ka thawhmual laiah,
Zah luat vangin ka lai,
Laih luat vangin ka lai a na,
Di tawna val ka che buai lai,
Min thlir lai lai mai tleitir lengin.

Hraizawng laiah hrai riangte

VL Hminga

‎2013 Birthday pual in lo ti ve teh ang e.

Hraizawng laiah hrai riangte
Vangkhaw hriatloh chhingkhual an
Mim ang lo piang lo lian
Tu vangkhaw hriatloh kar an

Chutin laitual lo rem zel
Hawikawm lenrual thar chhar in
Kan chai kan lawm a kim
Chunzua hriatloh chhingkhualan

A lo her leh thin piancham
Pathian hnenah lawmthu awm se
Hmatiang tluang zawhtur kawng
Hruaitu atan lo ni se

ULCER nge CANCER?!

Zira Chhakchhuak Hualngo
ULCER nge CANCER?!

Ka mut nge chhuak ka luak?
Pawnah ka chhuak ka uak.

Luak chuang lovin ka lut-
(in chhung) a chhan ka chhut.

Ka pum nge niang ka kum,
Ka ring kum ai chuan pum.

Ka nei roh nge ULCER,
Ka hlau deuh roh CANCER.

Insum a ngai kuhva,
OR ELSE, hmabak zuva.

TUIHALNA:

Elar Pachuau Ffv
TUIHALNA:

October 26, 2012 at 12:52am

Chhawl a hal a;
Chawlkai kai turin chawl run a kai a.
Chhawl a hal a;
Chawlhna zawngin Biakrun kai a rel a.
Chhawl a hal a;
Chawisa siktuithiang dawn zai a rel a.

Chawlkai kai ta chuanin,
Thlunglu a hai a ti.
Biakrun bel ta chuanin,
Chawlhna awmlo a ti.
Siktui dawn ta chuanin,
Ka in leh ang a ti.

Hringnun kawng zawh chhungin
Tuihal rehna awmlo.

KUTHLEI KUTCHHUAK

Elti Muana
KUTHLEI KUTCHHUAK

Lang lo ruama awm chu mi hmuhtirin
I thuruk puarpawleng chu ka beng bulah i zep ri a
Beiseina thlen phak baka beseina zung zam chu mi thlirtirin
Vul ngai lo turin a kung loah kuhmum i chhuang a

Engah nge ka chen ngai lohna tur khuavela mi chen lawktir a
Engah nge par chhuah lo tur kuhmum chu ka lo dawn duh ni le?

Kal la, kal ta poh la, lo thleng ngai lo tur hun chu hnuchhawnin
Khuavel thiam-fin neih sum tinrengah pawh
Kan run lawi a'n zawng i mawi lul lo e.

MIN HNEM TEH LA:

Elar Pachuau Ffv
MIN HNEM TEH LA:

Mahriaka tham
Lairil a cham;
Lunglen zunzam,
Luaithli ti hnam.

A thar nunhlui
Liamhnu sulhlui;
Mahte'n ka chhui,
Dawn reng a thui.

A zual i ngaih,
Lunglam ka vaih
Nilen a daih;
Awmhar min chaih.

Dawnkir teh la
Nunhlui zawng kha;
Min ngai ve la,
Min hnem teh la.

A TAP THIN.

Machhani Jahau
A TAP THIN.

A thinlungah eng nge awm thin a,
A suangtuahna ramah eng thil nge thleng thin;
Dawn lek lov'a,i chham mawlh mawlh lai khan,
Na tuar arumin a ngaithla che sin.

Hliaptu ka tawng dah law maw tiin,
Thing tin zar belin riakmaw iang avai si;
Chawlna zawngin avan ruai ruai thin a,
A tan hian Thingthiang reng a ding si lo.

I thlir liam mai mai lai khanin e,
A thlir thin tuk-chhuakin zalenna dar ri;
Hun hlui liama hun thar lo din nghakin,
Chunglam thlir a,tanpuina dil chungin.

Dawnin hrethiam ni teh reng thin la,
Natna,hreawmna,lungngaihna,a tahna;
Zir sak thin in chhiar thin ni la chuan e,
Thlamuanna thu nen i kuangkuah zawk tur.

DAWNTAWI TUMTAWI:

Elar Pachuau Ffv
Hei hi ka phuah hmasak pawl a nia, ka'n post ve leh mai ang e, a thar nei mai heklo i...
DAWNTAWI TUMTAWI:

Dawn a tawi
Tum a tawi
Dawn tawi chu tum tawi
Tum tawi pawh dawn tawi
Nun a tawi
Kum a tawi
Nun tawi chu kum tawi
Kum tawi pawh nun tawi
Dawn tawi tum tawi nun tawi kum tawi
Chu vul a tawi

ZAN

Zira Chhakchhuak Hualngo
ZAN

Aw, zan duhawm,
Hringmi leng zawngte i tilawm;
Hahdam hun leh chawlh hun i fawm.

