Tualvungi leh ZawlpalA

C Van Hmingtea

Tualvungi leh ZawlpalA

Pipu leng zamual an liam zo ta,
An hril thin Tualvung-Zawlpal di nei chu e,
Zatlang khuavela sakhming thang chuang an ni e.

Khuahmun runhmunah lengin,
Hlim leh lawm lai par an tlan e.
Di tuah rem thiam palai lengin,
Run hmunah nau ang an nuihtir e.
Zawlpal mihrang val lenmawia chuan,
A thai nu biahthu hlan e:
‘Ka lawm nan reng maw,
Khuanu kutkawih leh duan chu,
Sak hmel e, mawi hluan e,
Kimtlang e, mawi ber e,
Vanchungnula em i nih a,
Khuavang note an sawi hi le,
I chun i zua ten i sakhmelah,
Dartui an luantir em ni le ?
Khuanu tuah renga piang vannei zawng,
I lo ni ngei reng e nang zawng.’
Thainemin anka nemin a chhang,
Ti hian hril e, a di Zawlpal kiangah,
“I anka nem a mawi hluan e,
I sakruang buan ang ka pawm lai hian,
Lawmna pangpar zu ka tlan e,
Nang nena run hmun len chu e,
Khawizu iangin a thlum ngei e,
Damten lengin khuanu zarah,
Phang lo ten damlai ni i chhiar dun ang aw’
Karah hmelma lo hrang mah se,
Hal lote’n i leng zel ang aw,
Ka di e, Zaawlpal e.. (a kim lo)