Zira Chhakchhuak Hualngo
ZUNZAM A HRANG
Zunzam a hrang ka ngai hlimlai,
Nangnen kan nun changhnu hmanlai;
I ngai reng hian ka sa zun zai.
Nang ngaia vai ka rau a chau,
Kir rel lo nun ngaiin ka pau;
Mawi hluan i hming lamin ka au.
Ka chung turni ka iang em ni?
Engah mala ka len reng hi,
Hlimna ber nang i liam tawh si!
Ka thlir a lang romei chi chiai,
Khuarel zaikung an zai riai riai;
Kei chu lengin ka van liai liai.
Tihian duhthu ka sam D-te,
Lamhla laichin ni ila e;
Zingzinin in run lawi ing e...
No comments:
Post a Comment