Aw, zan thiang reh,
I awih mut zawngte hi thlir teh;
Chawimawi phu, i tan NO ka leh.

Nang, thil tithei,
Nangmah vangin naunawi awmhlei-
Chawlh an rel, nangin i awm tlei.

Aw, zan ropui,
Hringmi'n i hmelmawi an tingui;
I dawng thin maw anchhe burpui?

Menah thlak la,
Pawisa duh suh la an selna;
Anni zawng vui thin an nih kha.

CHUAN I LA TLANG...

Jimmy Chhangte
CHUAN I LA TLANG...

Chuan i la tlang, ka nuam ngei e,
Hliaptu chhum rang khum in, thlir i la, 
Lang hian ka ring thin, D hlui lén na,
Tah chuan a her liai e, nui hiau in...

Chuan i la tlang, ka nuam ngei e,
Enchimloh thapar sumtual a lang,
Theihse sawngka kan in lawi i la,
Mi chhawn ang maw, ariang lungmaw val,

Chuan i la tlang, ka nuam ngei e,
A saw tlang zo dum dur mualah sawn,
An hel e, chawntawi vala'n hal lo ten,
Ka parmawite, lung her lul suh aw...

TLAN R'U, TLAN R'U

Dawithiam Lalruanga
TLAN R'U, TLAN R'U

Tlan r'u, tlan r'u, vanglai chen lengi leh vala,
A lo hrang e dawi ralpui, dawi chhe hlo chu,
Thlang kawrvai dawia ruih lungmawlna,
Fam lungrawn mualah an zalh dawn che u.

Siamtu duan i sakruang a mawi tawk e,
'Mawi lehzualna' tiin a sakhming chawi mah se,
Nang chuan thuam ang lo do na'ng che,
Zoram mawi nan par vul zel zawk ang che.

Rui leh hai a thinlai lungmuang tea,
Zantiang laikhum i belh ai chuan e,
Fim leh damten zan mu lo chhing ta la,
Zingtian lenkawl eng a mawi zawk awm e. (04.02.2013)

For a V Day

For a V Day
C Lalbiakdiki

Keep the Heart
Keep the Candle
Handle with Care
For Candle is Brittle
And Heart is Fissile.

Tlaikhua lo hnim

Elar Pachuau Ffv
SONNET ka vawikhat chaina a ni a, thupui pawh ka dah lo, sawisel ka phal e...

Tlaikhua lo hnim, Pualleng awmhar a tham,
Cho run sumtual a kai, a lem chhai di.
Biahzai a hril, biahzai anka lo nem,
Luahleng awmhar thinlai lo hlim, a nui.

Run chhung thlimin, run sir hliapthim kaiin,
Khua thim chhawrin, nulin lungdi trang sir,
Tranglaia'n di chawiin duatte'n fawpin,
Lungril puangin, hlimin an bel run sir.

Hmangaihna zun partlan, khuavar hnial lo,
Khuarei sul dawn hun tur lungchhir an hnaih.
An dawn sei lo, an duh an hlah silo,
Hmangaihna zun an puh, khuarei a daih.

Lungchhir sawt lo, hringnun an dai a pelh,
Tlangsel, diriam phurrit lungin a delh.

TAH KHUA A SEI

Jonathan Puia
TAH KHUA A SEI

Natna thlentu ngaiin kan rum
Ziah fung kan chawi biahthu kan hlan
Anka dawng lo a vai fo thin

Thamral hlimni in lairil a luah
Fang leh thin e awmhar ni in
Lungmawl tah khua a sei ngei e

DAWNTAWI LANU.

Zâma Khiangte
Tunah hian Group member zat hi 911 a nia, tanpuitu ka'n ko ang e.

DAWNTAWI LANU.

A mawina mawi lo khawpin,
A lawina run tur dawn lo lekin,
A kawina kual pawh thlir loin; 
A then vel e, dawntawi lanu.

Neihsumah engkim a teh,
Sumah a buai, a nei nei a seh;
Lungchhirin a thinlung a keh,
A buai zual e, dawntawi lanu.

Chu'ng ang mi za tam an leng,
An tana hun seng erawh an tlem,
Hmuhsit hnualsut i fawm, i kêm;
A nghak mêk che, dawntawi lanu'n.

