THU CHHIAH MAW E
Partin thang an vul chiai e chhuahtlang mual mawiin,
Sirva leh Lelthang rengtinpa'n zaivâwrin an awi.
Khua thal romei leh fur khaw zobawm lêntupui,
Hallote'n a thâwi e damdiai turnipui êng mawiin.
Hawi vel ila a lang e sulhmun hlui kan tuanna,
Nunhlui chang tawh hnu nui hiauva dar ang lenlaini.
Hunin a liampui kan nun tuanthu chang tawh hnu,
Nghilhni awm thei lo a thar leh thin thinlaiah.
Zodai bâwm romei leh chhêmdamthli lêng vel.
Tuahpui vâu leh parfung chawi lêntu thingtin.
Râl lam mual bawh ruahkung paw chi chiai.
Zûn min bãntu infâwkkhawm leilung mawina.
Biak theih chang se zobawma thâm pipu zunlêng,
Khuatin mawi siamtu kutchhuaka châmbang.
Suihlungtin rualpui ka nuam ngei e rauvi thlâin,
Thang leh thar tân hnam ro thuthlung chhiah maw e.
Hallote'n a thâwi e damdiai turnipui êng mawiin.
Hawi vel ila a lang e sulhmun hlui kan tuanna,
Nunhlui chang tawh hnu nui hiauva dar ang lenlaini.
Hunin a liampui kan nun tuanthu chang tawh hnu,
Nghilhni awm thei lo a thar leh thin thinlaiah.
Zodai bâwm romei leh chhêmdamthli lêng vel.
Tuahpui vâu leh parfung chawi lêntu thingtin.
Râl lam mual bawh ruahkung paw chi chiai.
Zûn min bãntu infâwkkhawm leilung mawina.
Biak theih chang se zobawma thâm pipu zunlêng,
Khuatin mawi siamtu kutchhuaka châmbang.
Suihlungtin rualpui ka nuam ngei e rauvi thlâin,
Thang leh thar tân hnam ro thuthlung chhiah maw e.
No comments:
Post a Comment