BENGTLALOA THUKHAWCHANG

Elti Muana

Hei hi ka lo post tawh a nih chuan a nawh reh theih e.

BENGTLALOA THUKHAWCHANG

Min au a, Phunbung zar hnuai atangin,

Mahse ka hre duh lo a;
Hriatna tura beng nei reng chung siin.

Piallei thuah riat hnuaia ruhrote chuan,
''I pi ka ni, i pu ka ni'', min ti a;
Mahse ka bengkhawn duh chuang lo.

Phul hmun hring dupa nung tinrengte chuan,
"Kan mi kan sa i ni e", min lo ti a;
Mahse 'tahchuan mikhual lenin ka leng lui tlat a.

Siktui thiang cham duaina lipui chuan,
"I pi leh pute pialral kawngka ka ni", a lo ti a;
Mahse neitu chan chan chu ka tum chuang lo.

Chu'ng thu zawng chu bengkhawn a, ta neih tur chuan,
Tiau luipui hmingthang kuang a zau, a luang ring lua a ni.

23.7.2008