ZUNZAM A HRANG

Zira Chhakchhuak Hualngo
ZUNZAM A HRANG

Zunzam a hrang ka ngai hlimlai,
Nangnen kan nun changhnu hmanlai;
I ngai reng hian ka sa zun zai.

Nang ngaia vai ka rau a chau,
Kir rel lo nun ngaiin ka pau;
Mawi hluan i hming lamin ka au.

Ka chung turni ka iang em ni?
Engah mala ka len reng hi,
Hlimna ber nang i liam tawh si!

Ka thlir a lang romei chi chiai,
Khuarel zaikung an zai riai riai;
Kei chu lengin ka van liai liai.

Tihian duhthu ka sam D-te,
Lamhla laichin ni ila e;
Zingzinin in run lawi ing e...

hman kha tun nun hriltu chu a ni a

AB St Ruggish
hman kha tun nun hriltu chu a ni a
liam hnu te khan ral ni an nei si lo
hlimthla chu man tumin a um thin a
chul tawh hnu chuai turin a phal ngai lo

lunglai luahtu rohlu a pawm thin kha
beiseina meisi chawpin a bo zo
a thinlung hnim chu hnutiang an chhawn a
silhpuan silh mah se a lum chuang si lo

hnawl nun par chuai a tan an hnuchhiah a
lunglai ruak chhungkhattu a hmu zo lo
relhrukna puan-in chu an zarsan a
a riahrun dai paw'n nieng a dawng lo

thlir reng lo la lenkawl thim tawh hnu saw
i hmu lo'm ni piaha chuai lo par saw

AWM ANG CHE AW?

Htluanga Hruaia
AWM ANG CHE AW?

Itsikna thlipui chu lo tlehin,
Hriat ngai loh ram rehah;
Vuak thitlinin awm mah ila,
Bawihte, ka kiangah awm reng ang che aw!

Tuarna luipui chu ka tân lianin,
Luah loh ram reh riaiah;
Maltea chhiah ni mah ila,
Duhtak, ka ban phâkah awm ang che aw!

Manganna chhumpui chu lo zingin,
Tahna run dai riaiah;
Mahriakin tap thin mah ila,
Lenmawi, ka mittui hru hul ang che aw?

Bawrhsàwmna tianga vuak ka nihin,
Zan thiang reh rii riaiah;
Nunhlui ngaiin tap mah ila,
Duhtak, ka ban phâkah awm ang che aw?

(11.02.2013-Ht)

KA BUAI EM A NI

Masi Chhakchhuak ProblemChild
KA BUAI EM A NI
(Hla uang deuh hlek)

Lawmna ka chharna hmunpuiah
Duhai in ka reh rei ta
Engdang vang a nilo
Ka buai em vang a ni,u Elti

Thiambelh tur zawngin
Ka thang mek e
Delhi tlang nilo phaiah
Chutin ka reh e
Mizo poetry huangah
Engdang vang a nilo
Ka buai em vang a lo ni,u Zir

Lung zawng a leng e
Ka ngai e
Ka hmangaih Zoram leh a par
Lamang ka lo let thuai dawn e.
Zoram chham hla tihmasawn turin
Ka bei ngei ang
Kei naupang mawl ve mai hian
Mahse tunah zawng
Ka thei rih lo
Engdang vang a ni lo
Ka buai em vang a lo ni. U LALRUANG

31221 ISAM
(Delhi ah ka awm mek e,ka lung a leng lutuk tawh,ka lo haw tep@)

Suihlung mu ang leng hian,

Imanuel Cvl

Suihlung mu ang leng hian,
A hel che anka biak loh mi u,
Sakhmel darang ka tawng silo che,
Riakmaw iang ka vai i tawna'n. 

Zankhua hrui ang sei hian,
A dawn silo ka chan reng hi,
Sakruang darang ka tawng silo che,
Zankhua ka var leh thin i ngai hian.

I HMING MAWINA'N

James Sangpuia
I HMING MAWINA'N

Hringnun tluanglam zawha sirtiang sawnin,
Rualpùi, parpui chhinga thanhäwl tumte,
Vahkhuai ianga pumpuar zawnga hèlin,
Phèichheh kháia thiamthil neihchawng chhuangte.

Kan tum, kan hél sanglùa tiin zùai maw?
Khuanu'n duang e hringmi chhungril danglam,
Bíkna, tudang neih loh lungríl kha aw,
Nghilh suh, harh la, päu la, zawng rawh thiam lam.

Hei ang hun ţha kan neih i ùi lo'm ni?
Puanven sawiin nangmah inbih chiang teh;

Theihna awm kha hmu la, insit suh la,
Ţang ţèng ţèng rawh, rualkhùm i hming mawia'n.

