AWM ANG CHE AW?

Htluanga Hruaia
AWM ANG CHE AW?

Itsikna thlipui chu lo tlehin,
Hriat ngai loh ram rehah;
Vuak thitlinin awm mah ila,
Bawihte, ka kiangah awm reng ang che aw!

Tuarna luipui chu ka tân lianin,
Luah loh ram reh riaiah;
Maltea chhiah ni mah ila,
Duhtak, ka ban phâkah awm ang che aw!

Manganna chhumpui chu lo zingin,
Tahna run dai riaiah;
Mahriakin tap thin mah ila,
Lenmawi, ka mittui hru hul ang che aw?

Bawrhsàwmna tianga vuak ka nihin,
Zan thiang reh rii riaiah;
Nunhlui ngaiin tap mah ila,
Duhtak, ka ban phâkah awm ang che aw?

(11.02.2013-Ht)