“ka lo hre lo va”

Hr Chhangte

“ka lo hre lo va”

Hmangaihna biahthu mi hlan lai khan,
Takna tel lo a nih ka hre lo va.

Ka bana ka kuangkuah lai che khan
I thinlung ka pawm bet tel si lo va.

I mi fawhna zozai-ah te khan
Derna a inphum tih ka hre lo va.

Hlim nui hmela mi chhawn lai te khan
Khakna inphum ru chu ka hmu lo va.

I tan ka theihna ka hlan lai khan
I nuih tiza mai tih ka hre lo va.

Ka phak tawka ka vur lai che khan
I duh- chu chauh chu tih ka hre lo va.

Tiamthu suta mi liamsan hnu khan
Nang vanga ka tuar hi I hre lo va.

Deuna nena mi kawh zui lai khan
Ka thinlung I thler tih I hre lo va.

Mahse heng ka tawrhna zawng zawng hian
Zirlai min zirtir tih I hre lo va.

Nangmah bak hmangaih nei ngai lo hian
A liamsan dawn che tih I hre lo va.

(a hlui deuh tawh na a, ka'n post ve reng reng)