LAWMNA THEM LEM

Elti Muana
LAWMNA THEM LEM

Chelha uai beh hlen che ka duh a
Belh tur leng dang i melh lui tlat a
Relh ruk dan kawng ngawt kha i dap a...

I lung tum thaleng chu i pan a
Lumtu vai run ram ang mi chan a
I zun hlui khan zungzam a fan a...

Hlim dun hi a ni, ka duhsam chu
I hlimna tur, ka duhsam dawttu
Tah dun hi a ni, ka hlauh ber chu...

Thlahlel chunga ka thlah che a ngai 
Lungawina chanve, lawmna khingbai
Nang vang hian nuihpui dan zir ka ngai.

11022013 10:30

NANG HMEICHHIA!

Zira Chhakchhuak Hualngo
NANG HMEICHHIA!

Engah nge,
Sut leh tur i tiam le?
Thuro, rul tur pai mai i ni e.

Engvang a,
Min la riam zui cheu a;
Ila deu zui ka hmangaihna kha?

Nang hmeichhia,
Huat ka duh viau chia-
Goddamn, zuk thei ngang bawk si lo ia!

Tenawmin,
Khatiang i derthu tin,
Ka la hriatchhuah fo zantinin!

Lunglawm a kim

Mapuia Hbl Varte
Lunglawm a kim

Lungrun Ka ngai che a sin hun reilote kar ah pawh
I kiangah chuan lunglawm a kim thin asin
Nangnen chuan tu dang lengdang reng kan ngaih bik lo
kan hlimthla thlir in laikhum ah kadawn thin kan hlim nite
Rûn hmun a leng dun tur a biahthu inhlan ka nuam
Mahse i lairil ka dawn in lêm ang min der ka hlau leh thin
Lengdang tang bel chung chuan biahthu min hlan lo la
Nang chauh ti in biahthu in hlan ila
Ka hmangaihna che ring hlel lo la duh lai
Nang pawn lengdang tang min belh san lo la
Nangnen rûn hmun fanau mal tluan chawi a
Then loh na par thliah dun ka nuam
Ka rualduh ten ka hmangaihna che hi hre ve se
Ka hmangaih vang che hian min dem ka ringlo
'd' ka tawn tawh zing ah ka lunglawm ila ti kim be
Lengdang tawn ah uangpui min chan mai lo la aw 'd'

HMANGAIHNA

David Lallawmawma
HMANGAIHNA

Hmangaihnain bul kan tan a.
Hmangaihnain thian kan siam a.
Hmangaihnain hmangaih duhna min siam a.
Hmangaihnain nu leh pa'n min zilh hau a.
Hmangaihnain nupui pasal kan nei a.
Hmangaihnain fanaute kan enkawl a.
Hmangaihna avangin lungduh te mual liam ni-ah kan tap a.
Hmangaihna avangin ngaihdam theih loh kan pawm a.
Hmangaihna avangin tihdam theih loh te kan kuah a.
Hmangaihna avangin mi dangte kan tanpui a.
Hmangaihna avangin rinna kan nei a.
Hmangaihna avangin beidawnna atangin beiseina kan nei a.
Hmangaihnain mi famkim lo a tifamkim a.
Hmangaihnain Pathianin min enkawl a.
Hmangaihna avangin tun hun hi kan thleng a.
Kan engkim hi hmangaihnain a hual vel a ni.

Sikpui khua vawt a lo her a,

Elti Muana

Sikpui khua vawt a lo her a,
Dar ang chhaia kan len dunna
Zo phul hring mawi a chul zo a -
A tlang leh a mual tin kawna
Kan phun hmangaihna par ang khan.

Thalkhua a lo her leh ang a,
Zo phul hring mawi chawr duah leh na'n;
A tlang leh muala kan phun sa
Hmangaihna par vul thar leh na'n,
Thalkhua a her ve dawn si lo!

A HO

David Lfg
A HO

Muhilh a har
Di hlui ngai in ka mittui a far
Mahse fb ah hlim na thar ka chhar
Tun ah ka la tlak ka no
Chu vang chuan ka in ngaihtuah noh noh fo

ZAN REI PAU RAU

Tluangtea Lusei
ZAN REI PAU RAU

Zingtian bawhar pau tur ka ngaichang a maw,
Zantiang awmhar lunglen a hnawhtian beisei in,
Mahse a iang mange hei ang zan in,
Zan sang za tam chu maw!

Ka thlek a ka kheuhreuh maw,
Thlunglu vawi tam kan in,
I biahzai a awm mial lo maw tiin,
Tawng si lo i biahzai thu tin maw.

Beiseina chuan la beisei cheu in maw,
'Zingtian turni rawn herin,
Hlan che in ka ring biahthu D' tiin,
Nghak turin mi au si maw!

Ka thian

Jeffrey-a Pa
Garland cinquain

Ka thian
Chhunni a rei
Zankhua lah tawi si lo
Thinlaia'n aia i cham reng
Ngaihlai

Ngaihawm
Sakhmel tawn ni
Her chhuak fo lo mah se
Lo dam vawng vawng phawt mai teh aw
Bawihmam

Thanghniang
Dama dam chuan
A her chhuak ngei ang a
Hlimtea len ve hun tur chu
Duhlai

Mengmawi
Sulhnu ka chhui
Suihlung zawng a leng ngei
Senhri par iang la vul che maw
Nuimawi

Duatlai
Vangkhua a zau
A dung a sei thlawn e
I sakhmelmawi tawn si loh chuan
Ngaihawm

Ka thian
Sakhmel tawn ni
A her chhuak ngei ang a
Senhri par iang la vul che maw
Ngaihawm

070220131755

NAU ANG A TAP.

Machhani Jahau
NAU ANG A TAP.

Vuakna talhfiak i leka,
A tan hremna suang-lung i din khan;
Tuarna in azar hliaha,
A thim zo khaweng pawh.

Lawma i nuih lai khan maw!
Thinlung sahala hun hmangin e;
Tahna ruamah bawkkhupin,
Mittuiin a buala.

Khuanu ruatah ngai rengin,
Chantawkah lawmna reng nei lote'n;
A zir thin lungawi hram hram,
Eng lo chhuah leh nghakin.

Dawn chiangin hrechiang la aw!
A dikna rinawmna leh takna zawng;
Hriain zir sak ni teh la,
Damte'n i kuangkuah tur.

TUN AN SEL LO!

Rikuo Kurosaki
TUN AN SEL LO!

Zo hnam hruaitu puipa te,
Nghakhlel takin kan thlir a!
An chhawp e,kam tha khua, 
Tak ram chang silo maw?
Kan vai e,Zo Thalaite,
Hmatiang kawl eng kan thlir e!

Engtik ah maw hmatiang sawn a,
Party aia Zoram hmangaih ni tur?
Kan pung kan hlim hnam runah,
Bhavan kan mawi in suih titi ikk e...
Thalaite lung kan rual silo!

Nawih chuh thalai lung na ten,
Sel zai rel han sawn ve in,
Tun ùksak lo ta si hian maw...
Lung na hnutiang an chhawn leh thin.
Tun an sel lo RAM HMANGAIH THELH!

JERUSALEM-THAR**

Akimi Sailo
JERUSALEM-THAR**

A kai ta van hmun nuamah,
Tlante tan hmun siam turin,
Kum sang tam a vei ta e,
A ropui dawn ma'nge,
Isu i siam Jerusalem thar chu.

Kan bang tawh ang nau ang kan tah,
Then hnu vanga luaithli luang zawng,
Hul zai relin hlimna rawl kan chhuah tawh ang,
Chutah kan lawm a kim tawh ang.

A lifetime with you

James Famkima
Set rules hi ka zawm ngai meuh lova...rhyme lem lo hian flow tha tak erawh a awm ve thei tih lantirna ang rengin ka han chhawpchhuak a ni...

A lifetime with you
Will be too much to ask
Even angels will be surprised
At such a wild dream
So I dare not ask but instead
I prayed for an evening with you
Just one evening
On a hill where pine trees dance
To the rhythm of a gentle breeze
Where silence is broken by your laughter
And twilight brighten by your sweet smile
To sit beside you and gaze at
The most beautiful creation
Just for an evening
An evening worth of a lifetime.

HMAIKHUH PHEN AMI CHU

Spi Sp Cof
HMAIKHUH PHEN AMI CHU

A anka hmangaihna,
A lairil erawh thihna tûr,
A ralthuam neih that ber chu,
A dawtsawi a lo ni e.

A thinlung chu bumtu,
A pawnlang erawh angel,
A rimtui ngei a hmaikhuhna,
A chhungril erawh khakna.

A hmachhuan hmangaihna,
A tum erawh hmelmakna.
A silhfen zawng a var,
A neitu erawh sual phuar.

RUN LUM LA

Muantea Fanai Pakhup
RUN LUM LA

Run lum la
Hrai lawma'n
Tuaitir leng
Kal siam la

Chun ve riang ruang

KA LUANGLIAM VE E!!!

Jimmy Chhangte
KA LUANGLIAM VE E!!!

Siar Chawngmawii leh a D Hrangchhuana,
Lungrual ten an leng a khi thangvanah,
Kei ka D suihlung ka rualpui theilo,
Ka tawnah awmlai lungmawl lo hrang in,
A liampuisi piallei hnuchhawn in,
A sakruang piallei thuahriat hnuaiah,
A rauthla a leng e thangvan sang an,
Ka thlir thin an zalhna fam rolung mual,
Thinlai a zing thin a tello hringnun,
Ka ngai em e, ka D ve kha,
Awmkhawhar suihlunglen chang hian,
Chhiah i la a tan biahthu,
Mi chhang ang maw, rawn hmuve tak ang maw,
Ka ring silo lei dan an chhiar, rauthla in,
A ngaih awnhar lunglen ka tuar zo lo,
Ka ngai che ka ngai ngawih ngawih che,

THIHNA hi a va lungrun em, engtikah mah in hmu tawh lo turin, an phum tawh si che a le,
thei i la, ka dahbo ang thihna hi, engtikah mah awm leh tawhlo turin, i tan tan liau liau...
i hnukchah dawn tal khan i kiangah awmve i la maw......

PHATSANTU

David Lallawmawma
PHATSANTU

Pawm chungin kan ringhlel a.
Hre chungin kan awi lo a.
Hmu chungin thudik kan zawt lui a.
Dik chungin thupa a sawi kan phut a.
Beisei chungin thiam thu sawi ve turah kan ngai lo a.
A lo kirin a kal leh hun tur kan thlir a.
Kan thlir laiin a lo kal a.
A thilith thatin pawnchhe hnangkhai pawh a tluk lo a.
Dam chungin a fam a.
A nuna parmawi a lan lai pawhin GEHENA a paih tlak lohah kan ngai si a.
A ni, phatsanna chuan NUN a ti nghingin a ti khawbo zo a.
Thatnain lanmawina kawngka kik mah se hawn a ni ngai si lo.

I LIAM NI KHAN

Thartei
I LIAM NI KHAN

Suihlung her a i liam ni khan
Hlimna nui ri a dai zo a
Suangtuahna zawng tham ral zo ta

Sulhnu chhui reng ni a liam a
Lo her leh thin zan khawhar reh
Liam hnu ngaiin kiu a awl ngei

Anka mawi tin lo thar leh thin
Fan a awl si hlimlai chul hnu
Mahten ka fang zan tlai rehah

KA DUAT

Lallawmsanga Renthlei
KA DUAT

Beiseina nung ka neih nan beidawnna ruam i zawh a,
Ka hlim nan i hliam a;
Ka nuih nan i na a,
Heti chung hian...
An 'deu' che maw,
Ka 'duat' ang che
An tan 'engmah' ni lo mahla,
Ka tan 'engkim' i ni.

NGAIH BAN HNU

Muantea Fanai Pakhup
NGAIH BAN HNU

Ngaih ban hnu
Thar leh maw?
Leng kir tum
Pawm bik suh i

Chhai thar nei hian

PARMAWI

Elti Muana
PARMAWI

Neihchawngpa parhuan chawihin hawih te'n a vul bung a,
Vanhnuai mi hril parmawi thang hluan, mawi zual tura duan;
Neih sum senga dur tin an vur, Sappui chinpar mawi -
Angur nun leng hrai chawi tha bung dawntuai rual iang hian.

A thlawn nem maw tha leh zung, sumpai an sen sa kha,
Par tin chhinga a vulna parhuan a mawi tak saw!
Lawm ve hian ka ring mang e, duata zuattu suihlung -
Angur hrai chawi tha leng hellai val suihlung iang hian.

Zawh leh tlawh-pawh hlawh lo lam hrulah a vul thung a,
Vanhhnuai mi hril hlawh lo, par azawnga par riang hluan;
Hlo bawn tul pik kara leng Zonu Derhken par mawi -
Chawia ka awih hrai duh lengte belh lai chun iang hian.

A thlawn bil lo - phak tawk par chhuah na'n - a tha sen kha,
Tu dang pur loa a vulna kung a mawi tak saw!
Lawm ve hian ka ring mang e - a vulna kung suihlung -
Chawia ka awih hrai duh lengte belh lai zua iang hian. 

(A changtunu pual :-D)

Di ngaih lunglen nemte'n hril la,

Lalzawmsanga Khiangte
Hei le 2000 kum a ka ziah tawi te !

Di ngaih lunglen nemte'n hril la,
Ka lam nang e Laichhuat a zaulaiah;
Tleitiri zun ngaih ka bang thei nemaw !

THLAWK ILA.

Htluanga Hruaia
THLAWK ILA.

Zâr ila thlâ, zàn vâ iangin,
Thlâwk ila, vànsâng thiang a’n;
Kuan ila thlâ, si-âr iangin,
Thlâwk ila, vàn râng chhum a’n.

Lung her tur si, mawi zual, lènmawii,
Hriat loh hmatiang vànga kan belh khâ;
Lung hlui tur si, mawi zual, hermawii,
Hriat loh hnutiang zuana kan thlah khâ.

Hei ang khua thiang, vâwt riai hnuai a’n,
Ka dâwn, ka dâwn reng fo mai!
Hei ang zàn thiang, dai riai hnuai a’n,
Ka au, ka au reng fo mai.

PHATSANTU

David Lallawmawma
PHATSANTU

Pawm chungin kan ringhlel a.
Hre chungin kan awi lo a.
Hmu chungin thudik kan zawt lui a.
Dik chungin thupa a sawi kan phut a.
Beisei chungin thiam thu sawi ve turah kan ngai lo a.
A lo kirin a kal leh hun tur kan thlir a.
Kan thlir laiin kan kiangah a awm a.
A thilith thatin pawnchhe hnangkhai pawh a tluk lo a.
Dam chungin a fam a.
Thinlung keh darhin a nung a.
A nuna parmawi a lan lai pawhin GEHENA a paih tlak lohah kan ngai si a.
A hringnun chu pindan pakhata khung ang mai a ni fo a.
A ni, phatsanna chuan NUN a ti nghingin a ti khawbo zo a.
Thatnain lanmawina kawngka kik mah se hawn a ni ngai si lo.

" THANLAI PADMA SHREE"

Stephen Lr
Fam Lalsangzuali Sailo Ngilhlohnan:
" THANLAI PADMA SHREE"

1. Zaitin rem thiam sanghluan hrilthiami,
Thanlai banglo lairil luahtu;
Zofa lenrual chinlai rual zawngte,
Tawnmang biahthu leng mai chhawnin maw;
Kir rello puini min kai san hi!
Khua a hnim thinlai a zingruai a,
Vangkhawpui kawlang a hnim ruai e.

2. Lawm a kim lo,nghilhni i awm lo,
Ar-ang kan vai rualduh leng zawngte'n;
Dar-ang chhaia lungrual lenlai chulhnu,
Chhingmitthla ah chamin tangah min phuar;
I pam lua e aw zoawi Lelte!
Choloh awmlai lunglian hrangin e,
Zoawi parmawi lunglohtui dawntir e.

3. Ka hril ka puang nang ngaih biahthu,
Zoram mawitu Aitenawn Zangzual;
Nang tello tlei hian ring bik suh la,
Piallei runthim pelin lo let leh la;
I hraichawi,chinlai puimi-zaleng,
Tahlai hnemin min awi leh la;Sakhming chuailo Thanlai Sensiar!

4. I thiam,i fin,i theih partlanin,
Khuanu hraichawi Zofalengte'n;
Hmatiang sawn zai rel khuavel chhingin,
Ka chawi ang che sakhming mawihluan;
Zoram pangpar kumtluang-Saron,
Lallai-Sangzual nghilhloh Sanghluan;
Hrilthiam awithiam ziakawi-sanghluan!

5.Anka zeitin tuah thiam Lalawithangpa'n,
Sakhming thanlai relin chawivel mah se;
Hrilseng tak maw,hrilthiam tak maw?
Kan chawi nang che thang leh thar te'n,
I sul-i hnu,i kutchhuak par;
Thinlai hnem lungdi ro ang khawlin,
Zoawi-kalsiam timawi zuala'n!

6. Tlangtin mualtin kawitin hrutin,
Sirva lenthiam di chhai iangin;
Awihlai mawitu thanlai 'Padma Shree',
Kan nghilh lo'ng che i chuai lo'ng e;
Rawlthal-tleitir thiamsang huleng zawngte,
Hraiang chawia chochhuak tura'n;
Kan chawi zel dawn sakhming thanghluan!

7.Tihian lunglai hnem mai nang e,
Rualzawng lengzawng kimna chatuan Runa'n;
Hlimin lawmin kan tuan ni chuan,
Thenloh thu-di kipte'n hlanin;
He lei khawhar sakruang hnawlin,
Ka chawi ang che lungchim tangah;
Aw! Nghilhloh Lallai-Sangzuali!

@Hei hi Dt.22.2.2007 a ka ziah a ni,naupang th-hla mai zawng ni lahtak a...

KEI LEH NANG

Mafaa Hauhnar
KEI LEH NANG

Râlpui lunglian vangin,
Chungtiang siar-ah changin,
Hrangchhuana’n Chawngmawii a hêl;
Hlimte’n an lêng, di tuah an rêl,
Zarâl lêng an bo,
Lei hringnun an awt bil lo.

Chungtiang thangvânzâwlah,
Chawngmawii leh Hrangchhuana mah,
A ṭhianga an her dun si chuan,
Ainawnpar, Sakhmel dartui luan,
Engah kei leh nang
Kawpzai rêl a rem loh ang?

Phunṭih lunglian vangin,
Chung phêngphelêngah changin,
Tualvungi’n Zâwlpal a bêl,
Hlimte’n an lêng, kawpzai an rêl,
Phunṭih ral a bo
Koh thiam huiva an ngai lo.

Vangkhua a zau laiah,
Zâwlpala leh Tualvungi mah,
Kawptea an lên dun si chuan,
Chhawkhleipar, rangka dar tui luan,
Engah kei leh nang
Di tuah rêl a rem loh ang?

ka ngai che

Jeffrey-a Pa
Ka post ve vawikhatna atan:

ka ngai che

ngaih che hi
ka tum hran lo
hriatreng mai che hi
duh pawh ka duh lem lo
theihnghilh hmin der mai che hi
tum pawh ka tum lem lo
ka hriatrengna hi
bo vek hek lo
ka ngai che

310120131900

Vei lem nei lo val hi

Chhuan Mawia Ralte

Vei lem nei lo val hi
Pentawng thar lam vang emni 
Chhunni rei thu ka kur pui tak
Thadangi tel lo chuan 
Chhunni chu rei duh mahse,
Tlai khua lo ngui hi
Chawltui zun ngaihawm tizualtu
Lo chang ta si, tun min sel lawng
Lengi tel lo val nuih nan
A lo tawk reng si

A LO LANG DAWN E

Tluanga Chawngthu
A LO LANG DAWN E

Hringnunah THIM hianin min hual vel fo,
Khawfing chah hun tur “Arei lua” kan ti;
THIM karah luaithli kan nûl bang thin lo,
Kan dem fo thin e Siamtu Pathian hi.

Hringnuna mawina pârte lo chuaiin,
Nun chau leh tuihalin rùm mah ila;
Vansanga kalsiam turnipui iangin,
Chawl ngai suh se lei hringnun BEISEINA.

BEISEINA thlazar hnuaia kan chawlh chuan,
Beidawnnate zakin mual an liam e;
‘lungrawn muala fam ta te ruhro khuan,
Damlai hringnun hlutzia min hriattir e.

Chhumpui dum chhah tak kara NI ENG saw,
A lo lang dawn e, Zo tláng kara saw.
(11th December,2005)

HRINGNUN**

Akimi Sailo
HRINGNUN**

Luaithli far tap ràwl chu,
Hring-mi ramah a chhuak a;
A chhia a tha hre tùrin,
Hriat chian awm loh hmunah chuan.

Duhsám theia duan chu,
Beisei neia nung zelin;
Lungril awina ban turin,
Duh khawp awm loh hmunah chuan.

Hlim leh nui theia duan chu,
Tahna ruam a pumpelh lo,
Hlimin hmatiang a thlìr a,
Sulhnu chhui a bàng si lo.

Vanglai hmang theia siam chu,
Vullai a vui liam si a,
Hringmi nihna nei siin,
Piallei thim hnuaia zal chu.

MAWI-MAWLI

Masi Chhakchhuak ProblemChild
MAWI-MAWLI

Piallei mawina belhchhah tur in
Mimang i lo piang val lawm an
Chutin nunkhua i hmang
Mawlna hualvelin
Aw... A pawi ngei
I chhaw lua a ni.

Thlanghartui luan lanu dang aiin
I chungchuang ngei e
Mawina famkim chu i khum
Mahse hawiher pheichheh
A mawi si lo chhungpuinu atan.

Sakhmelah zawng
Rual i khum e
Sawi leh sel tur a awmlo
Mahse a phen zawng
Rual hnuai ,aw.. .a pawi lua.

Mawina timawi tu leh
Hmelthatna hrilhfiahna chu i ni
Parah par mawi ber tiin
An la thliaksual fo dawn che
Tha val leng zawng ten.

2991121 ISAM

Thal khaw eng mawi a her liam a,

Elti Muana
‎(Kuthlei kam chhuak. Ka status update hi a titamtu-ah ka'n dah ang e)

Thal khaw eng mawi a her liam a,
Furpui khuangruah mual a liam a, 
Vangpui lenkawl mawi pawh a her liam a,
Sikni eng mawi a lo zam thar leh thleng hian,
Chhak kawla turnipui khian maw lungrun,
Nangngaih ban ni a la her chhuahpui lo.